గర్భిణీ స్త్రీలు ఆరోగ్యంను కాపాడుకోవాలి..

మానవతా స్వచ్ఛంద సేవా సంస్థ అధ్యక్షులు చిన్న తంబి చిన్నప్ప
విశాలాంధ్ర ధర్మవరం;; గర్భిణీ స్త్రీలు ఆరోగ్యమును కాపాడుకోవాలని మానవతా స్వచ్ఛంద సేవా సంస్థ అధ్యక్షులు చిన్న తంబి చిన్నప్ప తెలిపారు. ఈ సందర్భంగా వారు పట్టణంలోని శివానగర్లో గల అర్బన్ హెల్త్ సెంటర్లో గర్భిణీ స్త్రీలకు బండ పంపిణీ కార్యక్రమాన్ని చేపట్టారు. అనంతరం వారు మాట్లాడుతూ ఈ కార్యక్రమానికి విరాళమును జూటూరు సత్యనారాయణ సహకరించడం జరిగిందన్నారు. అనంత రం మెడికల్ ఆఫీసర్ డాక్టర్ గౌతమి మాట్లాడుతూ గర్భిణీ స్త్రీలు ప్రతినెల ప్రభుత్వ ఆసుపత్రిలో వైద్య చికిత్సలు తోపాటు తగిన టీకాలు కూడా వేయించుకోవాలని తెలిపారు. కుటుంబ సభ్యులు కూడా గర్భిణీ స్త్రీలకు సహాయ సహకారాలను అందిస్తూ వారి ఆరోగ్యం పట్ల జాగ్రత్తలు తీసుకోవాలని తెలిపారు. ఈ కార్యక్రమంలో ఉపాధ్యక్షులు జగ్గా వేణుగోపాల్, చైర్మన్ నారాయణమూర్తి, కార్యదర్శి మంజునాథ్, కోశాధికారి చంద్రశేఖర్ సభ్యులు రామకృష్ణ, జగ్గా నాగరాజు, జింక చిన్నప్ప, ఏఎన్ఎం పుష్పలత, నారాయణమ్మ, ఆశా వర్కర్లు పాల్గొన్నారు.