. హైదరాబాద్‌కు దీటుగా వరంగల్‌ అభివృద్ధి
. సోనియమ్మ లేకుంటే తెలంగాణ లేదు
. కేసీఆర్‌ అసెంబ్లీకి వస్తే… చర్చకు సిద్ధం: సీఎం రేవంత్‌రెడ్డి

విశాలాంధ్ర-హైదరాబాద్‌: ఆడబిడ్డలను కోటీశ్వరులను చేయాలని ప్రభుత్వం కంకణం కట్టుకుందని రాష్ట్ర ముఖ్యమంత్రి రేవంత్‌ రెడ్డి అన్నారు. అడబిడ్డలు మనసు నిండుగా తనను ఆశీర్వదించడం వల్లే ఇవాళ ఈ స్థానంలో ఉన్నానని తెలిపారు. మంగళవారం వరంగల్‌ లో కాళోజీ కళాక్షేత్రం ప్రాంగణంలో ప్రజా కవి కాళోజీ విగ్రహాన్ని ముఖ్యమంత్రి ఆవిష్కరించారు. వర్చువల్‌ విధానంలో వరంగల్‌ లో వివిధ అభివృద్ధి పనులకు శంకుస్థాపన చేసిన సీఎం… వరంగల్‌ లో కాళోజీ కళాక్షేత్రం భవనాన్ని ప్రారంభించారు. అనంతరం ప్రజా పాలన-ప్రజా విజయోత్సవ సభా ప్రాంగణానికి చేరుకున్నారు. అక్కడ ఏర్పాటు చేసిన ఇందిరా మహిళా శక్తి స్టాల్స్‌ను ఉపముఖ్యమంత్రి భట్టివిక్రమార్క, మంత్రులు, ఎమ్మెల్యేలు,ఎంపీలు, పీసీసీ అధ్యక్షుడు మాహేష్‌ కుమార్‌ గౌడ్‌, ఎమ్మెల్సీలు, ఇతర నేతలతో కలిసి సందర్శించారు. ఈ సందర్భంగా ఏర్పాటు చేసిన సభలో ముఖ్యమంత్రి రేవంత్‌ రెడ్డి మాట్లాడుతూ ఉక్కు మహిళ ఇందిరమ్మ 107వ జయంతి సందర్భంగా ఆమెకు ఘనంగా నివాళులర్పిస్తూ ఈ కార్యక్రమం మా ఆడబిడ్డలకు అంకితమిస్తున్నట్లు తెలిపారు. పాలకుర్తిలో ఒక రాక్షసుడిని ఓడిరచి పాలకుర్తి గడ్డపై కాంగ్రెస్‌ జెండాను ఎగరేసింది మన ఆడబిడ్డనే అంటూ గుర్తు చేశారు. రాష్ట్ర ప్రభుత్వ ప్రధాన కార్యదర్శిగా మహిళా అధికారి ఉన్నారని, ఇది ఆడబిడ్డల ప్రభుత్వం అని గర్వంగా చెప్పుకునే అవకాశం ప్రభుత్వం కల్పించిందన్నారు. టాటా బిర్లాలను తలదన్నేల రాష్ట్రంలో ఆడబిడ్డలను వ్యాపారస్తులుగా ప్రభుత్వం తీర్చిదిద్దబోతోందని పేర్కొన్నారు. ‘మేం నిర్మిస్తే మీరు వచ్చి కొబ్బరికాయ కొడుతున్నారని ఒకాయన మాట్లాడుతుండు కానీ కాళొజీ కళాక్షేత్రం పదేళ్లుగా పూర్తి చేయనప్పుడే మీ బుద్ధి బయటపడిరది. మీరు పూర్తిచేయలేదు కాబట్టే మేం కాళోజీ కళాక్షేత్రంను పూర్తి చేశాం’ అని రేవంత్‌ చెప్పారు. వరంగల్‌ గడ్డపై రైతు డిక్లరేషన్‌ తో తెలంగాణలో కాంగ్రెస్‌ రూపురేఖలు మారిపోయాయని తెలిపారు. చారిత్రాత్మక వరంగల్‌ నగరాన్ని హైదరాబాద్‌ కు దీటుగా అభివృద్ధి చేసేందుకు చర్యలు చేపట్టామన్నారు. వరంగల్‌ అభివృద్ధికి దాదాపు రూ.