పార్లమెంటు వర్షాకాల సమావేశాల్లో మంగళవారం ఉభయ సభలు ప్రారంభమైన కొద్దిసేపటికే ప్రతిపక్ష సభ్యుల ఆందోళనలతో లోక్సభ, రాజ్యసభలను మధ్యాహ్నం 2 గంటల వరకు వాయిదా వేశారు.
లోక్సభలో యాంటీ పేపర్ లీక్ బిల్లుపై చర్చకు సహకరించాలని స్పీకర్ సభ్యులను కోరగా, విద్యార్థులపై జరిగిన లాఠీచార్జ్ అంశంపై తక్షణ చర్చ జరపాలని ప్రతిపక్షాలు పట్టుబట్టాయి.దీంతో సభలో గందరగోళం నెలకొనగా కార్యకలాపాలు నిలిచిపోయాయి. ఇదే పరిస్థితి రాజ్యసభలోనూ కొనసాగడంతో ఛైర్మన్ సభను మధ్యాహ్నం వరకు వాయిదా వేశారు.ఇదిలా ఉండగా, పబ్లిక్ పరీక్షల్లో అక్రమాలు, ప్రశ్నపత్రాల లీకేజీలను మరింత కట్టడి చేయడానికి రూపొందించిన ఃపబ్లిక్ పరీక్షల (అక్రమాల నిరోధక) సవరణ బిల్లు-2026ఃను మధ్యాహ్నం 2 గంటలకు లోక్సభలో చర్చించి ఆమోదానికి తీసుకురానున్నారు.
వివిధ అధికారిక పత్రాలను సభ ముందుంచనున్న కేంద్ర మంత్రులు
మరోవైపు రాజ్యసభలో ఃసూక్ష్మ, చిన్న, మధ్యతరహా పరిశ్రమల అభివృద్ధి (సవరణ) బిల్లు-2026ఃను ప్రవేశపెట్టనుండగా, ఃజాతీయ గౌరవానికి భంగం వాటిల్లకుండా నిరోధించే (సవరణ) బిల్లు-2026ఃను పరిశీలించి ఆమోదించేందుకు సభ ముందుంచనున్నారు.లోక్సభ కార్యాచరణ జాబితా ప్రకారం, దేశవ్యాప్తంగా సంచలనం సృష్టించిన పరీక్షల అక్రమాలు, పేపర్ లీకేజీలపై మరింత కఠిన చర్యలు తీసుకునేలా 2024లో అమల్లోకి వచ్చిన చట్టాన్ని బలోపేతం చేసే ఈ సవరణ బిల్లును కేంద్ర సిబ్బంది శాఖ సహాయ మంత్రి జితేంద్ర సింగ్ సభలో ప్రవేశపెట్టి ఆమోదం కోరనున్నారు.ప్రశ్నోత్తరాల సమయం అనంతరం పలువురు కేంద్ర మంత్రులు వివిధ అధికారిక పత్రాలను సభ ముందుంచనున్నారు.
2006 నాటి ఎంఎస్ఎంఈ అభివృద్ధి చట్టంలో మార్పులు
అదేవిధంగా వినియోగదారుల వ్యవహారాలు, ఆహార మరియు ప్రజాపంపిణీకి సంబంధించిన పార్లమెంటు స్థాయీ సంఘం నివేదికలు సమర్పించనుండగా, పార్లమెంటరీ కమిటీల సిఫారసుల అమలుపై ప్రకటనలు కూడా చేయనున్నారు.గౌహతి ఎయిమ్స్ పాలక మండలిలో లోక్సభ ప్రతినిధిని ఎన్నుకునే తీర్మానాన్ని కూడా సభలో ప్రవేశపెట్టనున్నారు.రాజ్యసభలో 2006 నాటి ఎంఎస్ఎంఈ అభివృద్ధి చట్టంలో మార్పులు తీసుకురావడానికి ఉద్దేశించిన ఎంఎస్ఎంఈ అభివృద్ధి (సవరణ) బిల్లు-2026ఃను కేంద్ర మంత్రి జితన్ రామ్ మాంఝీ ప్రవేశపెట్టనున్నారు.అలాగే కేంద్ర హోంమంత్రి అమిత్ షా ఃజాతీయ గౌరవానికి భంగం వాటిల్లకుండా నిరోధించే (సవరణ) బిల్లు-2026ను పరిశీలన, ఆమోదం కోసం రాజ్యసభ ముందుకు తీసుకురానున్నారు.
