అమెరికాను హెచ్చరించిన డెన్మార్క్
ఆర్కిటిక్ ప్రాంతంలోని వ్యూహాత్మక ద్వీపం గ్రీన్లాండ్పై అమెరికా తన నియంత్రణను సాధించాలనే ప్రయత్నం చేస్తుండటంపై డెన్మార్క్ తీవ్ర ఆందోళన వ్యక్తం చేసింది.ఎవరైనా తమ భూభాగాన్ని ఆక్రమించేందుకు ప్రయత్నిస్తే, సైనికులు పై అధికారుల ఆదేశాల కోసం వేచి చూడకుండా వెంటనే స్పందించాలని డెన్మార్క్ రక్షణ మంత్రిత్వ శాఖ స్పష్టం చేసింది.దీని కోసం 1952లో ప్రవేశపెట్టిన షూట్ ఫస్ట్ (ముందుగా కాల్పులు జరపండి) అనే నిబంధనను ప్రభుత్వం తాజాగా ధ్రువీకరించింది.
నాటో ఉనికికే ప్రమాదం
అమెరికా అధ్యక్షుడు డొనాల్డ్ ట్రంప్ గ్రీన్లాండ్ను బలవంతంగా స్వాధీనం చేసుకోవాలనుకుంటే, అది నాటో కూటమికి సవాలు అవుతుందని డెన్మార్క్ ప్రధాని మెట్టే ఫ్రెడరిక్సెన్ హెచ్చరించారు.
ట్రంప్ పట్టుబట్టడానికి కారణం ఇదే
ఒక నాటో సభ్యదేశంపై మరొక సభ్యదేశం దాడి చేయడం,రెండవ ప్రపంచ యుద్ధం తరువాత ఏర్పడిన అంతర్జాతీయ భద్రతా వ్యవస్థకు ముప్పు అని ఆమె చెప్పారు. గ్రీన్లాండ్ తన సొంత ప్రజలకు మాత్రమే చెందిన భూభాగం అని, దాన్ని ఎవరూ కొనుగోలు చేయలేరని స్పష్టంగా తెలిపారు. గ్రీన్లాండ్ సమీపంలో రష్యా, చైనా నౌకల ఉద్యమం ఎక్కువగా జరుగుతుందని, ఇది అమెరికా జాతీయ భద్రతకు ముప్పుగా మారుతుందని ట్రంప్ వాదిస్తున్నారు. కేవలం ఒప్పందాల ద్వారా కాకుండా, గ్రీన్లాండ్పై పూర్తి యాజమాన్య హక్కులు కావాలనే ఆయన ఆకాంక్షిస్తున్నారు. అమెరికా ఉపాధ్యక్షుడు జెడి వాన్స్ కూడా డెన్మార్క్ భద్రతా చర్యలను విమర్శిస్తూ, గ్రీన్లాండ్ భద్రతలో ఐరోపా దేశాలు విఫలమయ్యాయని పేర్కొన్నారు.
దౌత్య ప్రయత్నాలు
వీరే, ఈ ఉద్రిక్తతలను తగ్గించేందుకు డెన్మార్క్, గ్రీన్లాండ్ రాయబారులు వాషింగ్టన్లో శ్వేతసౌధం అధికారులతో సమావేశమవుతున్నారు.వచ్చే వారం అమెరికా విదేశాంగ మంత్రి మార్కో రూబియో డెన్మార్క్ అధికారులతో భేటీ అయ్యే అవకాశం ఉంది.1951 నాటి ఒప్పందం ప్రకారం గ్రీన్లాండ్లో సైనిక స్థావరాలను ఏర్పాటు చేసుకునే హక్కు ఇప్పటికే అమెరికాకు ఉన్నప్పటికీ, దాన్ని పూర్తిగా స్వాధీనం చేసుకోవాలన్న ట్రంప్ నిర్ణయం అంతర్జాతీయ వేదికపై కలకలం రేపుతోంది.