ఆరువేల కోట్లు కేటాయించామన్నారు. వరంగల్‌ అభివృద్ధి జరిగితే సగం తెలంగాణ అభివృద్ధి జరిగినట్లే అన్నారు. వరగంల్‌ ను అభివృద్ధి చేసే వరకు నిద్రపోయేది లేదని చెప్పారు. ‘మీరు కుట్రలు, కుతంత్రాలు చేయొచ్చు కానీ మీ కుట్రలను గుర్తించి ఊచలు లెక్కబెట్టిస్తాం’ అని బీఆర్‌ఎస్‌ నాయకులను ఉద్దేశించి అన్నారు. మాజీ సీఎం కేసీఆర్‌ ను ఉద్దేశించి మాట్లాడుతూ… పది నెలల్లో తెలంగాణ ప్రజలు ఏం కోల్పోయారో తెలుసుకున్నారని ఒకాయన మాట్లాడుతుండు కానీ వాస్తవానికి పది నెలల్లో తెలంగాణలో మహిళలు స్వేచ్ఛను పొందారని, అదానీ, అంబానీ లకే పరిమితమైన సోలార్‌ పవర్‌ ప్లాంట్లు ఏర్పాటు చేసే స్థాయికి మహిళలు ఎదుగుతున్నారని అన్నారు. పది నెలల్లో ఆడబిడ్డలు ఆర్టీసీ బస్సుల్లో ఉచిత ప్రయాణ సౌకర్యం పొందారు. రూ.500లకే గ్యాస్‌ సిలిండర్‌ పొందారన్నారు. దేశంలో ఎక్కడా లేని విధంగా అర్హులైన ప్రతీ పేద కుటుంబం 200 యూనిట్ల వరకు ఉచిత విద్యుత్‌ పొందుతోందని చెప్పారు. ‘పదినెలల్లో మీ ఇంట్లో నలుగురు ఉద్యోగం కోల్పోయారు తప్ప ఇంకేమీ కాలేదని… ఇందిరమ్మ ప్రభుత్వంలో 10 నెలల్లో 50వేల ఉద్యోగాలు భర్తీ చేశాం. 22లక్షల రైతు కుటుంబాలకు రూ.18వేల కోట్లు రుణమాఫీ చేశాం’ అని చెప్పారు. వరి వేసుకుంటే ఉరే అని చెప్పిన వ్యక్తి కేసీఆర్‌ అని కానీ నేడు రాష్ట్రంలో 66 లక్షల 1కోటి 53 లక్షల మెట్రిక్‌ టన్నుల వరి ధాన్యం రైతులు పండిరచారని వెల్లడిరచారు. దేశంలో ఏ రాష్ట్రంలో ఈ స్థాయిలో వరి ధాన్యం పండిరచలేదన్నారు. కేసీఆర్‌ అసెంబ్లీకి వస్తే దేనిపై అయినా చర్చించేందుకు సిద్ధమని.. ఆయన ఫాంహౌస్‌ నుంచి బయటకు రావాలని సీఎం రేవంత్‌ సవాల్‌ విసిరారు. కేంద్ర మంత్రి కిషన్‌ రెడ్డి వ్యాఖ్యల పై స్పందిస్తూ … కేటీఆర్‌ మాట్లాడగానే రెండోరోజు కిషన్‌ రెడ్డి మాట్లాడుతడని నేను సోనియమ్మకు గులాం అని కిషన్‌ రెడ్డి మాట్లాడుతుండు కానీ అరవై ఏళ్ల తెలంగాణ ప్రజల ఆకాంక్షలను నెరవేర్చిన తల్లి సోనియమ్మ అనే విషయం ఆయన గుర్తు పెట్టుకోవలన్నారు. సోనియమ్మ మా అమ్మ,…. నాలుగుకోట్ల తెలంగాణ బిడ్డలకు ఆమె అమ్మ… అలాంటి ఆ తల్లి కాళ్లు కడిగి నీళ్లు నెత్తిన చల్లుకోవడానికి కూడా మేం సిద్ధమే అన్నారు. ఇది మాకు అవమానం కాదు.. ఆత్మ గౌరవంగా పేర్కొన్నారు. ఆ తల్లి లేకుంటే తెలంగాణ ఉండేది కాదని, కిషన్‌ రెడ్డి సోనియమ్మ కాళ్లు కడిగి నెత్తిమీద చల్లుకుంటే… మోదీకి ఊడిగం చేసిన పాపం కొంతైనా తగ్గుతుందన్నారు. తెలంగాణను అపహాస్యం చేసిన తెలంగాణ ద్రోహి మోదీ అని, ఆయనకు గులాంగా మారిన వారికి తెలంగాణలో ఉండే అర్హత లేదన్నారు.

