మండల నోడల్ అదికారి, పి. కూర్మినాయుడు
తహశీల్దారు బి సుదర్శన రావు
విశాలాంధ్ర – నెలిమర్ల : భూ సమస్యలు శాశ్వత పరిష్కారమే రెవిన్యూ సదస్సుల ఉద్దేశమని మండల నోడల్ అదికారి, పి. కూర్మినాయుడు, తహశీల్దార్ బి సుదర్శన రావు అన్నారు. మండలంలోని మాల్యడ లో రెవెన్యూ సదస్సు శనివారం నిర్వహించారు. ఈ సందర్భగా మాట్లాడుతూ కొన్నేళ్లుగా భూ వివాదాలు, చేర్పులు – మార్పులు నెలకొన్న కారణంగా ఈ రెవెన్యూ సదస్సులో సమస్యలకు శాశ్వత పరిష్కారం జరుగుతుందని అన్నారు. ఈ సదస్సులను ప్రజలు సద్వినియోగం చేసుకొని భూ వివాదాలకు స్వస్తి పలకాలని అన్నారు. ఎలాంటి రుసుము లేకుండా దరఖాస్తు చేసుకోవచ్చని తెలిపారు. రెవెన్యూ యంత్రాంగం అందరూ ఈ సదస్సుకు వచ్చినందున కొన్ని సమస్యలను ఇక్కడే పరిష్కరించేందుకు వీలుంటుందన్నారు. అనంతరం వీధుల్లో తిరిగి కాలనీవాసుల సమస్యలను అడిగికి తెలుసుకున్నారు. అధికారులు మీ వద్దకు వచ్చినప్పుడు మీ సమస్యలను స్వచ్ఛందంగా వచ్చి తెలియజేసుకోవాలని సూచించారు.
ఈ కార్యక్రమంలో ఆర్ ఐ వేణుగోపాల్, ఎం ఎస్ దివ్య మానస, వి ఆర్ ఓ గోవిందరావు , ప్రజాప్రతినిధులు పాల్గొన్నారు.
భూ సమస్యలు శాశ్వత పరిష్కారమే రెవిన్యూ సదస్సుల ఉద్దేశం
