డా. బి.ఆర్. అంబేద్కర్ జాతీయ అవార్డు గ్రహీత గోపాల్‌కు ఘన సన్మానం

విశాలాంధ్ర, ఉరవకొండ (అనంతపురం జిల్లా) : బి.ఆర్. అంబేద్కర్ పేరు మీద ప్రదానం చేసే జాతీయ అవార్డు అందుకున్న డి.జి.హెచ్.ఎస్ వ్యవస్థాపకులు గోపాల్‌కు బుధవారం ఉరవకొండలో ఘన సన్మానం నిర్వహించారు. స్థానిక రోడ్లు-భవనాల అతిథి గృహంలో మాదిగ రిజర్వేషన్ పోరాట సమితి ఆధ్వర్యంలో ప్రత్యేక కార్యక్రమం జరిగింది. ఈ కార్యక్రమానికి రాయలసీమ జిల్లాల అధ్యక్షుడు కౌకుంట్ల రవి, డివిజన్ కార్యదర్శి రామాంజనేయులు మాదిగ నాయకత్వం వహించారు. నాయకులు గోపాల్‌కు పూలమాలలు వేసి, శాలువా కప్పి ఘనంగా సత్కరించారు. ఈ సందర్భంగా పలువురు నాయకులు మాట్లాడుతూ, సమాజ సేవలో గోపాల్ చేసిన కృషిని ప్రశంసించారు. ఆయనకు లభించిన ఈ అవార్డు యువతకు స్ఫూర్తిగా నిలుస్తుందని పేర్కొన్నారు. కార్యక్రమంలో ఎం. రవి (మాజీ వార్డ్ మెంబర్), బుడబుక్కల గోపాల్, ఎం. కేశవరాజు, ఉండబండ నాగేంద్ర, చాకలి గురుస్వామి, ఉండబండ రాజు, ఎల్లప్ప, ఎర్రి స్వామి, ఎర్రగుంట మాజీ సర్పంచ్ హనుమంతు తదితరులు పాల్గొన్నారు.