విశాలాంధ్ర ధర్మవరం ; పట్టణంలోని 27వ వార్డులో ఓబుల్ కొండ (60) మృతిచెందిన విషాదకరమైన సమాచారం తెలుసుకున్న మంత్రి నియోజకవర్గ ఇంచార్జి హరీష్ బాబు, మంత్రి కార్యాలయ సిబ్బంది, బీజేపీ నాయకుడు డోలు రాజా రెడ్డి బాధిత కుటుంబాన్ని పరామర్శించారు. హరీష్ బాబు బాధిత కుటుంబాన్ని ఓబుల్ కొండ కుమారుడు వంశీ యొక్క ఆరోగ్య పరిస్థితిని పరిశీలించారు. వంశీకి మెరుగైన వైద్యం చికిత్సలు పొందేందుకు కర్నూలు ప్రభుత్వ ఆసుపత్రికి వెళ్లాలని అందుకు మా సహాయ సహకారాలను తప్పక అందిస్తామని తెలిపారు. అలాగే హరీష్ బాబు కర్నూలు ప్రభుత్వ ఆసుపత్రి వైద్యాధికారులతో మాట్లాడి, బాధిత కుటుంబానికి పూర్తి సహకారం అందించేందుకు ముందుంటామని పేర్కొన్నారు. ఈ కార్యక్రమంలో మానవతా దృక్పథంతో డోలు రాజా రెడ్డి ఆ కుటుంబానికి ఆర్థిక సహాయం అందించారు. ఈ కార్యక్రమంలో బిజెపి నాయకులు పాల్గొన్నారు.
స్వచ్ఛంద రక్తదానం సామాజిక బాధ్యతగా గుర్తించండి
– యుటిఎఫ్ జిల్లా అధ్యక్షులు శెట్టిపి జయచంద్రారెడ్డి పిలుపు
విశాలాంధ్ర ధర్మవరం; రక్తదానం సులువైనది, విలువైనది, మరువలేనిది. స్వచ్ఛంద రక్తదానం సామాజిక బాధ్యతగా గుర్తించండి, రక్తదాతలుగా సంసిద్ధులు కండి, రక్తదానం మనుషుల ప్రాణాలతో పాటు మానవతా విలువలను కాపాడుతుందని యుటిఎఫ్ జిల్లా అధ్యక్షులు శెట్టిపి జయచంద్రా రెడ్డి పిలుపునిచ్చారు. ఈ సందర్భంగా వారు ఆంధ్రప్రదేశ్ ఐక్య ఉపాధ్యాయ ఫెడరేషన్(యుటిఎఫ్) ధర్మవరం జోన్ , ఆత్మీయ ట్రస్ట్, ధర్మవరం సంయుక్త ఆధ్వర్యంలో స్వచ్ఛంద రక్తదానం ఆవశ్యకత గురించి ప్రజలందరికీ తెలియపరచే ఉద్దేశంతో ముద్రించిన కరపత్రాలను స్థానిక యుటిఎఫ్ కార్యాలయంలో స్థానిక నాయకులు, ఆత్మీయ ట్రస్ట్ సభ్యులతో కలసి బుధవారం రోజున UTF జిల్లా అధ్యక్షులు శెట్టిపి జయచంద్రారెడ్డి ఆవిష్కరించారు. ఈ కార్యక్రమంలో ధర్మవరం జోన్ యుటిఎఫ్ నాయకులు రామకృష్ణ నాయక్, ఆంజనేయులు, , సకల చంద్రశేఖర్, సాయి గణేష్, గడ్డం రామ్మోహన్, హరిశంకర్, వెంకట కిషోర్ మరియు ఆత్మీయ ట్రస్ట్ సభ్యులు జశ్వంత్ , ప్రణవ్ తదితరులు పాల్గొన్నారు.
ఈనెల 27న విద్యుత్ కార్యాలయాల ఎదుట పెద్ద ఎత్తున ధర్నా..
