విశాలాంధ్ర – పెద్దకడబూరు (కర్నూలు) : మండల కేంద్రమైన పెద్దకడబూరులోని స్థానిక బస్టాండ్ ఆవరణంలో గురువారం సిపిఐ శత వార్షికోత్సవాలను ఘనంగా నిర్వహించారు. ఈ సందర్భంగా రైతు సంఘం జిల్లా ఉపాధ్యక్షులు ఆంజనేయ సిపిఐ జెండాను ఆవిష్కరించారు. అనంతరం సిపిఐ మండల కార్యదర్శి వీరేష్ మాట్లాడుతూ బ్రిటిష్ పాలనకు వ్యతిరేకంగా పోరాటాలు చేసి భారతదేశానికి సంపూర్ణ స్వాతంత్య్రం కావాలని పిలుపునిచ్చిన ఏకైక పార్టీ సిపిఐ అని కొనియాడారు. దేశంలో వందేళ్ల చరిత్ర కలిగిన పార్టీలు కాంగ్రెస్, సిపిఐ పార్టీలు అన్నారు. సిపిఐ పార్టీ పేదలకు భూమి కోసం, భుక్తి, విముక్తి కోసం అనేక పోరాటాలు చేసిందన్నారు. స్వాతంత్య్రం అనంతరం కూడా సిపిఐ కష్టజీవుల సమస్యల పరిష్కారం కోసం నిరంతరం ఉద్యమాలు చేసిన పార్టీ అన్నారు. ఈ కార్యక్రమంలో ఏఐవైఎఫ్ తాలూకా అధ్యక్షులు జాఫర్ పటేల్, నాయకులు మహ్మద్ ఉసేన్, దస్తగిరి, రమేష్, రమేష్, తిక్కన్న, డోలు హనుమంతు, రంగన్న, ఆంజనేయ తదితరులు పాల్గొన్నారు.
రాణి నగర్ లో ఘనంగా సిపిఐ శత వార్షికోత్సవాలు
విశాలాంధ్ర -అనంతపురం : భారత కమ్యూనిస్టు పార్టీ సిపిఐ 100వ ఆవిర్భావ దినోత్సవం సందర్భంగా అనంతపురం నగరంలోని రాణి నగర్ నందు సిపిఐ నగర వర్గ సభ్యులు కామ్రేడ్ గోల్డ్ బాషా అధ్యక్షతన నిర్వహించిన కార్యక్రమానికి ముఖ్య అతిథులుగా విచ్చేసి జెండా ఆవిష్కరణ చేస్తున్న ఏఐటీయూసీ నగర అధ్యక్షులు జి.చిరంజీవి,అనంతరం సిపిఐ వంద సంవత్సరాలు వేడుకల సందర్భంగా కేక్ కట్ చేయడం జరిగింది..ఈ కార్యక్రమంలో వినాయక్ నగర్ శాఖ కార్యదర్శి హాజీవ్ అలీ,ఇన్సఫ్ నాయకులు దాదా పీరా, కాలనీ వాసులు తదితరులు పాల్గొన్నారు.
