హీరో మోటోకార్ప్‌ ఎలక్ట్రిక్‌ త్రీ-వీలర్‌ కేటగిరీలో విస్తరణ

ముంబై : హీరో మోటోకార్ప్‌ ఎగ్జిక్యూటివ్‌ చైర్మన్‌ డాక్టర్‌ పవన్‌ ముంజాల్‌ ‘బి ది ఫ్యూచర్‌ ఆఫ్‌ మొబిలిటీ’ అనే దార్శనికతతో వేగంగా అడుగులు వేస్తున్నారు, ప్రపంచంలోనే అతిపెద్ద మోటార్‌ సైకిళ్ళు, స్కూటర్ల తయారీదారు హీరో మోటోకార్ప్‌, యూలర్‌ మోటార్స్‌లో గణనీయమైన వాటాను కొనుగోలు చేయడం ద్వారా ఎలక్ట్రిక్‌ త్రీ-వీలర్‌ విభాగంలోకి వ్యూహాత్మక పెట్టుబడి పెట్టనుంది. యూలర్‌ మోటార్స్‌ ప్రైవేట్‌ లిమిటెడ్‌లో రూ.525 కోట్ల వరకు (ఒకటి లేదా అంతకంటే ఎక్కువ విడతలుగా) వ్యూహాత్మక పెట్టుబడిని కంపెనీ బోర్డు ఆమోదించింది. ఈ పెట్టుబడి హీరో మోటోకార్ప్‌కు వేగంగా అభివృద్ధి చెందుతున్న ఎలక్ట్రిక్‌ త్రీ-వీలర్‌ మార్కెట్‌లో బలమైన పట్టును అందిస్తుంది. ఇక్కడ ఈవీలు సమీప భవిష్యత్తులో మొత్తం అమ్మకాలలో 35% వాటాను కలిగి ఉంటాయని అంచనా. యూలర్‌ మోటార్స్‌ భారతదేశంలోని 30 నగరాల్లో ఉనికిని కలిగి ఉంది.