కార్యకర్తలకు అండగా టీడీపీ

విశాలాంధ్ర – పెద్దకడబూరు (కర్నూలు) : సభ్యత్వం పొందే ప్రతి కార్యకర్తకు తెలుగుదేశం పార్టీ అధిష్టానం అండగా ఉంటుందని టీడీపీ బీసీ సెల్ నాయకులు తలారి అంజి, మొట్రు రామాంజనేయులు అన్నారు. సోమవారం మండల కేంద్రమైన పెద్దకడబూరులోని బీసీ కాలనీలో టీడీపీ సభ్యత్వ నమోదు కార్యక్రమం నిర్వహించారు. ఈ సందర్భంగా వారు మాట్లాడుతూ టీడీపీ సభ్యత్వం పొందే కార్యకర్తలకు 5 లక్షలు వరకు భీమా సౌకర్యం వర్తిస్తుందని తెలిపారు. ప్రతి కార్యకర్త కుటుంబానికి అండగా టిడిపి ప్రభుత్వం ఉంటుందని వారు వెల్లడించారు. కావున ప్రతి కార్యకర్త ఈ అవకాశాన్ని సద్వినియోగం చేసుకోవాలని కోరారు.