- Advertisement -
ముంబయి: భారతదేశపు అతిపెద్ద వాణిజ్య వాహన తయారీ సంస్థ టాటా మోటార్స్, సరికొత్త టాటా ఇంట్రా ఈవీ పికప్ను ప్రారంభిస్తూ ఎలక్ట్రిక్ వాణిజ్య చలనశీలతలో తన నాయకత్వాన్ని మరింత బలోపేతం చేసింది. ఎలక్ట్రిక్ చిన్న వాణిజ్య వాహనాల పోర్ట్ఫోలియోను విస్తరిస్తూ, ఈ కొత్త పికప్ విశ్వసనీయ ఇంట్రా ప్లాట్ఫారమ్ బలాన్ని, ప్రత్యేకంగా రూపొందించిన ఎలక్ట్రిక్ ఆర్కిటెక్చర్తో కలిపి అందిస్తోంది. భారతదేశం అభివృద్ధి చెందుతున్న కార్గో అవసరాలను తీర్చేందుకు నమ్మదగిన, అధిక ఆదాయం సాధించే పరిష్కారంగా ఇది రూపుదిద్దుకుంది. దేశవ్యాప్తంగా టాటా మోటార్స్ వాణిజ్య వాహన డీలర్షిప్లలో ఇది అందుబాటులో ఉండగా, ప్రారంభ ధర రూ. 11.95 లక్షలు (ఎక్స్-షోరూమ్)గా నిర్ణయించినట్లూ గిరీష్ వాఘ్, మేనేజింగ్ డైరెక్టర్, సిఇఒ, టాటా మోటార్స్ లిమిటెడ్ అన్నారు.
