విజయవాడ మెట్రోకు టెండర్లకు ఆహ్వానం

విజయవాడ మెట్రో రైలు ప్రాజెక్టును ముందుకు తీసుకెళ్లేందుకు ఆంధ్రప్రదేశ్ మెట్రోరైలు కార్పొరేషన్ కీలక ముందడుగు వేసింది. ఈ ప్రాజెక్టుకు సంబంధించిన టెండర్లను ఈపీసీ (ఇంజినీరింగ్‌-ప్రొక్యూర్‌మెంట్‌-కన్స్ట్రక్షన్‌) విధానంలో ఆహ్వానించింది.మొదటి దశ (ఫేజ్‌-1)లో మొత్తం 38.4 కిలోమీటర్ల మేర రెండు కారిడార్లలో మెట్రో రైలు నిర్మాణాన్ని చేపట్టనున్నారు. ఈ ప్రాజెక్టులో భాగంగా,కారిడార్-1 నెహ్రూ బస్టాండ్‌ నుంచి గన్నవరం బస్టాండ్‌ వరకు ఏర్పడనుంది.

మెట్రో రైలు మార్గంలో మొత్తం 32 స్టేషన్ల ఏర్పాటు
ఇక కారిడార్-2 బస్టేషన్‌ నుంచి పెనమలూరు వరకు సాగనుంది. కారిడార్-1లో 4.7 కిలోమీటర్ల పొడవున డబుల్ డెక్కర్ ఫ్లైఓవర్‌ను నిర్మించేందుకు ప్రణాళిక సిద్ధం చేశారు. ఈ మెట్రో రైలు మార్గంలో మొత్తం 32 స్టేషన్లు ఏర్పాటు చేయనున్నారు. అదనంగా, ఒక ప్రత్యేక ప్రాంతంలో భూగర్భ మెట్రో స్టేషన్‌ కూడా నిర్మించనున్నట్లు తెలుస్తోంది. ఇదిలా ఉండగా, విశాఖపట్టణం మెట్రో రైలు ప్రాజెక్టుకు సంబంధించిన టెండర్లను ఇప్పటికే పిలిచిన సంగతి తెలిసిందే.