కూటమి ప్రభుత్వం హామీలను నెరవేర్చాలి
విశాలాంధ్ర – పెద్దకడబూరు (కర్నూలు) : కూటమి ప్రభుత్వం యువతకు ఎన్నికల్లో ఇచ్చిన హామీలను నెరవేర్చాలని ఏఐవైఎఫ్ తాలూకా అధ్యక్షులు జాఫర్ పటేల్ డిమాండ్ చేశారు. గురువారం మండల కేంద్రమైన పెద్దకడబూరులోని స్థానిక సిపిఐ కార్యాలయం నందు ఏఐవైఎఫ్ మండల సమావేశం మండల అధ్యక్షులు మహ్మద్ ఉసేన్ అధ్యక్షతన జరిగింది. ఈ సమావేశానికి ముఖ్య అతిథిగా ఏఐవైఎఫ్ తాలూకా అధ్యక్షులు జాఫర్ పటేల్ హాజరయ్యారు. ఈ సందర్భంగా ఆయన మాట్లాడుతూ ఎన్నికల సమయంలో యువతకు అది చేస్తాం, ఇది చేస్తామని చెప్పి అధికారంలోకి వచ్చిన తర్వాత ఇచ్చిన హామీలను నెరవేర్చడంలో కూటమి ప్రభుత్వం విఫలమైందని విమర్శించారు. యువతకు అన్యాయం చేస్తే చూస్తూ ఊరుకోమని ఏఐవైఎఫ్ ఆధ్వర్యంలో ఉద్యమాలకు దిగుతామని హెచ్చరించారు. అనంతరం పెద్దకడబూరులోని లక్ష్మి పేటలో ఏఐవైఎఫ్ శాఖను ఏర్పాటు చేశారు. అధ్యక్షులుగా రాముడు, కార్యదర్శిగా హనుమంతును ఎన్నుకున్నారు. ఈ కార్యక్రమంలో సిపిఐ మండల కార్యదర్శి వీరేష్, రైతు సంఘం జిల్లా ఉపాధ్యక్షులు ఆంజనేయ, ఏఐఎస్ఎఫ్ మండల కార్యదర్శి షేక్ హజరత్ భాష, సహాయ కార్యదర్శి అల్లా బకాష్, సిపిఐ చిన్నకడబూరు శాఖ కార్యదర్శి తిక్కన్న, ఏఐవైఎఫ్ నాయకులు పాల్గొన్నారు.
పేద, మధ్యతరగతి, కార్మిక, కర్షకులకి, బడుగు బలహీన వర్గాలకు అండగున్న సిపిఐ జెండాకు వందేళ్ళు
సిపిఐ జిల్లా కార్యదర్శి ఒమ్మి రమణ
విశాలాంధ్ర -విజయనగరం టౌన్ : భారత కమ్యునిస్టు పార్టీ (సిపిఐ) శతాబ్ద కాలంగా పేద, బడుగు బలహీన వర్గాల ప్రజలకు, కార్మిక కర్షకులకు అండగా ఉంటూ అనేక పోరాటాలు చేసి ఎన్నో విజయాలు సాధించిన ఘనత సిపిఐ కి ఉందని సిపిఐ జిల్లా కార్యదర్శి ఒమ్మి రమణ అన్నారు. గురువారం ఉదయం నగరంలో సిపిఐ జిల్లా కార్యాలయం డి.ఎన్. ఆర్ అమర్ భవన్ లో సిపిఐ శత వార్షికోత్సవం వేడుకలు జిల్లా సహాయ కార్యదర్శి బుగత అశోక్ ఆధ్వర్యంలో ఘనంగా జరిగాయి. ఈ కార్యక్రమానికి ముఖ్య అతిథిగా విచ్చేసిన సిపిఐ జిల్లా కార్యదర్శి ఒమ్మి రమణ పార్టీ కార్యాలయం పైన సిపిఐ జెండాను ఎగురవేశారు. అనంతరం కేక్ కట్ చేసి నాయకులుకు, కార్యకర్తలకు శుభాకాంక్షలు తెలిపారు.
అనంతరం జరిగిన సమావేశంలో ఆయన మాట్లాడుతూ
బ్రిటిష్ పాలకుల నిర్బంధకాండకు, నిరంకుశత్వానికి వ్యతిరేకంగా 1925 డిసెంబరు 26న కాన్పూర్ (ఉత్తరప్రదేశ్) గడ్డపై భారత కమ్యూనిస్టు పార్టీ ( సిపిఐ ) ఆవిర్భవించి గడిచిన 99 ఏళ్ళ కాలంలో ఎన్నో వీరోచిత పోరాటాలు, మహోన్నత త్యాగాలు, మహత్తర విజయాలకు సీపీఐ ప్రతీకగా నిలిచిందని అన్నారు.