. మీలా రైతుల భూములు గుంజుకోబోం
. భూ బాధితుల గురించి మాట్లాడే అర్హత బీఆర్‌ఎస్‌కు లేదు: భట్టి

విశాలాంధ్ర-హైదరాబాద్‌: కాంగ్రెస్‌ గతంలో రైతులకు ఇచ్చిన భూములను బీఆర్‌ఎస్‌ హయాంలో గుంజుకు న్నారని, వాటికి లేఅవుట్‌లు వేసి అమ్ముకున్నారని, దీంతో అన్నదాతల గురించి మాట్లాడే అర్హతను గత పాలకులు కోల్పోయారని ఉప ముఖ్యమంత్రి భట్టి విక్రమార్క వ్యాఖ్యానించారు. మాజీ ప్రధాని ఇందిరా గాంధీ స్ఫూర్తితో, ఆమె ఆశయాలు, ఆలోచనలు ప్రకారం తమ ప్రభుత్వం ముందుకెళుతున్నట్లు తెలిపారు. ఇందిరాగాంధీ జయంతి సందర్భంగా హైదరాబాద్‌, నెక్లెస్‌ రోడ్డులోని పీవీ మార్గ్‌ వద్ద ఆమె విగ్రహానికి పుష్కాంజలి ఘటించారు. అనంతరం పీసీసీ మహేశ్‌ గౌడ్‌ అధ్వర్యంలో గాంధీ భవన్‌లో ఏర్పాటు చేసిన కార్యక్రమంలో భాగంగా ఇందిరాగాంధీ చిత్రపటానికి పూల మాలలు వేళి నివాళులర్పించారు. ఆపై విలేకరుల సమావేశంలో భట్టి విక్రమార్క మాట్లాడుతూ బీఆర్‌ఎస్‌పై మండిపడ్డారు. 24 అక్షల ఎకరాల అసైన్డ్‌ భూముల్లో 10వేల ఎకరాలను బీఆర్‌ఎస్‌ అన్యాక్రాంతం చేసిందని ఆరోపించారు. భూసేకరణ చట్టం ప్రకారం రైతుల నుంచి భూములను రాష్ట్రాభివృద్ధి ఉద్దేశంతోనే తీసుకుంటాము తప్ప మీలా బలవంతంగా తీసుకోమని బీఆర్‌ఎస్‌ను భట్టి విమర్శించారు. లగచర్లలో అమాయక రైతులను రెచ్చగొట్టి అఇకారులపై దాడి చేయించారని ఆగ్రహం వ్యక్తంచేశారు. మీరు హింసను ప్రేరేపించి దాడులకు పురిగొల్పుతుంటే రాష్ట్రంలో అభివృద్ధి జరగాలని సీఎం రేవంత్‌ రెడ్డి కష్టపడుతున్నారని అన్నారు. ఇచ్చిన హామీలు నెరవేర్చకుండా దేశ ప్రజలను బీజేపీ మోసం చేసిందని… కాంగ్రెస్‌ కూడా తమ లాంటి పార్టీ అని భ్రమ పడుతోందన్నారు. దేశాన్ని అస్థిరపర్చాలని, విభజించాలని, తద్వార రాజకీయ లబ్ధి పొందాలనుకునే మీకు ఇందిరమ్మ రాజ్యం కోరుకునే మాతో పొలిక సరి కాదని భట్టి విక్రమార్క అన్నారు. దేశ సమైక్యత, సమగ్రత కోసం ప్రాణాలర్పించిన ఇందిరా గాంధీ తెలిసినవాళ్లు, దేశంపై అభిమానం… చరిత్రపై అవగాహన ఉన్న వారు ఇందిరా గాంధీ గురించి తప్పుడు వ్యాఖ్యలు చేయలేరన్నారు. పేద ప్రజల జీవితాల్లో వెలుగులు నింపిన ఇందిరా గాంధీ మార్గాన్ని తమ ప్రభుత్వం అనుసరిస్తున్నట్లు చెప్పారు. కాంగ్రెస్‌ అగ్రనేత రాహుల్‌ గాంధీ చెప్పిన విధనంగానే కులగణన నిర్వహించేందుకు చర్యలు తీసుకుంటున్నట్లు చెప్పారు. ఇందిరమ్మ స్ఫూర్తితో ఈ సర్వేను శాస్త్రీయంగా చేస్తున్నామన్నారు. కుల గణన సర్వే ముగిసిన తర్వాత రాజకీయ `ఆర్థిక సామాజిక అంశాల్లో ప్రజలందరికీ సమాన అవకాశాలు కల్పించడానికి భవిష్యత్తు ప్రణాళికలు రూపొందిస్తామని, ప్రగతిశీల నిర్ణయాల ద్వారా దేశానికి తెలంగాణను ఆదర్శంగా నిలుపుతామని భట్టి అన్నారు. భూ సంస్కరణలు, బ్యాంకుల జాతీయకరణ, రాజభరణాల రద్దు, 20 సూత్రాల అమలుతో సమ సమాజ నిర్మాణానికి ఇందిరాగాంధీ పునాదులు వేశారన్నారు. తన ప్రాణం కంటే కూడా ఈ దేశం ముఖ్యమని, దేశ సుస్థిరత కోసం చివరి రక్తపు బొట్టును కూడా ధారపోస్తానని చాటి చెప్పిన ఉక్కు మహిళ అంటూ కొనియాడారు. విదేశీ విధానంలో ఔన్యత్యాన్ని తెచ్చి భారత్‌ను గొప్ప దేశంగా నిలబెట్టిన ఆమె స్ఫూర్తిదాయకమని భట్టి శ్లాఘించారు. సమావేశంలో మాజీ మంత్రి గీతారెడ్డి, ఎమ్మెల్యే దానం నాగేందర్‌, ఫిషరీస్‌ కమిటీ చైర్మన్‌ మెట్టు సాయికుమార్‌, నాయకులు శంకర్‌ నాయక్‌, చరణ్‌ యాదవ్‌, భూపతిరెడ్డి పాల్గొన్నారు.

. త్వరలోనే రాబోతున్న విమానాశ్రయం: కూనంనేని
. అభివృద్ధి పనులకు ఎమ్మెల్యే శంకుస్థాపనలు

విశాలాంధ్ర బ్యూరో-కొత్తగూడెం: కొత్తగూడెంలో విమానాశ్రయం ఏర్పాటు కాబోతోందని, తమ కల త్వరలోనే సాకారమవుతుందని ఎమ్మెల్యే కూనంనేని సాంబశివరావు అన్నారు. అభివృద్ధి పనుల కోసం ప్రభుత్వం మంజూరు చేసే నిధుల విషయంలో రాజీ ప్రసక్తే లేదని, కావల్సిన నిధులను రాబడుతున్నట్లు తెలిపారు. స్థానిక సమస్యల శాశ్వత పరిష్కారానికి కట్టుబడి ఉన్నానని కూనంనేని చెప్పారు. ఆయన మంగళవారం మున్సిపాలిటీ పరిధిలోని డీఏంఎఫ్‌ నిధులతో అభివృద్ధి పనులకు శంకుస్థాపన చేశారు. రెండవ వార్డులో రూ.70 లక్షలతో నిర్మించనున్న సాధికారత కేంద్రానికి, 24వ వార్డులో రూ.50లక్షలతో నిర్మించనున్న సీసీ డ్రైన్‌ నిర్మాణానికి, 25వ వార్డులో రూ.30 లక్షలతో నిర్మించనున్న కమ్యూనిటీ హాల్‌ నిర్మాణానికి శంకుస్థాపన అనంతరం కూనంనేని మాట్లాడుతూ తన