మద్యం దుకాణాలు వద్ద సీసీ కెమెరాలు తప్పనిసరి సిఐ కె పాపు నాయుడు

విశాలాంధ్ర – చోడవరం (అనకాపల్లి జిల్లా) : డిసెంబర్ 2, చోడవరం ప్రొబేషనరీ డ ఎక్సైజ్ స్టేషన్ సర్కిల్ పరిధిలో గల 22 మద్యం దుకాణాలు వద్ద సీసీ కెమెరాలు తప్పనిసరిగా ఏర్పాటు చేయాలని సి.ఐ కె.పాపునాయుడు తెలియజేశారు. స్థానిక ఎక్సైజ్ కార్యాలయంలో సోమవారం విలేకరుల సమావేశం ఏర్పాటు చేశారు. ఈ సందర్భంగా సి.ఐ మాట్లాడుతూ చోడవరం సర్కిల్ ఎక్సైజ్ స్టేషన్ పరిధిలో 22 మద్యం దుకాణాలు ఉన్నాయన్నారు ప్రతి దుకాణం వద్ద సీ.సీ కెమెరా ఏర్పాటు చేయాలని దుకాణదారులకు నోటీసులు ఇస్తున్నామన్నారు. మద్యం దుకాణాల వద్ద ధరల పట్టిక ఉంచాలని, డిజిటల్ పేమెంట్లు అంగీకరించాలని తెలియజేశారు. గత నెలలో 22 కేసులు నమోదు చేశామన్నారు. నవంబర్ నెలలో మద్యం అమ్మకాలు రూ. 11 కోట్ల 16 లక్షలు వచ్చాయని, దీనిలో బీర్ల అమ్మకం 15 684 కేసులు జరిగాయని తెలిపారు. ఈ కార్యక్రమంలో ఎస్సై ఎం. శేఖర్, సిబ్బంది పాల్గొన్నారు.