ఢిల్లీలోని భారత మండపంలో జరుగుతున్న AI ఇంపాక్ట్ సమ్మిట్ 2026 సమావేశంలో ఊహించని సంఘటన చోటుచేసుకుంది.కొంతమంది యూత్ కాంగ్రెస్ కార్యకర్తలు వేదికపైకి చేరుకుని, తమ టీ-షర్టులు తొలగించి, నినాదాలు చేశారు. ఈ సమయంలో ప్రధానమంత్రి నరేంద్ర మోదీకి వ్యతిరేకంగా నినాదాలు వెల్లువెత్తాయి.కాంగ్రెస్ కార్యకర్తలు భారత్-అమెరికా ట్రేడ్ డీల్పై ఆగ్రహం వ్యక్తం చేశారు. నినాదాల్లో ప్రధానంగా, ప్రధాని మోడీ ట్రంప్కి లొంగిపోయారని తెలిపే సందేశాలను ప్రదర్శించారు.
సెక్యూరిటీ సిబ్బంది కార్యకర్తలను బయటకు తీసుకెళ్లారు. పోలీస్ వర్గాల ప్రకారం, ఇది ముందుగా ప్లాన్ చేసిన చర్యగా ఉంది.
సెక్యూరిటీ చర్యలు, అరెస్టులు
సంఘటనలో 10 మంది కార్యకర్తలను అరెస్ట్ చేశారు. మిగిలిన వారిని ఫేస్ రికగ్నైజేషన్ సాంకేతికత ద్వారా గుర్తించి పట్టుకునే ప్రయత్నం జరుగుతోంది.అరెస్టయిన కార్యకర్తల్లో ముఖ్యంగా ఇండియన్ యూత్ కాంగ్రెస్ సెక్రటరీ కృష్ణహరి, నేషనల్ కోఆర్డినేటర్ నరసింహ యాదవ్, బీహార్ కాంగ్రెస్కు చెందిన కుందన్ యాదవ్ యూపీకి చెందిన అజయ్ కుమార్ ఉన్నారు. ఈ ఘటనపై బీజేపీ తీవ్రంగా స్పందిస్తోంది.నేతలు భూపేందర్ యాదవ్, ప్రదీప్ భండారి వంటి వారు కాంగ్రెస్ కార్యకర్తల ప్రవర్తన భారత దేశ గౌరవాన్ని తగ్గించిందని ఆగ్రహం వ్యక్తం చేస్తున్నారు.
ఇటీవల, ఈ సంఘటనకు సంబంధించిన వీడియో సోషల్ మీడియాలో వైరల్ అయింది. సమ్మిట్కు హాజరైన కొంతమంది సాధారణ ప్రజలు, కాంగ్రెస్ కార్యకర్తల నిరసనను అంగీకరించకుండా ప్రతిఘటించారు.
