ఈనెల 8వ తేదీన ఉచిత కంటి ఆపరేషన్ల వైద్య శిబిరం..

రోటరీ క్లబ్ ప్రతినిధులు
విశాలాంధ్ర ధర్మవరం : పట్టణంలోని ప్రభుత్వ బాలుర ఉన్నత పాఠశాలలో (వన్ టౌన్ పోలీస్ స్టేషన్ ఎదురుగా) ఈనెల 8వ తేదీ ఆదివారం ఉదయం ఏడు గంటల నుండి మధ్యాహ్నం ఒంటిగంట వరకు ఉచిత కంటి ఆపరేషన్ల వైద్య శిబిరమును నిర్వహిస్తున్నట్లు రోటరీ క్లబ్ అధ్యక్షులు బి. జయసింహ, కార్యదర్శి డి. నాగభూషణ, కోశాధికారి వై. సుదర్శన్ గుప్తా, క్యాంపు చైర్మన్ జి. పెరుమాళ్ళ దాస్ తెలిపారు. ఈ సందర్భంగా పట్టణంలోని సాంస్కృతిక మండలి లో శిబిరం యొక్క కరపత్రాలను క్లబ్ కమిటీ తో పాటు అందరూ విడుదల చేశారు. అనంతరం వారు మాట్లాడుతూ ఈ ఉచిత కంటి ఆపరేషన్ల వైద్య శిబిరం రోటరీ క్లబ్బు, శంకర కంటి ఆసుపత్రి- బెంగళూరు, జిల్లా అందత్వ నివారణ సంస్థ- అనంతపురం జిల్లా వారి సహకారంతో నిర్వహిస్తున్నట్లు తెలిపారు. ఈ క్యాంపునకు దాతలుగా కీర్తిశేషులు దాసరి కేశమ్మ, కీర్తిశేషులు దాసరి పెద్ద వెంకటేశ్వర్లు జ్ఞాపకార్థం వారి కోడలు, కుమారుడు దాసరి రమాదేవి, డివి. వెంకటేశులు( చిట్టి )వారి కుటుంబ సభ్యులు వ్యవహరించడం జరిగిందన్నారు. కంటి నిపుణుల సలహాలతో కళ్ళలలో ఉచిత లెన్స్ కూడా అమర్చబడునని తెలిపారు. కంటి వైద్య చికిత్సలు తర్వాత, ఆపరేషన్కు ఎంపికైన వారికి ఉచిత రవాణా, ఉచిత వసతి, ఉచితంగా అద్దాలు పంపిణీ చేయబడునని తెలిపారు. కంటి పరీక్షలు చేసుకునేవారు ఆధార్ కార్డు లేదా రేషన్ కార్డు లేదా ఓటర్ గుర్తింపు కార్డు ల యొక్క జిరాక్సులు మూడు, ఫోటోలు, సెల్ నెంబర్ తో కూడిన చిరునామా ఇవ్వవలసి ఉంటుందని తెలిపారు. కావున ఈ అవకాశాన్ని పట్టణము, గ్రామీణ ప్రాంతాలలో గల పేద ప్రజలు సద్వినియోగం చేసుకొని కంటి చూపును కాపాడుకోవాలని తెలిపారు.