ఘనంగా ఎస్ఎఫ్ఐ ఆవిర్భావ దినోత్సవ వేడుకలు

విశాలాంధ్ర ధర్మవరం: భారత విద్యార్థి ఫెడరేషన్ (ఎస్ఎఫ్ఐ) 55వ ఆవిర్భావ దినోత్సవ సందర్భంగా ధర్మవరం పట్టణంలోని ఇందిరమ్మ కాలనీ ప్రభుత్వ బాలుర సాంఘిక సంక్షేమ హాస్టల్ నందు జెండా ఆవిష్కరణ జరిగింది. ఈ కార్యక్రమానికి మాజీ ఎస్ఎఫ్ఐ నాయకులు ఎస్ హెచ్ భాష ముఖ్యఅతిథిగా విచ్చేసి ఎస్ఎఫ్ఐ జెండాను ఆవిష్కరించారు.అనంతరం ఆయన మాట్లాడుతూ.. 1970లో కేరళ రాష్ట్ర రాజధాని తిరువనంతపురంలో స్వాతంత్రం,ప్రజాస్వామ్యం,సోషలిజం నినాదంతో అధ్యయనం పోరాటం అంటూ యావత్తు విద్యార్థుల సమస్యలపై రాష్ట్ర కేంద్ర ప్రభుత్వాలతో అనేక ఉద్యమాలు చేపడుతూ దేశంలోనే అతిపెద్ద విద్యార్థి సంఘంగా ఏర్పడింది అని తెలిపారు. కేజీ నుండి పీజీ వరకు విద్యార్థుల సమస్యలు ఎక్కడుంటే అక్కడ ఎస్ఎఫ్ఐ అగ్రస్థానంలో ముందుంటు నిరంతరం విద్యార్థులను చైతన్య పరుస్తూ శాస్త్రీయ దృక్పథంతో ముందుకు తీసుకెళ్తుందని తెలిపారు. జరిగింది. ఈ కార్యక్రమంలో ఎస్ఎఫ్ఐ జిల్లా కార్యదర్శి నామాల నాగార్జున, ఎస్ఎఫ్ఐ జిల్లా ఉపాధ్యక్షులు కనుమ దామోదర్, హాస్టల్ విద్యార్థులు పాల్గొన్నారు