సర్వీస్ ప్రొవైడర్స్ అభ్యర్థుల ఎంపికకు దరఖాస్తులు చేసుకోండి..

మున్సిపల్ కమిషనర్ ప్రమోద్ కుమార్
విశాలాంధ్ర ధర్మవరం;; పట్టణ పేదరిక నిర్మూలన సంస్థ.. ధర్మవరం పురపాలక సంఘం నందు సర్వీస్ ప్రొవైడర్స్ అభ్యర్థుల ఎంపికకు దరఖాస్తు చేసుకోవాలని మున్సిపల్ కమిషనర్ ప్రమోద్ కుమార్ తెలిపారు. అనంతరం వారు మాట్లాడుతూ వివిధ రకములైన సర్వీస్ ప్రొవైడర్స్ అనగా కార్పెంటర్, ప్లంబర్, ఎలక్ట్రీషియన్, గ్లిజర్, టీవీ, ఏసీ రిఫ్రిజిరేటర్, వాషింగ్ మిషన్, వాటర్ ప్యూరిఫైయర్ రిపేరు చేసేవారు, బ్యూటీషియన్ (మగ, మహిళలు) మొదలగు సేవలు అందించే వారి నుండి దరఖాస్తు సేకరణతో పాటు నైపుణ్య అభివృద్ధి శిక్షణ ఇప్పించి ఎన్ఎస్డిసి ద్వారా సర్టిఫికెట్స్ తో పాటు అర్హత పొందిన వారికి హోమ్ ట్రయలింగ్ ఆన్లైన్ ప్లాట్ఫారం ద్వారా వీరిని ఆన్ బోర్డ్ చేసి జీవనోపాధి కల్పించబడునని తెలిపారు. ఆసక్తి గల అభ్యర్థులు జనవరి 5వ తేదీ లోపు మున్సిపల్ కార్యాలయంలోని మెప్మా విభాగం నందు నమోదు చేసుకోవాలని తెలిపారు. అదేవిధంగా సర్వీస్ ప్రొవైడర్స్ రిజిస్ట్రేషన్ మేళా కూడా నిర్వహించబడునని తెలిపారు. కావున అర్హత గల అభ్యర్థులందరూ ఆధార్ కార్డు, పాన్ కార్డు, బ్యాంక్ పాస్ బుక్, విద్యార్హత సర్టిఫికెట్, పాస్వర్డ్ ఫోటోలు 2 తో కలిసి అన్ని జిరాక్స్లు వెంట తీసుకొని రావాలని తెలిపారు.