వైయస్సార్ సిపి జిల్లా అధికార ప్రతినిధి గుర్రం శ్రీనివాస్ రెడ్డి
విశాలాంధ్ర ధర్మవరం;; ఈనెల 27న రాష్ట్ర వ్యాప్తంగా విద్యుత్ చార్జీలతో పేద, మధ్యతరగతి ప్రజలు నడ్డి విరిచిన ఎన్డీఏ ప్రభుత్వానికి నిరసనగా విద్యుత్ కార్యాలయాల ఎదుట పెద్ద ఎత్తున ధర్నా నిర్వహిస్తున్నట్లు వైఎస్ఆర్సిపి జిల్లా అధికార ప్రతినిధి గుర్రం శ్రీనివాస్ రెడ్డి తెలిపారు. ఈ సందర్భంగా పట్టణంలోని ఎస్బిఐ కాలనీలో గల కేతిరెడ్డి క్యాంపు కార్యాలయంలో వైయస్సార్సీపి నాయకులు మున్సిపల్ వైస్ చైర్మన్ వేముల జయరాంరెడ్డి, చేనేత నాయకుడు కాచర్ల అంజి, తదితర వైఎస్ఆర్సిపి నాయకులు కార్యకర్తలు నడుమ ప్రచార పోస్టర్లను విడుదల చేశారు. అనంతరం వారు మాట్లాడుతూ అధికారంలోకి వస్తే విద్యుత్ ఛార్జీలు పెంచబోమని ఎన్నికల ముందు హామీలు గుప్పించిన ముఖ్యమంత్రి చంద్రబాబు నాయుడు, కూటమి ప్రభుత్వ ఏర్పడి ఏడాది తిరగకుండానే, విద్యుత్ ఛార్జీలు పెంచి పేద మధ్యతరగతి ప్రజల నడ్డి విరచడం జరిగిందని వారు మండిపడ్డారు. ఇందుకు నిరసనగా పట్టణంలోని కాయగూర గల మార్కెట్ వద్ద గల విద్యుత్ కార్యాలయం ముందు పెద్ద ఎత్తున నిరసన కార్యక్రమాన్ని చేపట్టడం జరిగిందని తెలిపారు. చంద్రబాబు నాయుడు సూపర్ సిక్స్ పేరుతో హామీలు గుప్పించి తీరా అధికారంలోకి వచ్చాక హామీలను అమలు చేయకుండా మోసం చేయడం ఎంతవరకు సమంజసమని వారు దుయ్య బట్టారు. విద్యుత్ ఛార్జీలను 15 వేల కోట్లు భారాన్ని పేద ప్రజలపై మోపడం అతి దారుణమని, దుర్మార్గమని వారు తెలిపారు. పెద్ద ఎత్తున పోరాటాలు సలిపి ప్రభుత్వంపై ఒత్తిడి తెస్తామని తెలిపారు. ఈ కార్యక్రమంలో కౌన్సిలర్లు చందమూరి నారాయణరెడ్డి, కే తా లోకేష్, మేడాపురం వెంకటేష్ ,బోయ రమాదేవి, గజ్జల శివ, బలం ఓబులమ్మ, వైయస్సార్ విద్యార్థి విభాగ జిల్లా అధ్యక్షులు పురుషోత్తం, అమర్నాథ్ రెడ్డి, రాజశేఖర్ రెడ్డి, వార్డు ఇన్చార్జులు కత్తి కత్తి పెద్దన్న, కేశవరెడ్డి చౌడప్ప తదితరులు అధిక సంఖ్యలో పాల్గొన్నారు.