బ్రిటిష్ సామ్రాజ్యవాదులు కమ్యూనిస్టులను అరెస్టు చేసి మీరట్ కుట్ర కేసుల్లాంటి అనేక తప్పుడు కేసులు బనాయించి దశాబ్దాల పాటు జైళ్ళలో పెట్టారన్నారు. స్వాతంత్య్ర్యం తరువాత ప్రధాన ప్రతిపక్షంగా పార్లమెంటులో పనిచేసింది. ఈ విప్లవాత్మక, సాహసోపేతమైన ప్రస్థానం ఇప్పుడు 100 వ సంవత్సరంలోకి అడుగుపెడుతోందన్నారు. స్వాతంత్ర పోరాటంలో పాల్గొన్న పార్టీ సిపిఐ పార్టీ అని ఆయన కొనియాడారు. దేశ స్వాతంత్రం కోసం అనేక పోరాటాలు చేసి ఎంతోమంది కమ్యూనిస్టు నాయకులు జైలుకెళ్లి జైలు జీవితం గడిపారని ఆయన అన్నారు. దేశానికి స్వాతంత్ర్యం తీసుకురావడంలో కమ్యూనిస్టు పార్టీ ఎన్నో పోరాటాలు చేసి ఆ పోరాటాలతోనే స్వాతంత్రం సాధించిందని అన్నారు. ఇప్పుడు అధికారం చాలా ఇస్తున్నా మతోన్మాద బిజెపి ఆనాడు ఏ ఉద్యమాలు చేయకుండా స్వాతంత్ర పోరాటంలో పాల్గొనకుండా ఇప్పుడు అధికారం అనుభవిస్తూ మత విద్వేషాలను రెచ్చగొడుతూ మతాల మధ్య చిచ్చుల పెడుతూ దేవుడి పేరుతో పబ్బం గడుపుకుంటూ కులాల పేరుతో గొడవలు పెడుతూ చోద్యం చూస్తుందని ఆయన విమర్శించారు. పార్లమెంట్ సాక్షిగా డాక్టర్ బి.ఆర్ అంబేద్కర్ అవమానించిన కేంద్ర హోంమంత్రి అమిత్ షాను వెనకేసుకొస్తున్న ప్రధాన మోడీ వారి మనువాద రాజ్యాంగాన్ని తీసుకురావడానికి అంబేద్కర్ రచించిన రాజ్యాంగాన్ని అంబేద్కర్ను అవమాన పరుస్తున్నారని ఆయన అన్నారు. అంబేద్కర్ రచించిన రాజ్యాంగం మీద పార్లమెంట్ సాక్షిగా ప్రమాణ స్వీకారం చేసిన సంగతి అమిత్ షా కి గుర్తులేదా అని ప్రశ్నించారు. ఆనాటి నుండి నేటి వరకు ఎర్రజెండా అప్పుడు ఇప్పుడు ఎప్పటికీ పేద ప్రజలకు అండగా ఉంటూ వారి సమస్యలను పరిష్కరించడంలో నిత్యం ప్రజా పోరాటంలో ఉండి, ఎన్నో పోరాటాలు ఉద్యమాలు చేసి ప్రజల పక్షాన నిలబడిన ఏకైక పార్టీ భారత కమ్యూనిస్టు పార్టీ అని ఆయన కొనియాడారు. ఈ 2024 డిసెంబర్ 26వ తేదీ నుంచి 2025 డిసెంబర్ 26 వరకు జిల్లా వ్యాపితంగా ఏడాది మొత్తం సిపిఐ శతాబ్ది ఉత్సవాలను ఘనంగా జయప్రదం చేయాలని రమణ పిలుపునిచ్చారు.
ఈ సమావేశంలో సిపిఐ జిల్లా సహాయ కార్యదర్శి బుగత అశోక్, జిల్లా కార్యవర్గ సభ్యులు ఎస్ రంగరాజు, నియోజకవర్గ నాయకులు అప్పరుబోతూ జగన్నాధం, ఎ.ఐ.ఎస్.ఎఫ్ జిల్లా అధ్యక్షుడు ఎస్ సునీల్, మరియు పార్టీ కార్యకర్తలు, కార్మికులు తదితరులు పాల్గొన్నారు.
