ఒడిశా భువనేశ్వర్లోని సత్య విహార్ ప్రాంతంలోని ఒక బార్లో శుక్రవారం భారీ అగ్నిప్రమాదం చోటుచేసుకుంది.మంటలు ఎలా చెలరేగాయో స్పష్టంగా తెలియకపోయినా, షార్ట్ సర్క్యూట్ అయ్యి ఉండొచ్చు లేదా కిచెన్లో ఏదైనా లోపం జరిగి ఉండొచ్చనే కోణంలో అధికారులు విచారణ చేస్తున్నారు.
సమాచారం అందుకున్న వెంటనే ఫైర్ టీమ్ ఘటనాస్థలానికి చేరుకొని మంటలను నియంత్రించేందుకు కృషి చేసింది.ఈ ప్రమాదంలో ఎలాంటి ప్రాణనష్టం నమోదు కాలేదు.
విపత్తును అడ్డుకున్న అగ్నిమాపక సిబ్బంది
అగ్నిమాపక సిబ్బంది పరిస్థితిని సమయానికి అదుపులోకి తీసుకుని, ఆ ప్రాంతం జనసాంద్రత ఎక్కువగా ఉన్నప్పటికీ మంటలు ఇతర భవనాలకు వ్యాపించకుండా అడ్డుకున్నారు. ఇటువంటి ఘటనే, కొద్దిరోజుల క్రితం ఉత్తర గోవాలోని నైట్క్లబ్లో జరిగిన అగ్ని ప్రమాదం అనంతరం చోటుచేసుకోవడం విశేషం. ఆ ప్రమాదంలో 25 మంది ప్రాణాలు కోల్పోయిన సంగతి తెలిసిందే. ఆ ఘటన తర్వాత, ఒడిశా ఫైర్ అండ్ ఎమర్జెన్సీ సర్వీసెస్ రాష్ట్రవ్యాప్తంగా 100 మందికి పైగా సీటింగ్ ఉన్న రెస్టారెంట్లు, స్టాండ్అలోన్ స్థాపనలపై ఫైర్ సేఫ్టీ ఆడిట్ నిర్వహించాల్సిందిగా ఆదేశాలు జారీ చేసింది.
భువనేశ్వర్లో 80కి పైగా బార్లకు ఫైర్ సేఫ్టీ క్లియరెన్స్ లేదు
భువనేశ్వర్లో 80కిపైగా స్టాండ్అలోన్ బార్లు, బార్లతో పనిచేస్తున్న చిన్న రెస్టారెంట్లకు ఫైర్ సేఫ్టీ క్లియరెన్స్ లేదని అధికారులు గుర్తించారు.ుచీIజు నివేదిక ప్రకారం, ఎక్సైజ్ విభాగం అధికారులు రాష్ట్ర రాజధానిలో సుమారు 58 హోటళ్లు, 82 బార్లతో కూడిన రెస్టారెంట్లు ఉన్నాయని పేర్కొన్నారు.పెద్ద హోటళ్లు ఎక్కువగా ఫైర్ సర్వీస్ సర్టిఫికెట్లు కలిగి ఉన్నప్పటికీ, చిన్న బార్లు, రెస్టారెంట్లు ఈ అనుమతులు పొందలేదని వెల్లడించారు.