ఘనంగా మాజీ ప్రధాని అటల్ బిహారీ వాజపేయి శతజయంతి వేడుకలు
ఎన్డీఏ కార్యాలయ మంత్రి ఇన్చార్జ్ హరీష్ బాబు
విశాలాంధ్ర ధర్మవరం;; పట్టణంలోని ఎన్డీఏ కార్యాలయంలో మాజీ ప్రధాని అటల్ బిహారీ వాజపేయి శ్రద్ధ జయంతి వేడుకలను ఎన్డీఏ కార్యాలయ మంత్రి ఇన్చార్జ్ హరీష్ బాబు ఆధ్వర్యంలో ఘనంగా బిజెపి నాయకులు, కార్యకర్తలు జరుపుకున్నారు. ఈ సందర్భంగా హరీష్ బాబుతో పాటు బిజెపి జిల్లా ఉపాధ్యక్షులు సాకే ఓబులేష్, జింక చంద్రశేఖర్, తదితర సీనియర్ జూనియర్ నాయకులు వాజ్పేయి చిత్రపటానికి పూలు వేసి ఘనంగా నివాళులు అర్పించారు. ఈ కార్యక్రమంలో బిజెపి నాయకులు, కార్యకర్తలు పాల్గొన్నారు.
టిడిపి పార్టీ కార్యాలయంలో ఘనంగా క్రిస్మస్ వేడుకలు
విశాలాంధ్ర -ధర్మవరం : ప్రేమ కరుణ సేవకు ప్రతీక ఈ క్రిస్మస్ పండుగ అని నియోజకవర్గ క్లస్టర్ ఇన్చార్జి మహేష్ చౌదరి పేర్కొన్నారు. బుధవారం పట్టణంలోని గాంధీనగర్ లో టిడిపి పార్టీ కార్యాలయంలో క్రిస్మస్ వేడుకలు ఘనంగా నిర్వహించి కేక్ కట్ చేశారు. ఈ సందర్భంగా వారు మాట్లాడుతూ క్రీస్తు తాను నమ్మిన వారి కోసం బలిదానాలకు సైతం వెనుకాడని గొప్ప వ్యక్తి అని కొనియాడారు. ప్రతి ఒక్కరూ శాంతి మార్గాన్ని అనుసరించి,ప్రేమ తత్వాన్ని అలవర్చుకోవాలని సూచించారు. ఈర్ష ద్వేషాలను పూర్తిగా పక్కన పెట్టాలని పాపాలకు దూరంగా ఉండాలని క్రీస్తు సూచించిన మార్గాలను అనుసరించాలని పేర్కొన్నారు. ఈ కార్యక్రమంలో మండల ప్రధాన కార్యదర్శి విజయ్ సారథి, పూల రామకృష్ణ,భాస్కర్ చౌదరి, ఏగినాటి రమణ, రాఘవ రెడ్డి మల్లెని పల్లి చంద్ర, అమర సుధాకర్, వాల్మీకి అశోక్, నారా పురుషోత్తం తదితరులు పాల్గొన్నారు.
కేంద్ర మంత్రి అమిత్ షా ను పార్లమెంట్ నుండి వెంటనే బర్తరఫ్ చేయాలి – యం.యం.డి.ఏ.