ఘనంగా సిపిఐ శత వార్షికోత్సవ వేడుకలు
విశాలాంధ్ర – నెల్లిమర్ల : నెల్లిమర్ల మండలంలో సిపిఐ పార్టీ ఆధ్వర్యంలో గురువారం కొండ గుంపాం గ్రామంలో సిపిఐ శత వార్షికోత్సవంలో బాగంగా పార్టీ మండల కార్యదర్శి మొయిద పాపారావు అరుణ పతాకాన్ని ఎగురవేశారు. అనంతరం ఆయన మాట్లాడుతూ భారత స్వాతంత్ర సాధనలో సిపిఐ అగ్రగామిగా నిలిచిందని, దున్నేవానికి భూమి దక్కాలంటూ ఉద్యమం చేసిందని, భూ సంస్కరణల చట్టం కోసం పోరాడి లక్షలాది ఎకరాలు భూ పంపిణీ చేసిందని, కార్మిక చట్టాలు హక్కుల సాధనకు నిర్విరామంగా పోరాడిందన్నారు. ఈ కార్యక్రమంలో పోలిపల్లి సూరి ఎడ్ల పైడినాయుడు తవిటి నాయుడు నడిపిన రామ్మూర్తి బెల్లం ఆదినారాయణ తదితరులు పాల్గొన్నారు.
పేద బడుగు బలహీన వర్గాల వారి కోసం సిపిఐ పార్టీ కృషి
విశాలాంధ్ర – కొయ్యలగూడెం (ఏలూరు జిల్లా) : హరిజన, గిరిజన, దళిత, పేద బడుగు బలహీన వర్గాల ప్రజల కోసం సిపిఐ పార్టీ అనేక పోరాటాలు చేసి సమస్యలు పరిష్కరించడంలో ముందుంటుందని సిపిఐ పార్టీ మహిళా నాయకురాలు ఎల్లి బోయిన లక్ష్మీ పేర్కొన్నారు. మండలంలో కనకాద్రి పురం గ్రామంలో సిపిఐ పార్టీ స్థాపించి 100 సంవత్సరాలు పూర్తి చేసుకున్న సందర్భంగా లక్ష్మీ ఆధ్వర్యంలో 100 సంవత్సరాల వేడుకను ఘనంగా నిర్వహించారు.మహిళా లతో కలిసి సిపిఐ పార్టీ జెండాను ఆవిష్కరించారు. ఈ కార్యక్రమంలో షేక్ సైదాని, కామాక్షి, పద్మ, పార్వతి, షకీలా, చిన్నారి, సత్యభామ, తదితరులు పాల్గొన్నారు.
ఘనంగా సిపిఐ జెండా ఆవిష్కరణ…
విశాలాంధ్ర నందిగామ :-ప్రజా పోరుబాటలో ప్రజా సేవలో సిపిఐ తన వంతు పోరాటాలు చేస్తూనే ఉంటుందని సిపిఐ నియోజకవర్గ కార్యదర్శి చుండూరు వెంకట సుబ్బారావు అన్నారు గురువారం స్థానిక రైతు పేట సి ఎస్ ఆర్ భవన్ సిపిఐ కార్యాలయం వద్ద శత వార్షికోత్సవాల సందర్భంగా సిపిఐ జండా ఆవిష్కరణ దినోత్సవాన్ని ఘనంగా నిర్వహించారు ముందుగా సిపిఐ జండా ఆవిష్కరణను సిపిఐ సీనియర్ నాయకులు పొన్నెడి నాగభూషణం చే పతాక ఆవిష్కరణ నిర్వహించారు ఈ సందర్భంగా నియోజకవర్గ కార్యదర్శి చుండూరు వెంకట సుబ్బారావు మాట్లాడుతూ బ్రిటీష్ సామ్రాజ్యవాదానికి వ్యతిరేకంగా దేశ స్వేచ్చా, స్వాతంత్ర్యాల కోసం మహోజ్వల పోరాటాల కేతనంగా, కార్మికవర్గ సైద్ధాంతిక శక్తిగా భారత కమ్యూనిస్టు పార్టీ ఆవిర్భవించింది.1917 అక్టోబరు రష్యా విప్లవం స్పూర్తితో 1925 డిసెంబరు 26 న కాన్పూరులో కమ్యూనిస్టు పార్టీ పురుడు పోసుకుంది.ఆనాటి జాతీయోద్యమంలో కలిసినడుస్తూ సంపూర్ణ స్వాతంత్రం
