ప్రభుత్వంతో ఎస్బీఐ ఒప్పందం

విశాలాంధ్ర, హైదరాబాద్ : రాష్ట్ర ప్రభుత్వ ఉద్యోగులకు బ్యాంకింగ్ సేవలను మెరుగుపరిచే దిశగా ఒక ముఖ్యమైన అడుగుగా, అనేక ప్రత్యేక బ్యాంకింగ్ ప్రయోజనాలతో కూడిన సమగ్ర వేతన ప్యాకేజీ పథకాన్ని అందించడానికి ఎస్బీఐ తెలంగాణ ప్రభుత్వంతో ఒక అవగాహన ఒప్పందం కుదుర్చుకుంది. ఈ ఒప్పందం తెలంగాణ రాష్ట్ర ప్రభుత్వ ఉద్యోగులకు జీతం ప్యాకేజీ ప్రయోజనాలు, అత్యుత్తమ ప్రయోజనాలు, ఆర్థిక వెసులుబాటు మరియు అసమానమైన సౌకర్యాన్ని అందించేందుకు రూపొందించిన ఒక ప్రత్యేకమైన బ్యాంకింగ్ పరిష్కారాన్ని అందించడమే లక్ష్యంగా పెట్టుకుంది. ఎస్బీఐ రాష్ట్ర ప్రభుత్వ ఉద్యోగుల కోసం ఒక ప్రత్యేకమైన విలువ ప్రతిపాదనను రూపొందించింది. ఇందులో డ్ఙెట్, క్రెడిట్ కార్డులతో ముడిపడి ఉన్న జీవనశైలి ప్రయోజనాలు, కుటుంబ సభ్యులకు ప్రత్యేక ప్రయోజనాలు, సమగ్ర పెన్షన్ ప్యాకేజీ, కాంప్లిమెంటరీ వ్యక్తిగత ప్రమాద, విమాన ప్రమాద బీమా, లాకర్లు, వ్యక్తిగత రుణాలు మొదలైన వాటిపై తగ్గింపులు ఉన్నాయి. ఈ సందర్భంగా ఎస్బీఐ హైదరాబాద్ సర్కిల్ చీఫ్ జనరల్ మేనేజర్ నీలేష్ ద్వివేది మాట్లాడుతూ… రాష్ట్ర ప్రభుత్వ ఉద్యోగులకు మరింత సమర్థవంతంగా సేవలందించేందుకు, రాష్ట్ర విస్తృత ఆర్థిక సమ్మిళితం, సంక్షేమ లక్ష్యాలకు దోహద పడేందుకు, బ్యాంకింగ్ రంగానికి జీతభత్యాల ప్యాకేజీ ప్రయోజనాలను అందించే విశేషాధికారాన్ని కల్పించి, నిరంతరం ప్రోత్సహిస్తున్నందుకు రాష్ట్ర ప్రభుత్వానికి హృదయపూర్వక కృతజ్ఞతలు తెలిపారు. ప్రభుత్వ సంస్థలతో తన సహకారాన్ని బలోపేతం చేసుకోవడానికి, రాష్ట్ర వ్యాప్తంగా సాంకేతికత ఆధారిత, వినియోగదారు-కేంద్రీకృత బ్యాంకింగ్ సేవలను అందించడానికి బ్యాంక్ యొక్క నిబద్ధతలో ఈ అవగాహన ఒప్పందం మరో మైలురాయిగా నిలుస్తుందని తెలిపారు.