ఇంటర్ విద్యార్థులకు మధ్యాహ్న భోజనం విజయవంతం చేయండి..

జిల్లా స్థాయి అధికారులు
విశాలాంధ్ర ధర్మవరం;; నూతన సంవత్సరం 2025.. జనవరి ఒకటో తేదీన రాష్ట్రంలోని ప్రభుత్వ జూనియర్ కళాశాల విద్యార్థులకు మధ్యాహ్న భోజన పథకాన్ని ప్రభుత్వం ప్రవేశపెట్టిందని, ఆ కార్యక్రమాన్ని కళాశాల ప్రిన్సిపాల్ లు విజయవంతం చేయాలని ధర్మవరం ఎంఈఓ గోపాల్ నాయక్, డిఇఓ క్రిష్టప్ప, ఏడి-1 నాగరాజు, డివి ఈవో రఘునాథ్ రెడ్డి, ఏడి-3 నజ ర్, సూపర్టెండెంట్ ప్రసాద్ తెలిపారు. ఈ సందర్భంగా వారు కొత్తచెరువులో ధర్మవరం ఎంఈఓ గోపాల్ నాయక ఆధ్వర్యంలో సమావేశాన్ని నిర్వహించారు. అనంతరం జిల్లా స్థాయి అధికారులు మాట్లాడుతూ ఇంటర్మీడియట్ విద్యార్థులకు భోజనం పెట్టడం అనేది సంతోషించదగ్గ విషయమని, ఇందులో భాగంగా పాఠశాల హెడ్మాస్టర్లు ప్రిన్సిపాల్ లు ఇద్దరిని ఎంఈఓ అధికారి అందరూ కోఆర్డినేట్ చేసుకొని కార్యక్రమాన్ని విజయవంతం చేయవలసిందిగా వారు సమావేశంలో తెలియజేశారు. అంతేకాకుండా గ్రౌండ్ లెవెల్ లో ఉన్న సమస్యలను కూడా అధికారుల దృష్టికి తీసుకొని పోయి, సమస్యలు పరిష్కారమయ్యేలా సమన్వయంతో కృషి చేయాలని తెలిపారు. సమావేశంలో పాల్గొన్న ప్రిన్సిపాల్ అందరూ కూడా మధ్యాహ్న భోజనం పట్ల హర్షం వ్యక్తం చేశారు.