రోడ్డు ప్రమాద బాధితురాలికి ఆర్థిక సహాయాన్ని అందించిన చందన నాగేశ్వర్

విశాలాంధ్ర – కడియం : కడియం మేకల దిబ్బ సెంటర్ కు చెందిన షేక్ అబ్దుల్ కపూర్ ( నాగు ) కుమార్తె షేక్ అబుష ఇటీవల రోడ్డు ప్రమాదానికి గురై ఇంటి వద్దనే వైద్యం తీసుకుంటుంది. షేక్ అబ్దుల్ కపూర్ కుటుంబం చాలా నిరుపేద కుటుంబం వైద్యం చేయించుకోవడానికి ఆర్థికంగా ఇబ్బంది పడుతుంటే ఈ విషయాన్ని స్థానిక వైయస్ఆర్సీపీ నాయకుల ద్వారా తెలుసుకొని స్వయంగా కడియం వెళ్లి షేక్ అబ్దుల్ కపూర్ ( నాగు ) కుమార్తె షేక్ అబుష ని మాజీ రాష్ట్ర పచ్చదనం మరియు సుందరీకరణ కార్పొరేషన్ చైర్మన్ చందన నాగేశ్వర్, వైయస్సార్ కాంగ్రెస్ పార్టీ రాష్ట్ర కార్యదర్శి గిరజాల బాబు పరామర్శించారు. షేక్ అబ్దుల్ కపూర్ కుటుంబానికి 5,000/- వేల రూపాయలు ఆర్థిక సహాయాన్ని చందన నాగేశ్వర్ అందించారు. ఈ కార్యక్రమంలో వైఎస్ఆర్సిపి నాయకులు సర్కార్ బాషా, పున్నమరాజు వీర్రాజు, కొసూరి సూరిబాబు, లావేటి రమేష్, ఉప్పులూరి తాతాజీ, చిలుకూరు రామకృష్ణ, బండారు శ్రీనివాస్, పూడి వీరబ్రహ్మం, వనుం పుత్రయ్య, కవల రవి, కడలి సాయి తదితరులు పాల్గొన్నారు.