విశాలాంధ్ర -ధర్మవరం : ధర్మవరం నియోజకవర్గం కాంగ్రెస్ పార్టీ ఇంచార్జ్ ఎనుముల నరేష్ ఆధ్వర్యంలో భారత రాజ్యాంగ నిర్మాత డాక్టర్ బి.ఆర్ అంబేద్కర్ పై బిజెపి కేంద్రమంత్రి అమిత్ షా పార్లమెంట్ లో చేసిన అనుచిత వ్యాఖ్యలకు నిరసనగా బుధవారం చేపట్టిన కార్యక్రమానికి ధర్మవరం ముస్లిం మైనార్టీ డెవలప్మెంట్ అసోసియేషన్ (యం.యం.డి.ఏ) ద్వారా నాయకులు మద్దతు తెలుపుతూ పాల్గొన్నారు. స్థానిక అంబేద్కర్ విగ్రహానికి పూలమాల వేసి అమిత్ షా ఫోటోల ప్రతులను కాల్చి పార్లమెంట్ నుండి బర్తరఫ్ చేయాలని డిమాండ్ చేశారు. రాజ్యాంగం వర్ధిల్లాలి, జోహార్ అంబేద్కర్ అనే నినాదాలతో నిరసన వ్యక్తం చేశారు. అమిత్ షాను భర్త రఫ్ చేసేంతవరకు భవిష్యత్తులో మరిన్ని పోరాటాలను సలుపుతామని తెలిపారు.ఈ కార్యక్రమంలో ముస్లిం మైనార్టీ డెవలప్మెంట్ అసోసియేషన్ శ్రీ సత్యసాయి జిల్లా అధ్యక్షులు సయ్యద్ రోషన్ జమీర్, ధర్మవరం నియోజక వర్గం అధ్యక్షుడు సయ్యద్ దాదా పిర్, ఖాదర్ వలీ, నబీ రసూల్, తపాల్ దాదాపీర్, జాఫర్ తదితరులు పాల్గొన్నారు.
శ్రీతేజ్ కుటుంబానికి రూ. 2 కోట్లు ఇస్తున్నాం: అల్లు అరవింద్
దిల్ రాజుకు అంద‌జేసిన అల్లు అరవింద్, మైత్రి టీమ్
కిమ్స్ హాస్ప‌ట‌ల్ లో నేడు శ్రీతేజ్ కు ప‌రామ‌ర్శ
సంధ్య థియేటర్ తొక్కిసలాట ఘటనలో మృతి చెందిన రేవతి కుటుంబానికి ాపుష్ప 2్ణ టీమ్ భారీగా సాయం అంద‌జేసింది.. ఈ ఘటనలో హాస్పిటల్‌లో చికిత్స పొందుతున్న శ్రీతేజ్‌ను చూసేందుకు బుధవారం అల్లు అరవింద్, సుకుమార్, నిర్మాత దిల్ రాజు హాస్పిటల్‌కు చేరుకున్నారు. శ్రీతేజ్‌ని పరామర్శించిన అనంతరం శ్రీతేజ్ కుటుంబానికి రూ. 2 కోట్ల పరిహారం ఇవ్వాలని నిర్ణయించుకున్నట్లుగా నిర్మాత అల్లు అరవింద్ ప్రకటించారు. నిర్మాత దిల్ రాజు చేతుల మీదుగా ఈ అమౌంట్‌ని శ్రీతేజ్ కుటుంబానికి ఇవ్వనున్నట్లు తెలిపారు.
ఈ సందర్భంగా నిర్మాత అల్లు అరవింద్ మాట్లాడుతూ..ాాశ్రీతేజ్ ఇపుడు కోలుకుంటున్నాడు. అతనికి వెంటిలేటర్ తీసేశారు. శ్రీతేజ్ కుటుంబానికి 2 కోట్ల రూపాయలు పరిహారంగా ఇవ్వనున్నాం. అల్లు అర్జున్ నుంచి రూ. కోటి రూపాయలు, ాపుష్ప 2్ణ నిర్మాతలు 50 లక్షలు, సుకుమార్ రూ. 50 లక్షల రూపాయలను మొత్తంగా రూ. 2 కోట్ల రూపాయలను ఎఫ్ డి సి చైర్మెన్ దిల్ రాజుకు అందచేయడం జరిగింది్ణ్ణ అని తెలిపారు.