నియోజకవర్గంలో అభివృద్ధి పనులు ముమ్మరంగా సాగుతున్నాయన్నారు. విమానాశ్రయం ఏర్పాటుతో మహా నగరాలకు దీటుగా కొత్తగూడెం నిలుస్తుందని అన్నారు. నియోజకవర్గం సమగ్రాభివృద్ధి జరుగుతుందన్నారు. కొత్తగూడెం అభివృద్ధి విషయంలో మంత్రులతో పాటు ప్రభుత్వ సహకారం తనకు ఉందని చెప్పారు. ప్రభుత్వ ఆస్పత్రుల బలోపేతం, రోడ్లు, డ్రైనేజీలు, విద్యుత్‌, తాగునీరు వంటి కనీస మౌలిక వసతుల కల్పనపై ప్రత్యేక దృష్టి సారించినట్లు చెప్పారు. కొత్తగూడెం మున్సిపల్‌ వార్డుల్లో జరుగుతున్న అభివృద్ధి పనులను నాణ్యతా ప్రమాణాలతో వేగవంతంగా పూర్తి చేయాలని అధికారులను ఆదేశించారు. కార్యక్రమంలో సీపీఐ జిల్లా కార్యదర్శి సాబీర్‌ పాషా, మున్సిపల్‌ చైర్‌పర్సన్‌ కాపు సీతామహాలక్ష్మీ, కమిషనర్‌ శేషాంజన్‌ స్వామి, ఇన్‌చార్జి తహసీల్దార్‌, డీఈ రవికుమార్‌, కౌన్సిలర్లు వేల్పుల దామోదర్‌, సత్యభామ, సాహెరా బేగం, బోయిన విజయ్‌ కుమార్‌, పి సత్యనారాయణాచారి, నాయకులు యూసుఫ్‌, మాచర్ల శ్రీనివాస్‌, అబ్దుల్‌ అజీజ్‌, అబ్దుల్‌ రహమాన్‌, రోహినినాథ్‌, బండారి రాములు, నేరెళ్ల రమేశ్‌, ఆనంద్‌ పాల్గొన్నారు.

హైకోర్టు సంచలన తీర్పు

విశాలాంధ్ర-హైదరాబాద్‌: ఒప్పంద ఉద్యోగుల క్రమబద్ధీకరణకు సంబంధించి బీఆర్‌ఎస్‌ హయాంలో తెచ్చిన జీవో 16 చెల్లదని తెలంగాణ ఉన్నత న్యాయస్థానం సంచలన తీర్పునిచ్చింది. ఇది రాజ్యాంగ విరుద్ధమంటూ జీవో 16ను హైకోర్టు మంగళవారం కొట్టివేసింది. ఈ జీవో ప్రకారం విద్యా, వైద్య శాఖల్లో పనిచేసే ఉద్యోగుల క్రమబద్ధీకరణ జరిగింది. హైకోర్టు తాజా తీర్పుతో ఉద్యోగుల్లో అందోళన మొదలైంది. క్రమబద్ధీకరించిన వారిని తిరిగి ఒప్పంద ఉద్యోగులుగా కొనసాగించవచ్చని హైకోర్టు పేర్కొన్నట్లు పిటిషనర్లు తెలిపారు. అయితే తీర్పు ప్రతి అందితే దీనిపై స్పష్టత వస్తుందని అధికారులు అన్నారు. ఇదిలావుంటే జీవో 16 నిరుద్యోగుల పాలిట శాపంగా మారిందని, ఒప్పంద ఉద్యోగులను క్రమబద్ధీకరించడం ద్వారా తమకు అన్యాయం జరిగిందని తెలంగాణ నిరుద్యోగ జేఏసీ హైకోర్టును ఆశ్రయించారు. ఈ కేసును విచారించిన ఉన్నత న్యాయస్థానం జీవో 16 రాజ్యాంగ విరుద్ధమంటూ తీర్పు వెలువరించింది.