సజావుగా జరిగిన పెన్షన్ పంపిణీ కార్యక్రమం..

మున్సిపల్ కమిషనర్ ప్రమోద్ కుమార్
విశాలాంధ్ర ధర్మవరం:: పట్టణములో పెన్షన్ పంపిణీ కార్యక్రమం సజావుగా నిర్వహించడం జరిగిందని మున్సిపల్ కమిషనర్ ప్రమోద్ కుమార్ తెలిపారు. ఈ సందర్భంగా వారు పట్టణంలోని పలు ప్రాంతాలలో ఆకస్మిక తనిఖీలు నిర్వహించి, పెన్షన్ పంపిణీ తీరును వారు పరిశీలించారు. అనంతరం నేరుగా పెన్షన్ దారులతో మాట్లాడి, ఒకరోజు ముందుగానే ఈ పెన్షన్ కార్యక్రమం ప్రభుత్వ ఆదేశాల మేరకు పంపిణీ చేయడం జరిగిందని వారు ప్రజలతో తెలియజేశారు. పెన్షన్ పంపిణీ చేసే అధికారులకు ఎటువంటి డబ్బు ఇవ్వరాదని, అలా ఎక్కడైనా జరిగితే నా దృష్టికి తీసుకొని వస్తే చర్యలు గైకొంటామని తెలిపారు. ఈ కార్యక్రమంలో టౌన్ ప్రాజెక్టు ఆఫీసర్ విజయభాస్కర్, టౌన్ ప్లానింగ్ ఆఫీసర్ సాయిప్రసాద్ తదితరులు పాల్గొన్నారు.