జిల్లా పోలీసు హెడ్ క్వార్టర్స్ చర్చిలో ఘనంగా క్రిస్మస్ వేడుకలు
విశాలాంధ్ర- అనంతపురం : జిల్లా పోలీసు హెడ్ క్వార్టర్స్ చర్చిలో బుధవారం క్రిస్మస్ వేడుకలు ఘనంగా జరిగాయి. జిల్లా ఎస్పీ పి.జగదీష్ ఆదేశాల మేరకు ఈ వేడుకలకు ఏ.ఆర్ అదనపు ఎస్పీ ఇలియాజ్ బాషా ముఖ్య అతిథిగా పాల్గొని కేక్ కట్ చేసి శుభాకాంక్షలు తెలిపారు. ఈసందర్భంగా ఏ.ఆర్ అదనపు ఎస్పీ ప్రసంగించారు. ఏసు క్రీస్తు ప్రేమకు ప్రతిరూపమన్నారు. ఆయన ప్రేమతో ప్రపంచాన్ని జయించాడన్నారు. ఆయన ఆదర్శాలను స్ఫూర్తిగా చేసుకోవాలని సూచించారు. ఇతరుల పట్ల ప్రేమతో స్నేహభావంగా ఉండాలని ఆకాంక్షించారు. సమాజంలో ప్రతి ఒక్కరూ కులమతాలకు అతీతంగా సేవాభావం, ప్రేమ, మానవత్వం కలిగి ఉండి ఐక్యంగా ముందుకు సాగాలని కోరారు. ఈకార్యక్రమంలో ఏ.ఆర్ డీఎస్పీ నీలకంఠేశ్వర్ రెడ్డి, చర్చి ఫాదర్ వినోద్ కుమార్ , ఆర్ ఐ లు రాముడు, బాబు, పోలీసు అధికారుల సంఘం ర కార్యకర్గసభ్యులు జాఫర్, జిల్లా పోలీసు అధికారుల సంఘం అడహక్ కమిటీ సభ్యులు గాండ్ల హరినాథ్, తేజ్ పాల్ , శ్రీనివాసులునాయుడు, నాగరాజు, మసూద్ వలీ, తదితరులు పాల్గొన్నారు.
ధర్మవరం నియోజకవర్గ ప్రజలు ఆరోగ్యంగా ఉండేందుకు కృషి…
ఆరోగ్య శాఖామంత్రి సత్య కుమార్ యాదవ్
ధర్మవరం నియోజకవర్గ ప్రజలకు ఆరోగ్యంగా ఉండేందుకు తన వంతు కృషిని సల్పడమే నా లక్ష్యము అని ఆరోగ్య శాఖ మంత్రి సత్య కుమార్ యాదవ్ తెలిపారు. ఈ సందర్భంగా పోతుకుంట రోడ్డు లోని మాత శిశు సంక్షేమ ఆసుపత్రిలో డయాలసిస్ సెంటర్ ను వారు ప్రారంభించారు. అనంతరం డయాలసిస్కు సంబంధించినటువంటి గదులను, పరికరాలను వారు అక్కడి వైద్యుల ద్వారా అడిగి తెలుసుకున్నారు. తొలుత మాజీ ప్రధాని, భారతరత్న అటల్ బిహారీ వాజ్పేయి శతజయంతి సందర్భంగా సుపరిపాలన దినోత్సవం పురస్కరించుకొని, వారి చిత్రపటానికి పూలు వేసి ఘనంగా నివాళులు అర్పించారు. అనంతరం డయాలసిస్ గదులను మంత్రితో పాటు బిజెపి జిల్లా అధ్యక్షుడు శేఖర్, టిడిపి నాయకులు కమతం కాటమయ్య పరిసే సుధాకర్లతో కూడా రిబ్బన్ కట్ చేసి ప్రారంభించారు. ఇప్పటికే ఆంధ్రప్రదేశ్లో డయాలసిస్ సెంటర్లను 50 కి పైగా ఉన్నాయని, ప్రజలందరికీ అనారోగ్య సమస్యలు లేకుండా తగిన జాగ్రత్తలను తీసుకోవడం జరుగుతోందని తెలిపారు. రాష్ట్రంలోని ఏఎన్ఎంలు ఆశా కార్యకర్తలు ