సెట్టిపి జయ చంద్రారెడ్డి
విశాలాంధ్ర – ధర్మవరం : రాష్ట్రస్థాయి బాస్కెట్బాల్ పోటీల్లో పాల్గొనే ఉమ్మడి అనంతపురం జిల్లా జట్టుకు ధర్మవరం బాస్కెట్బాల్ క్రీడాకారులు ఎంపిక కావడం జరిగిందని ధర్మాంబా బాస్కెట్బాల్ అసోసియేషన్ ఆర్గనైజింగ్ సెక్రటరీ శెట్టిపి జయచంద్రారెడ్డి తెలిపారు. అనంతరం వారు మాట్లాడుతూ రాష్ట్ర స్థాయిలో ఈ నెల డిసెంబర్ 07 తేదీ నుండి 10 వ తేదీ వరకు పశ్చిమగోదావరి జిల్లా మార్టూరు పట్టణంలో రాష్ట్ర స్థాయిలో జరిగే 10 వ సీనియర్స్ ఆంధ్రప్రదేశ్ బాస్కెట్బాల్ ఛాంపియన్షిప్ పోటీల్లో పాల్గొంటారని తెలిపారు. ఉమ్మడి అనంతపురం బాస్కెట్బాల్ పురుష,మహిళ జట్ల నందు ధర్మవరం పట్టణానికి చెందిన …సంజయ్… పురుష సీనియర్ బాస్కెట్బాల్ జట్టు నందు స్థానం సంపాదించారు అని తెలిపారు. అలాగే మహిళల సీనియర్ బాస్కెట్బాల్ జట్టు నందు జి.కిరణ్మయి, బి.నీఖ్యశ్రీ , ఉమ్మడి జిల్లా బాస్కెట్బాల్ జట్టుకు ఎంపికయ్యారని తెలిపారు నవంబర్ 24వ తేదీన తేదీన అనంతపురం నగరంలోని స్థానిక ఎస్ ఎస్ బి ఎన్ కళాశాల నందు జరిగిన సెలక్షన్స్ నందు వీరు ప్రతిభా చూపి, ఉమ్మడి అనంతపురం జిల్లా జట్లకు ఎంపికయ్యారు అని తెలిపారు.వీరి ఎంపిక పట్ల అసోసియేషన్ అధ్యక్షులు మేడాపురం రామి రెడ్డి, ఆర్గనైజింగ్ సెక్రటరీ శెట్టిపి జయ చంద్రారెడ్డి, కార్యదర్శి వాయల్పాడు హిదయ తుల్లా, హర్షం వ్యక్తం చేశారు . రాష్ట్రస్థాయిలో స్థాయిలో వీరు రాణిoచి ధర్మవరం పట్టణమునకు పేరు ప్రతిష్టలు తేవాలని వారు ఆకాంక్షించారు.ఎంపికైన క్రీడాకారులు శుక్రవారం రోజున బయలుదేరి పశ్చిమ గోదావరి జిల్లా మార్టూరు మార్టూరు పోటీలో పాల్గొంటారని తెలిపారు.
