పీఓకే ప్రధాని ఇఫ్తిఖార్ గిలానీ

నవాజ్ షరీఫ్ ఓకే నేడు ఎన్నిక

లాోర్: పాకిస్థాన్ అధికార పార్టీ పీఎం‌ఎల్ఎన్ అధినేత నవాజ్ షరీఫ్ కీలక నిర్ణయం తీసుకున్నారు. బారిస్టర్ ఇఫ్తిఖార్ గిలానీని పాకిస్థాన్ ఆక్రమిత కశ్మీర్ (పీఓకే) ప్రధానమంత్రి పదవి కోసం నామినేట్ చేశారు. ఈ మేరకు పార్టీ సీనియర్ నేత ఒకరు గురువారం తెలిపారు. పీఓకేలో జులై 27, ఆగస్టు 2, 3 తేదీల్లో మూడు దశల్లో శాసనసభ ఎన్నికలు హింస, రిగ్గింగ్ ఆరోపణల నడుమ వివాదాస్పదంగా జరిగాయి. నూతన ప్రధానిని శుక్రవారం ఎన్నుకోనున్నారు. తాను పోటీ చేసిన స్థానంలో ఓడిపోయిన గిలానీ ఆ తర్వాత టెక్నోక్రాట్ సీటు దక్కించుకున్నారు. ఈ కీలక పదవి కోసం ఆయన పేరును నవాజ్ షీరఫ్ ఖరారు చేసినట్లు సీనియర్ నేత వెల్లడించారు. పీఓకే అసెంబ్లీలో 53 స్థానాలు ఉండగా, 45 మంది ప్రత్యక్షంగా ఎన్నుకుంటారు. ఎనిమిది స్థానాలు మహిళలు, టెక్నోక్రాట్లు, మత పెద్దలకు రిజర్వు చేశారు.