ప్రజా సమస్యల పరిష్కార వేదికఁ అర్జీలను తక్షణమే పరిష్కరించాలి

జిల్లా అధికారులు చిత్తశుద్ధితో పనిచేయాలి
జిల్లా కలెక్టర్ డాక్టర్ వినోద్ కుమార్.వి
విశాలాంధ్ర అనంతపురం : అనంతపురం కలెక్టరేట్ లోని రెవెన్యూ భవనంలో సోమవారం నిర్వహించిన ఁప్రజా సమస్యల పరిష్కార వేదికఁ (పబ్లిక్ గ్రీవెన్స్ రీడ్రసెల్ సిస్టం, పిజిఆర్ఎస్) కార్యక్రమంలో పాల్గొని ప్రజల నుంచి జిల్లా కలెక్టర్ డాక్టర్ వినోద్ కుమార్.వి అర్జీలను స్వీకరించారు. జిల్లా కలెక్టర్ తో పాటు ప్రజల నుంచి అర్జీలను స్వీకరించే కార్యక్రమంలో జాయింట్ కలెక్టర్ శివ్ నారాయణ్ శర్మ, అసిస్టెంట్ కలెక్టర్ బి.వినూత్న, డిఆర్ఓ ఏ.మలోల, ఎస్డీసి శిరీష, జిల్లా వ్యవసాయ శాఖ అధికారి ఉమామహేశ్వరమ్మ, వివిధ శాఖల జిల్లా అధికారులు, తదితరులు పాల్గొన్నారు. ఈ సందర్భంగా ప్రజల నుంచి 380 అర్జీలను జిల్లా కలెక్టర్ స్వీకరించడం జరిగింది.
ఈ సందర్భంగా జిల్లా కలెక్టర్ మాట్లాడుతూ ప్రజా సమస్యల పరిష్కార వేదిక అర్జీలను గడువులోగా తక్షణమే పరిష్కరించాలని ఆయా శాఖల అధికారులను ఆదేశించారు. పిజిఆర్ఎస్ అర్జీలపై నిత్యం మానిటర్ చేస్తూ నాణ్యతగా పరిష్కరించేందుకు అవసరమైన చర్యలు తీసుకోవాలన్నారు. అర్జీలను ఎలాంటి పెండింగ్ ఉంచరాదని, ప్రాధాన్యతగా వాటి పరిష్కారానికి జిల్లా అధికారులు ప్రత్యేక దృష్టి సారించాలన్నారు.
రాష్ట్ర ముఖ్యమంత్రి నారా చంద్రబాబునాయుడు గత శనివారం మొట్టమొదటిసారిగా జిల్లాకు రావడం జరిగిందని, రాష్ట్ర ముఖ్యమంత్రి పర్యటనను విజయవంతం చేసిన జిల్లా అధికారులను జిల్లా కలెక్టర్ ప్రత్యేకంగా ప్రశంసించారు. ఈ కార్యక్రమానికి సంబంధించి విశేషమైన ఫీడ్బ్యాక్ వచ్చిందన్నారు. ఎస్ఈ ఆర్అండ్బి బాధ్యతగా పనిచేసి హెలిప్యాడ్ బాగా తయారు చేశారని, ఆర్అండ్బి బృందం, సిపిఓ, పోలీస్ చాలా బాగా పని చేశారని, డేటా బేస్, వివరాలలో ఎలాంటి ఇబ్బంది లేకుండా ఆయా శాఖల అధికారులు అన్ని చర్యలు తీసుకున్నారన్నారు. రాష్ట్ర ముఖ్యమంత్రి నారా చంద్రబాబు నాయుడు నేమకల్లులో పెన్షన్ల పంపిణీ కార్యక్రమానికి వచ్చిన సమయంలో పెన్షన్ ఇప్పటివరకు ఎంత పూర్తయింది అని అడిగారని, అప్పటికే జిల్లాలో 94 శాతం పెన్షన్ల పంపిణీ పూర్తి చేయడం పట్ల రాష్ట్ర ముఖ్యమంత్రివర్యులు ఈ విషయాన్ని సభలో సైతం తెలియజేశారని, రాష్ట్రంలో అనంతపురం జిల్లా నంబర్ వన్ స్థానంలో ఉందని