హైదరాబాద్‌, వైజాగ్‌లలో న్యూ షాప్‌ కొత్త అవుట్‌లెట్లు

విశాలాంధ్ర/హైదరాబాద్‌: భారతదేశంలోని ప్రముఖ 24/7 కన్వీనియన్స్‌ రిటైల్‌ చైన్‌ అయిన న్యూ షాప్‌, విశాఖపట్నం, హైదరాబాద్‌లలో 20 కొత్త ఫ్రాంచైజ్‌ అవుట్‌లెట్‌లను ప్రారంభించడంతో అధికారికంగా దక్షిణ మార్కెట్‌లోకి ప్రవేశించింది. ఆంధ్రప్రదేశ్‌, తెలంగాణ రాష్ట్రాలలో ఈ వ్యూహాత్మక విస్తరణ అనేది న్యూ షాప్‌ తన జాతీయ ఉనికిని విస్తృతం చేయడానికి కనబరిచే నిబద్ధతను నొక్కి చెబుతుంది. కంపెనీ విశాఖపట్నంలో ఒక అవుట్‌లెట్‌తో ఆంధ్రప్రదేశ్‌లో తన మొదటి జెండాను పాతింది. తెలంగాణలో హైదరాబాద్‌లోని అధిక రద్దీ కలిగిన పరిసరాల్లో ఒకేసారి అనేక కొత్త స్టోర్‌లను ప్రారంభించింది. ఈ చర్య దక్షిణ భారత దేశంలోని శక్తివంతమైన వినియోగదారుల కేంద్రాలను ఉపయోగించుకోవడమే కాకుండా, తన ఫ్రాంచైజింగ్‌ మోడ ల్‌ ద్వారా అనేక ఉపాధి అవకాశాలను సృష్టించడం ద్వారా స్థానిక ఆర్థిక వ్యవస్థలను ఉత్తేజపరచడాన్ని కూడా లక్ష్యంగా పెట్టుకుంది.