భారత ప్రజల లక్ష్యంగా పెను
గర్జన చేసింది.దీన్ని సహించ లేని బ్రిటీష్ పాలకులు 32 మంది కమ్యూనిస్టు నాయకులపై అక్రమ కేసులతో అరెస్టులు చేసి జైళ్లలో నిర్బంధించారు. ఆరంభ కాలంలోనే కాన్పూరు,మీరట్,పెషావర్ కుట్ర కేసులను కమ్యూనిస్టుపార్టీ ఎదుర్కొంది. ఏఐటీయూసీ ని కార్మికవర్గ హక్కుల వేదికగానే కాకుండా, జాతీయోద్యమంలో భాగం చేసింది. దేశంలో భూమిని,సంపదను తమ గుప్పిట్లో పెట్టుకుని ప్రజలచేత వెట్టిచాకిరీ చేయించే ఫ్యూడల్సం స్థానాధీసులకు,జమీందారు లకు, జాగీర్దారులకు వ్యతిరేకంగా సమరశీల పోరాటాలకు శ్రీకారం చుట్టింది. దున్నేవాడికిభూమి కావాలనే నినాదాన్ని దేశం ముందుకు తెచ్చింది. మార్క్సిజం తాత్విక శక్తితో కమ్యూనిస్టు పార్టీ ఒక
రాజకీయ బౌతికశక్తిగా రూపు
దాల్చింది.ఆకలి,కన్నీళ్లు,దోపిడీలేని సమసమాజం కావాలని సోషలిజాన్ని విరామ మెరుగక ప్రచారం చేసింది. పాలకులు దీని ప్రభావం నుండి
తప్పుకోలేక సోషలిజం అనే పదాన్ని రాజ్యాంగంలో పొందుపరిచారు. పార్టీ పుట్టుక నుండి ఈనాటి వరకూ కష్టజీవుల పార్టీగా,నిరుపేదల
ప్రతినిధిగా మొక్కవోని దీక్షా దక్షతలతో తన ప్రస్థానాన్ని కొనసాగిస్తూ..శత వసంతాల
మైలురాయిని చేరుకుంది.అమర వీరుల ఆశయాలను తలపోసుకుని,పునరుత్తేజం తో ముందుకు సాగుతుంది.ప్రతి పేదవాడికి సిపిఐ కమ్యూనిస్టు పార్టీలు ఎప్పుడు అండగా ఉంటాయని ప్రతి ఉద్యమంలో ముందడుగు వేస్తూ ఎప్పటికప్పుడు ప్రజా మేలు కొరకు సిపిఐ పనిచేస్తుందని అన్నారు పేద బడుగు బలహీన వర్గాలకు ఆశాజ్యోతి గా సిపిఐ ముందుకు సాగుతుందని పేర్కొన్నారు అనంతరం స్వీట్లు పంచిపెట్టారు ఈ కార్యక్రమంలో సిపిఐ పార్టీ సీనియర్ నాయకులు మన్నెం నారాయణరావు, బలుసుపాడు రాంబాబు,నందిగామ నియోజకవర్గ సహాయ కార్యదర్శి కట్టా చామంతి,నందిగామ మండల కార్యదర్శి మన్నే హనుమంతరావు,పట్టణ కార్యదర్శి షేక్ మౌలాలి, పలువురు సివిల్ సప్లై కార్మికులు పాల్గొన్నారు
ఘనంగా భారత కమ్యూనిస్టు పార్టీ (సి.పి.ఐ) శతాబ్ది వార్షికోత్సవం …
విశాలాంధ్ర – చోడవరం : భారత కమ్యూనిస్టు పార్టీ స్థాపించి నేటికీ 99 సంవత్సరాలు పూర్తి చేసుకుని నూరవ సంవత్సరంలో అడుగుపెడుతున్న సందర్భంలో అనకాపల్లి జిల్లా చోడవరం లో ఆర్టీసీ కాంప్లెక్స్ ఆవరణ వద్ద భారత కమ్యూనిస్టు పార్టీ జిల్లా సమితి సభ్యుడు రెడ్డిపల్లి అప్పలరాజు ఆధ్వర్యంలో శతాబ్ది వార్షికోత్సవాన్ని గురువారం ఘనంగా నిర్వహించారు. కమ్యూనిస్ట్ మహిళా నాయకురాలు ఇమ్మంది కొండమ్మ పార్టీ జెండా ఆవిష్కరించి వార్షికోత్సవాలు నిర్వహించారు.
