వివాద రస్తా స్థలమును పరిశీలించిన ఆర్డిఓ మహేష్..

విశాలాంధ్ర -ధర్మవరం : ధర్మవరం నియోజకవర్గంలోని ముదిగుబ్బలో జొన్నల కొత్తపల్లి, సంకేపల్లి వద్దగల రోడ్డు రస్తాను శుక్రవారం ధర్మవరం ఆర్డీవో మహేష్ పరిశీలించారు. ఈ సందర్భంగా వారు మాట్లాడుతూ జొన్నల కొత్తపల్లి తండావారు మాకు ర స్తా ఇవ్వకుండా కొంతమంది అడ్డుపడుతున్నారన్న ఫిర్యాదు మేరకు తాను రావడం జరిగిందని తెలిపారు. తదుపరి ఎమ్మార్వో నారాయణస్వామి, సర్వేల ద్వారా ఇక్కడ గల స్థలం ప్రభుత్వాన్నిదా.? లేదా ప్రైవేట్ స్థలమా? అన్న విషయాలను పరిశీలించడం జరుగుతుందని తెలిపారు. గ్రామ ప్రజల రస్తా ఆవసరం పూర్తి దశలో విచారణ చేపట్టి, న్యాయం జరిగే విధంగా చర్యలు చేపడతామని తెలిపారు. కొంతమంది ఈ రస్తా గుండా వెళ్ళకూడదు అన్న విషయాన్ని కూడా దృష్టిలో ఉంచుకొని, అసలు ఈ రస్తా విషయంపై పూర్తి దశలో విచారణ చేపడతామని తెలిపారు. తదుపరి పోలీసులు, ఎమ్మార్వో నారాయణస్వామి, మండల సర్వే యర్, విఆర్ఓ ఆధ్వర్యంలో తండావాసులతో మాట్లాడడం జరిగిందని తెలిపారు. ఈ రస్తా విషయమై సరి అయిన నివేదికను తనకు పంపాలని ఎమ్మార్వోను ఆదేశించడం జరిగిందని తెలిపారు. తదుపరి గ్రామస్తులతో మాట్లాడి కలిసిమెలిసి ఉన్నప్పుడే ఏదైనా అభివృద్ధి చెందుతుందని తెలుపుతూ, తగిన సలహాలు సూచనలు గ్రామ ప్రజలకు తెలియజేశారు. అనంతరం నాగిరెడ్డిపల్లి లో నిర్వహిస్తున్న రెవెన్యూ సదస్సు వారు ఆకస్మికంగా తనిఖీ చేశారు. అక్కడ రైతుల ద్వారా ఏమైనా సమస్యలు ఉన్నాయా.? అంటూ ఆరాధిశారు. అనంతరం రెవెన్యూ సదస్సులో పాల్గొన్న వారి ప్రజలతో కొద్దిసేపు మాట్లాడారు. ఈ రెవెన్యూ సదస్సులు ప్రభుత్వ ఆదేశాల మేరకు ఏర్పాటు చేయడం జరిగిందని, మీ సమస్యలు ఏవైనా ఉన్నాయెడల అర్జీ ద్వారా ఇవ్వాలని, తదుపరి అర్జీలను పరిశీలించి న్యాయం తప్పక చేకూర్చుతామని తెలిపారు. ఈ కార్యక్రమంలో రెవెన్యూ సదస్సు అధికారులు, సిబ్బంది పాల్గొన్నారు