శ్రీ సత్యసాయి జిల్లా సబ్ జూనియర్ బాలికల హాకీ జట్ల ఎంపిక పోటీలు.. బి. సూర్యప్రకాష్

విశాలాంధ్ర ధర్మవరం;; ఈనెల 25వ తేదీ శనివారం ఉదయం 9 గంటలకు ధర్మవరం హైస్కూల్ గ్రౌండ్ నందు శ్రీ సత్యసాయి జిల్లా సబ్ జూనియర్ బాలికల హాకీ జట్ల ఎంపిక పోటీలు జరుగునని హాకీ ఆంధ్రప్రదేశ్ వైస్ ప్రెసిడెంట్,హాకీ శ్రీసత్యసాయి జిల్లా అసోసియేషన్ సెక్రటరీ బి. సూర్యప్రకాష్ తెలియజేశారు. అనంతరం వారు మాట్లాడుతూ ఇక్కడ ఎంపికైన సబ్ జూనియర్ బాలికల జట్టు ,హాకీ ఆంధ్రప్రదేశ్ ఆధ్వర్యంలో జనవరి 27వ తేదీ నుండి 29వ తేదీ వరకు అనంతపురం
ఆర్. డీ. టీ క్రీడా మైదానం లో జరుగు రాష్ట్ర స్థాయి బాలికల సబ్ జూనియర్ హాకీ పోటీలలో పాల్గొంటుందన్నారు. ఈ ఎంపిక పోటీలలో పాల్గొనబోవుసబ్ జూనియర్ క్రీడాకారులు 01-01-2009 తరువాత జన్మించి ఉండాలని, క్రీడాకారులు తమవెంట ఆధార్ కార్డ్,బర్త్ సర్టిఫికెట్ తీసుకురావాలని తెలియజేసారు. ఈ అవకాశాన్ని క్రీడాకారులు సద్వినియోగం చేసుకోవాలని తెలిపారు.