దీపావళి, ఇతర పండగల సందర్భాల్లో రాయితీలు, బహుమతులు ఇవ్వడం ద్వారా పండగ ఉత్సాహాన్ని మరింతగా పంచుకోవడం అనేది సాధారణంగా జరుగుతూనే ఉంటుంది.కానీ ఇప్పుడు కేంద్ర ఆర్థికశాఖ ఈ విధమైన ఖర్చులను తగ్గించాలని స్పష్టమైన ఆదేశాలు జారీ చేసింది.అందుబాటులో ఉన్న నోటీసుల ద్వారా అన్ని మంత్రిత్వశాఖలు, విభాగాలకు దీని గూర్చి తెలియజేయబడింది.ప్రభుత్వం చెప్పేది ఏమిటంటే, ఆర్థిక క్రమశిక్షణను నిలబెట్టడం, అనవసర ఖర్చులను తగ్గించడం కోసం ఈ ప్రయత్నాలు జరుగుతున్నాయి.
ప్రజావనరులను మరింత సమర్థవంతంగా వినియోగించేలా..
వ్యయ విభాగం తెలిపినట్లే, ఈ ఆదేశాలు తక్షణమే అమలు కావనున్నాయి. ప్రజావనరులను సమర్థవంతంగా వినియోగించడం, అనవసర ఖర్చులను నియంత్రించడం ప్రధాన లక్ష్యం. దీపావళి, ఇతర పండగల సందర్భాల్లో మంత్రిత్వశాఖలు బహుమతులు, సంబంధిత వస్తువుల కోసం ఏ విధమైన ఖర్చు చేయకూడదు అని నోటీసుల్లో పేర్కొన్నారు.పండగల సందర్భాల్లో విభాగాల మధ్య బహుమతుల పంచడం ఒక సంప్రదాయం అయినప్పటికీ, ఈ ఆదేశాలతో దానికి ముగింపు పలికే అవకాశం ఉంది.
