ఎందుకనో…!

ఎన్నో చెప్పాలనుకున్నా
ఏవో పంచుకోవాలనుకున్నా
ఇంకేవో ముద్రించుకొని వెళ్తున్నా
మౌనం ప్రళయాన్నే సృష్టిస్తుంది
యుద్దాలే చేయిస్తుంది
కొన్నిసార్లు జీవితాలు కుళ్లగొట్టేస్తుంది
ఎందుకనో…! ఓ సందేహం నాలో
ఆదమరచిన సమయాన
అడుగుపడని రోజులెన్నో
గుటక దిగని గడియలెన్నో
ఓదార్పునిచ్చే మనసు దూరమై
గడిచిన లెక్కలేని రాత్రులెన్నో
ఒంటరి పోరాటాలై ఒక్కోసారి
గుండెను మరింత బరువెక్కిస్తాయి
కళ్లు జలపాతాన్ని తలపిస్తాయి
పారిజాతాల పలకరింపులకోసం ఎదురుచూస్తాయి
వాసి జ్యోత్స్న, 9866843005