రైతుతో ముచ్చటించిన రాష్ట్ర పౌరసరఫరాల శాఖ ఎండి జిలానీ

విశాలాంధ్ర, సీతానగరం: మండలంలోని గుచ్చిమి రైతుసేవా కేంద్రంను సందర్శించిన రాష్ట్ర పౌరసరఫరాల ఎండి మంజీర్ జిలానీ ధాన్యంకొనుగోలుపై సర్వత్రా ఆరా తీశారు. ఇదేసమయంలో అటువైపు వెళుతున్న తాన్నసీతారాంపురం గ్రామానికి చెందినరైతు మర్రాపు శ్రీరాములను ధాన్యము కొనుగోలుపై అడగడంతోపాటు డబ్బులు 24గంటలలోపు వచ్చాయా అని ప్రశ్నించారు. దీనికి రైతు తన సెల్ ఫోన్ ను చూపించి తనకు ధాన్యము తరలించిన వెంటనే డబ్బులు బ్యాంకుఖాతాలో జమ అయినట్లు తెలియజేస్తూ వచ్చినమెసేజ్ చూపించారు. ఈఏడాది ఎన్ డి ఏ ఉమ్మడి ప్రభుత్వంలో రైతులకు ఎటువంటి ఇబ్బందులు లేవని, ఇటు ధాన్యం కొనుగోలు కేంద్రాలు గాని అటు మిల్లర్లు గాని అదనంగా ధాన్యం తీసుకోవడం లేదని తెలిపారు. ప్రస్తుతం దాన్యం డబ్బులు 24 గంటల లోపు పడుతుండడంతో అందరూ రైతులు ఆనందంతో ఉన్నారన్నారు.రైతు పలు విషయాలు తెలియచేయడం పట్ల ఆయన ఆనందం వ్యక్తం చేశారు. రైతులకు ఎటువంటి ఇబ్బందులు లేకుండా చివరి దాన్యపుగింజవరకు సక్రమంగా కొనుగోలుతోపాటు సకాలంలో చెల్లింపులు చేయడం జరుగుతుందని తెలిపారు.
ఈకార్యక్రమంలో జాయింట్ కలెక్టర్ ఎస్ ఎస్ శోభిక,సబ్ కలెక్టర్ అశుతోష్ శ్రీవాత్సవ, జిల్లా అధికారులు ,మండల అధికారులు , సచివాలయ సిబ్బంది పాల్గొన్నారు.