ప్రభుత్వ మెనూ ప్రకారం నాణ్యమైన భోజనాన్ని పంపిణీ చేయాలి.. ఆర్డిఓ మహేష్

విశాలాంధ్ర ధర్మవరం : ప్రభుత్వ మెనూ ప్రకారం నాణ్యమైన భోజనాన్ని విద్యార్థులందరికీ విధిగా పంపిణీ చేయాలని ఆర్డీవో మహేష్ తెలిపారు. ఈ సందర్భంగా వారు పట్టణంలోని శివానగర్లో గల మున్సిపల్ ఉన్నత పాఠశాలను ఆకస్మికంగా తనిఖీ చేశారు. తదుపరి తరగతుల యొక్క గదులను, మరుగుదొడ్లను, వంటగదిని వారు పరిశీలించి, పరిశుభ్రతంగా ఉండే విధంగా చూడాలని హెడ్మాస్టర్ లక్ష్మీనారాయణకు సూచించారు. తదుపరి నిర్మాణం లో ఉన్న గదులను కూడా వారు పరిశీలించారు. ఉపాధ్యాయుల అటెండెన్స్ లను, మధ్యాహ్న భోజన రిజిస్టర్లను వారు పరిశీలించారు. అదేవిధంగా విద్యార్థులకు నాణ్యమైన చదువును ఉపాధ్యాయులు అందరూ కూడా సమన్వయంతో బోధించాలని తెలిపారు. విద్యార్థులకు మార్గదర్శకులు ఉపాధ్యాయులేనని, విద్యార్థులను తమ కన్న బిడ్డల లాగా చూసుకోవాలని తెలిపారు. ఎక్కడ ఎటువంటి తప్పిదాలు జరిగిన సహించేది లేదని వారు తెలిపారు. ఈ కార్యక్రమంలో హెచ్ఎం. లక్ష్మీనారాయణ తో పాటు ఉపాధ్యాయులు పాల్గొన్నారు.