హ్యుండాయ్ మోటార్ ఇండియా పూణే ప్లాంట్ ప్రారంభం

పూణే: హ్యుండాయ్ మోటార్ ఇండియా లిమిటెడ్ (హెచ్‌ఎంఐఎల్) భారతదేశంలో తన వృద్ధి ప్రస్థానంలో ఒక ముఖ్యమైన మైలురాయిగా నిలుస్తూ, మహారాష్ట్రలోని పూణే, తలేగావ్లో ఉన్న తన అత్యాధునిక తయారీ కేంద్రాన్ని లాంఛనంగా ప్రారంభించినట్లు ఈరోజు ప్రకటించింది. ఈ కేంద్రాన్ని మహారాష్ట్ర గౌరవ ముఖ్యమంత్రి దేవేంద్ర ఫడ్నవిస్, భారతదేశంలో కొరియా గణతంత్ర రాయబారి హిస్ ఎకస్లెన్సీ లీ సియోంగ్ో: మహారాష్ట్ర గౌరవ ఉప ముఖ్యమంత్రి సునేత్ర అజిత్ పవార్: హ్యుండాయ్ మోటార్ గ్రూప్ (హెచ్‌ఎంజీ) ఎగ్జిక్యూటివ్ చైర్ యుయిసన్ చుంగ్ సమక్షంలో ప్రారంభించారు. జేహూన్ చాంగ్, వైస్ చైర్ హెచ్‌ఎమ్జి: జోస్ మునోజ్, ప్రెసిడెంట్, సీఈఓ హ్యుందాయ్ మోటార్ కంపెనీ (హెచ్‌ఎమ్సి): తరుణ్ గార్గ్, మేనేజింగ్ డైరెక్టర్, సీఈఓ హెచ్‌ఎమ్ఐఎల్. ఈ ప్రత్యేక సందర్భంలో, 1999 నుండి భారతదేశం నుండి మొత్తం 40 లక్షల ప్యాసింజర్ వాహనాలను ఎగుమతి చేసిన మైలురాయి విజయాన్ని హెచ్‌ఎమ్ఐఎల్ కూడా జరుపుకుంది. భారతదేశాన్ని ప్రపంచ ఆటోమోటివ్ తయారీ మరియు ఎగుమతి కేంద్రంగా స్థాపించడంలో కంపెనీ చేసిన కృషిని ఇది నొక్కి చెబుతోంది. హెచ్‌ఎమ్ఐఎల్ మొత్తం మీద ప్యాసింజర్ వాహనాల అతిపెద్ద ఎగుమతిదారు, భారతదేశం నుండి 40 లక్షల ఎగుమతుల మైలురాయిని సాధించిన మొదటి ఆటోమొబైల్ తయారీదారు. ఈ కంపెనీ దేశీయ మార్కెట్‌లో దాదాపు కోటి ప్యాసింజర్ వాహనాలను కూడా విక్రయించింది, ఇది భారతీయ వినియోగదారులలో దాని బలమైన,
శాశ్వతమైన ఉనికిని ప్రతిబింబిస్తుంది.