అగ్ని ప్రమాద కుటుంబాలకు రెడ్ క్రాస్ సొసైటీ చేయూత

విశాలాంధ్ర- సంతకవిటి/రాజాం (విజయనగరం జిల్లా ): సోమవారం ఉదయం ఇండియన్ రెడ్ క్రాస్ సొసైటీ, విజయనగరం,శ్రీకాకుళం జిల్లా శాఖ వారు సిరిపురం గ్రామం, సంతకవిటి మండలం నందు అగ్ని ప్రమాద బాధితులకు రెడ్ క్రాస్ సహాయ సామగ్రి అయిన కిచెన్ సెట్లు, టారపలిన్ షీట్స్, దోమతెరలు, చీరలు, తువ్వాలు, ఉన్ని దుప్పట్లు ఇవ్వడం జరిగింది. ఈ కార్యక్రమంలోని పి జగన్మోహన్ రావు, రెడ్ క్రాస్ రాష్ట్ర వైస్ చైర్మన్, ద్వారా పంపిణీ చేయడం జరిగినది. ఈ కార్యక్రమంలో సంతకవిటి మండలం తాసిల్దార్ సత్యం, కొల్ల అప్పలనాయుడు, గట్టి భాను, విజయనగరం రెడ్ క్రాస్ ప్రతినిధులైన కొత్త సాయి ప్రశాంత్ కుమార్, పెంకి చైతన్య కుమార్, గోవిందరాజులు, సత్య రామ్, సుధాకర్ గ్రామ పెద్దలు పాల్గొనడం జరిగింది.