ఫోను లిఫ్టు చేసినందుకు మాయమైన 90, 000రూ.లు

విశాలాంధ్ర ధర్మవరం:: రెవెన్యూ డివిజన్ పరిధిలోని కనగానపల్లి మండలం చంద్ర చర్ల గ్రామానికి చెందిన కత్తే సుధాకర్ సెల్ఫోన్ కు ఎస్బిఐ ఆఫ్ ఇండియా పేరున ఫోన్ కాల్ రావడంతో వారు లిఫ్ట్ చేశారు. లిఫ్ట్ చేసినప్పుడు ఎవరు మాట్లాడకపోవడంతో నిమిషాల వ్యవధిలోనే వారి బ్యాంకు నుంచి 50 వేల రూపాయలు, 40 వేల రూపాయలు రెండు దఫాలుగా అతని ఖాతా నుంచి మాయమైంది. కత్తి సుధాకర్ కు ధర్మవరం ఎస్బిఐ బ్యాంకులో అకౌంట్ ఉంది. ఇలా జరగడంతో సైబర్ క్రైమ్ పోలీసులను ఆశ్రయించగా, వారి ఫిర్యాదు మేరకు కేసును నమోదు చేసినట్లు సైబర్ క్రైమ్ పోలీసులు తెలుపుతున్నారు. ఇటువంటి వాటి పట్ల ప్రజలు, వ్యాపారస్తులు అప్రమత్తంగా ఉండాలని, సైబర్ క్రైమ్ పట్ల అవగాహన చేసుకోవడం అందరికీ మంచిదని పోలీసులు తెలుపుతున్నారు.