పార్టీ సభ్యత్వం కోసం విరాళం

విశాలాంధ్ర-రాప్తాడు : తెలుగుదేశం పార్టీ అభిమానులు, కార్యకర్తలకు సభ్యత్వం చేయించడానికి మండలంలోని బొమ్మేపర్తి వైస్ సర్పంచ్ బోయ అశ్వర్థప్ప టీడీపీ మండల ఇంఛార్జి ధర్మవరపు మురళీకి మంగళవారం రూ.10వేలు నగదును అందజేశారు. రోజూవారీ కూలిపని పనిచేసుకునే నిరుపేద టీడీపీ కార్యకర్తల సభ్యత్వ నమోదుకు పార్టీ కోసం తన వంతుగా విరాళం ఇచ్చానని అశ్వర్థప్ప అన్నారు. టీడీపీ సభ్యత్వ నమోదు చేసుకున్న ప్రతి ఒక్కరికీ టీడీపీ , పరిటాల కుటుంబం ఎప్పుడూ అండగా ఉంటుందని మండల ఇన్చార్జి మురళీ అన్నారు. కార్యక్రమంలో తెలుగు యువత మండల అధ్యక్షుడు రెడ్డివాండ్ల రాజశేఖర్ రెడ్డి, ఫీల్డ్ అసిస్టెంట్ ఎం.శీనా, పాలచెర్ల ముత్యాలప్ప, ఎర్రిస్వామి, అక్కులరెడ్డి తదితరులు పాల్గొన్నారు.