నోబెల్‌కు ట్రంప్‌ అర్హుడు శ్వేతసౌథం

వాషింగ్టన్‌: అమెరికా అధ్యక్షుడు డొనాల్డ్‌ ట్రంప్‌ కు నోబెల్‌ శాంతి బహుమతి ఇవ్వాలని, ప్రతిష్ఠాత్మక పురస్కారానికి ఆయన అన్ని విధాలా అర్హులంటూ శ్వేతసౌధం మీడియా కార్యదర్శి కరోలీన్‌ లివెట్‌ ఒక ప్రకటన చేశారు. ఈజిప్ట్‌-ఇథియోపియా మొదలు ఇటీవల థాయిలాండ్‌-కాంబోడియా మధ్య రాజీకి ట్రంప్‌ ప్రయత్నించారని, యుద్ధాలు ఆపారని కరోలీన్‌ వెల్లడిరచారు. ఘర్షణ పడే దేశాల అధ్యక్షులు, ప్రధాన మంత్రులకు ఫోన్లు చేసి యుద్ధం ఆపేయాలని హెచ్చరించారని, ట్రంప్‌ జోక్యం తోనే ఇజ్రాయిల్‌ఇరాన్‌, రువాండా-కాంగో (డీఆర్సీ), భారత్‌పాకిస్థాన్‌, సెర్బియాకొసావో, ఈజిప్ట్‌-ఇథియోపియా, థాయిలాండ్‌కంబోడియా దేశాల మధ్య యుద్ధాలు ఆగాయని మీడియా సమావేశంలో కరోలీన్‌ తెలిపారు. ట్రంప్‌ జోక్యం చేసుకొని వుండకపోతే భారీగా ప్రాణ, ఆస్తి నష్టం జరిగేదని అన్నారు. ఉద్రిక్తతలు చల్లార్చి… శాంతిని నెలకొల్పిన ట్రంప్‌కు నోబెల్‌ శాంతి బహుమతి ఇవ్వాల్సిందేనని డిమాండ్‌ చేశారు.