చెప్పారన్నారు. పెన్షన్ల పంపిణీలో బాగా పనిచేసిన డిఆర్డిఏ పిడి ఈశ్వరయ్యను జిల్లా కలెక్టర్ అభినందించారు. పెన్షన్ల పంపిణీపై జాయింట్ కలెక్టర్ బాగా మానిటర్ చేశారన్నారు. ఆయా శాఖల అధికారులు వారికి కేటాయించిన బాధ్యతలను బాగా నిర్వర్తించారన్నారు. జిల్లా అధికారులు అంతా ఒక ప్రణాళిక పెట్టుకోవాలని, ఏ సమయంలో అడిగిన మనం మంచి స్థానంలో ఉండేలా చూసుకోవాలన్నారు. బొమ్మనహల్ మండలం నేమకల్లు గ్రామంలో రాష్ట్ర ముఖ్యమంత్రి ప్రకటించిన అంశాలపై ఆయా శాఖల జిల్లా అధికారులు తగిన చర్యలు తీసుకోవాలని, అభివృద్ధి కార్యక్రమాలు చేపట్టాలన్నారు. అభివృద్ధి పనులపై అధికారులు ఉత్తమంగా పనిచేయాలని సూచించారు. ఆయా శాఖల జిల్లా అధికారుల మధ్య మంచి సమన్వయం ఉందని, భవిష్యత్తులో నిర్వహించే ఏ కార్యక్రమానికైనా ప్రణాళిక అనేది ముఖ్యమన్నారు. ఆయా శాఖల జిల్లా అధికారులు చిత్తశుద్ధితో పనిచేయాలని, అన్ని కార్యక్రమాలు, పథకాలలో జిల్లా ప్రగతి ముందంజలో ఉండాలన్నారు. అన్ని కార్యక్రమాలు, పథకాలలో జిల్లా మొదటి స్థానంలో ఉండాలని, ఇందుకోసం జిల్లా అధికారుల టీం జిల్లా అభివృద్ధికి అంకితభావంతో పనిచేయాలని సూచించారు.
ఈ కార్యక్రమంలో సిపిఓ అశోక్ కుమార్, జడ్పి సిఈఓ వెంకటసుబ్బయ్య, ఏపీఎస్పీడీసీఎల్ ఎస్ఈ సంపత్ కుమార్, డీఆర్డీఏ పిడి ఈశ్వరయ్య, జిల్లా సైనిక్ సంక్షేమ శాఖ అధికారి పి.తిమ్మప్ప, ఎల్డిఎం నర్సింగరావు, డిఎంహెచ్ఓ డా.ఈబి.దేవి, హౌసింగ్ పిడి శైలజ, ఐసిడిఎస్ పిడి శ్రీదేవి, బీసీ వెల్ఫేర్ డిడి ఖుష్బూ కొఠారి, జిల్లా సర్వజన ఆస్పత్రి సూపరింటెండెంట్ డా.వెంకటేశ్వరరావు, డిసిహెచ్ఎస్ డా.పాల్ రవికుమార్, ఎన్టీఆర్ వైద్య సేవ ట్రస్ట్ జిల్లా కోఆర్డినేటర్ డా.కిరణ్ కుమార్ రెడ్డి, సాంఘిక సంక్షేమ శాఖ జెడి ప్రతాప్ సూర్యనారాయణ రెడ్డి, పశుసంవర్ధక శాఖ జెడి వెంకటస్వామి, డ్వామా పిడి సలిం భాష, హార్టికల్చర్ డిడి నరసింహారావు, ఏపీఎంఐపీ పిడి రఘునాథరెడ్డి, ఆర్టీసీ ఆర్ఎం సుమంత్, జిల్లా రిజిస్టర్ భార్గవ్, జిల్లా మైనార్టీ వెల్ఫేర్ ఆఫీసర్ రామసుబ్బారెడ్డి, సర్వే ఏడి రూప్ల నాయక్, ఇంటర్మీడియట్ బోర్డ్ ఆర్ఐఓ వెంకటరమణ నాయక్, మార్కెటింగ్ ఎడి సత్యనారాయణ చౌదరి, డిసిఓ అరుణకుమారి, వికలాంగుల సంక్షేమ శాఖ ఏడి రసూల్, పిజిఆర్ఎస్ తహసిల్దార్ వాణిశ్రీ, కలెక్టరేట్ సూపరింటెండెంట్ లు, వివిధ శాఖల అధికారులు, తదితరులు పాల్గొన్నారు.