ఈ కార్యక్రమంలో అనకాపల్లి జిల్లా కార్యవర్గ సభ్యుడు రెడ్డిపల్లి అప్పలరాజు మాట్లాడుతూ కమ్యూనిస్టు పార్టీ సిపిఐ నిరంతరం పేద, బడుగు, బలహీన వర్గాలు, కార్మిక కర్షకుల కోసం నేటికీ అలుపెరుగని పోరాటం చేస్తున్న ఏకైక పార్టీ కమ్యూనిస్టు పార్టీ అని తెలియజేశారు.
నిరంతరం కార్మికులు, పీడిత ప్రజానీకం, బడుగు బలహీనవర్గాల తరపున పోరాటం చేస్తూనే ఉందన్నారు.
జీవితంలో ఒక్కసారైనా కమ్యూనిస్టు గా ఉండాలని,
కమ్యూనిస్టు పార్టీలో సభ్యులమై ఉండడం మన యొక్క గర్వకారణం అని,
ప్రతి ఒక్కరూ కమ్యూనిస్టులుగా సమాజంలో జరుగుతున్న అవినీతి, అన్యాయం దురాక్రమణలపై పోరాటం చేయాలని, అప్పుడే నిజమైన కమ్యూనిస్టుని తెలియజేశారు.
కార్మికులు, కర్షకులు హక్కులు గూర్చి పోరాటం చేయాలని పిలుపునిచ్చారు. ఈ కార్యక్రమంలో ఆబోతుల శ్రీనివాసరావు, విస్సరుపు నాగూరు, పుల్లేటి అప్పారావు, సోమదల లక్ష్మణరావు, కాకి కోటేశ్వరరావు, జోగ అప్పారావు, సంపంగి సత్యవతి, చిరంజీవి, శివకుమార్, శ్రీను, కమ్యూనిస్టు పార్టీ, అనుబంధ ప్రజా సంఘాల నాయకులు కార్యకర్తలు తదితరులు పాల్గొన్నారు.
టాలీవుడ్ కి భారీ షాక్.. బెనిఫిట్ షోలు, టికెట్ల రేట్ల పెంపు ఉండవని స్పషం చేసిన రేవంత్ రెడ్డి
తగిన బందోబస్తు ఉంటేనే సినిమా ఈవెంట్లకు అనుమతి ఇస్తామన్న సీఎం
సినీ ప్రముఖులతో కొనసాగుతున్న సమావేశంలో ముఖ్యమంత్రి రేవంత్ రెడ్డి స్పష్టమైన ప్రకటన చేశారు. సినిమాల బెనిఫిట్ షోలకు, టికెట్ల రేట్ల పెంపుకు ఇకపై అనుమతించబోమని ఆయన స్పష్టం చేశారు. ఈ అంశంపై అసెంబ్లీలో తాను, మంత్రి కోమటిరెడ్డి వెంకటరెడ్డి చేసిన ప్రకటనలకు కట్టుబడి ఉన్నామని తెలిపారు. ముందస్తు అనుమతులు, తగిన బందోబస్తు ఉంటేనే సినిమా ఈవెంట్లకు అనుమతి ఇస్తామని చెప్పారు. శాంతిభద్రతల విషయంలో రాజీపడే ప్రసక్తే లేదని అన్నారు. బౌన్సర్ల విషయంలో కూడా ఇకపై కఠినంగా ఉంటానని చెప్పారు. సినీ పరిశ్రమకు తాము వ్యతిరేకం కాదని రేవంత్ స్పష్టం చేశారు. ఉద్దేశ పూర్వకంగా కేసులు పెట్టలేదని చెప్పారు. సినీ ఇండస్ట్రీ అభివృద్ధికి తమ ప్రభుత్వం పూర్తిగా సహకరిస్తుందని తెలిపారు. తెలంగాణలో షూటింగ్స్ కు మరిన్ని రాయితీలు ఇవ్వాలన్న విన్నపంపై కమిటీ వేస్తామని చెప్పారు. టెంపుల్ టూరిజం, ఎకో టూరిజాన్ని టాలీవుడ్ ప్రమోట్ చేయాలని సూచించారు. సినిమా రిలీజ్, ఈవెంట్స్ సమయంలో అభిమానుల్ని కంట్రోల్ చేసుకోవాల్సిన బాధ్యత సెలబ్రిటీలదేని చెప్పారు. ఈ సందర్భంగా రాఘవేంద్రరావు మాట్లాడుతూ… అందరు సీఎంలు ఇండస్ట్రీని బాగా చూసుకున్నారని చెప్పారు. ప్రస్తుత ప్రభుత్వం కూడా ఇండస్ట్రీని బాగా చూసుకుంటుందని తెలిపారు. ఫిల్మ్ డెవలప్ మెంట్ కార్పొరేషన్ ఛైర్మన్ గా దిల్ రాజును నియమించడాన్ని స్వాగతిస్తున్నామని చెప్పారు. తెలంగాణ ప్రభుత్వంపై తమకు పూర్తి నమ్మకం ఉందని మురళీమోహన్ తెలిపారు. సంధ్య థియేటర్ ఘటన తమను బాధించిందని చెప్పారు. తెలుగు సినీ పరిశ్రమకు ఈరోజు శుభదినమని అల్లు అరవింద్ వ్యాఖ్యానించారు.
రైల్వే యాప్ కు సాంకేతిక లోపం.. సేవలకు తీవ్ర అంతరాయం..
రైల్వే టికెట్ల బుకింగ్ కోసం ఏర్పాటైన ఐఆర్‌సీటీసీ వెబ్సైట్, మొబైల్ యాప్ సేవల్లో అంతరాయం ఏర్పడింది. మెయింటెనెన్స్ కారణంగా సర్వర్‌ డౌన్‌ అయ్యింది. ఫలితంగా గురువారం ఉదయం కొన్ని గంటల పాటు ఐఆర్‌సీటీసీ సేవలు నిలిచిపోయాయి. ఉదయం తత్కాల్ టికెట్స్‌ బుకింగ్ సమయంలో ఈ సమస్య తలెత్తింది. దీంతో యూజర్లు పలు ఇబ్బందులు ఎదుర్కొన్నారు. వెబ్సైట్, మొబైల్ యాప్ ఓపెన్‌ అవ్వట్లేదని పలువురు యూజర్లు ఉదయం నుంచి సోషల్ మీడియా వేదికగా పోస్టులు పెడుతున్నారు. తాము రైలు ప్రయాణ టికెట్లు బుక్ చేసుకోలేక పోతున్నామంటూ పేర్కొంటున్నారు. ఈ సమస్యపై ఐఆర్‌సీటీసీ స్పందించింది. మెయింటెనెన్స్ కారణంగా ఈటికెట్‌ సేవలు అందుబాటులో లేవని తెలిపింది. ఈ మేరకు ప్రకటన విడుదల చేసింది. టికెట్‌ రద్దు చేసుకోవడానికి, ఫైల్‌ టీడీఆర్‌ కోసం కస్టమర్‌ కేర్‌ నెంబర్‌ 14646, 08044647999, 08035734999కు ఫోన్‌ చేయాలని, లేదంటే వ్‌ఱషసవ్‌ంఏఱతీష్‌ష.షశీ.ఱఅకి మెయిల్‌ చేయాలని సూచించింది. కాగా, ఐఆర్‌సీటీసీ వెబ్సైట్, మొబైల్ యాప్ సేవల్లో అంతరాయం కలగడం ఈ నెలలో ఇది రెండో సారి. రెండు వారాల క్రితం కూడా ఇదే సమస్య తలెత్తిన విషయం తెలిసిందే. అప్పుడు కూడా తత్కాల్ బుకింగ్ సమయంలోనే సమస్య తలెత్తింది. తరచూ ఇలాంటి సమస్యల కారణంగా ప్రయాణికులు తీవ్ర అసహకానికి గురవుతున్నారు.
