పుట్టపర్తి లోని సంస్కృతి ఇంజనీరింగ్ కళాశాలపై చర్యలు గైకొనండి

ఏపీ ఎస్ ఎఫ్ జిల్లా ప్రధాన కార్యదర్శి బండి శివ గౌడ్
విశాలాంధ్ర ధర్మవరం : శ్రీ సత్య సాయి జిల్లా పుట్టపర్తి కేంద్రంలో సంస్కృతి ఇంజనీరింగ్ కళాశాలపై చర్యలు గైకొనాలని ఏపీఎస్ఎఫ్ జిల్లా ప్రధాన కార్యదర్శి బండి శివ గౌడ్ తెలిపారు. ఈ సందర్భంగా వైశాన్సులర్ కృష్ణయ్యకు వినతి పత్రాన్ని వారు అందజేశారు. ఈ సందర్భంగా వారు మాట్లాడుతూ ఆ కళాశాలలో రెండవ సంవత్సరం చదువుతున్న ప్రేమ్ సాయి అనే విద్యార్థి పై తోటి విద్యార్థులు దాడి చేయడం వల్ల ఆ విద్యార్థి మృతి చెందడం బాధాకరమన్నారు. మృతి చెందిన విషయం తల్లిదండ్రులు కూడా సమాచారం ఇవ్వకపోవడం దారుణం అన్నారు. కనీసం కళాశాలలో ఏమి జరుగుతోంది అన్న విషయాన్ని కూడా కళాశాల యాజమాన్యం పట్టించుకోకపోవడం వల్లనే విద్యార్థి మృతి చెందడం జరిగిందని వారు ఆరోపించారు. కావున ఆ కళాశాలపై క్రిమినల్ కేసులు నమోదు చేసి కళాశాలలో పోలీస్ టీంలను ఏర్పాటు చేసి డ్రగ్స్, ర్యాగింగ్ వంటి అసాంఘిక కార్యకలాపాలపై పర్యవేక్షణ జరపాలని వారు డిమాండ్ చేశారు. విద్యార్థి మృతికి కారకులను కఠినంగా శిక్షించాలని మృతి చెందిన విద్యార్థి కుటుంబానికి ఎక్స్గ్రేషియా చెల్లించాలని వారు తెలిపారు. సంస్కృతి ఇంజనీరింగ్ కళాశాల హాస్టల్ లో సమగ్ర విచారణ జరపాలన్నారు. ఆ కుటుంబానికి న్యాయం జరిగేంతవరకు మా పోరాటాలు ఆపమని తెలిపారు.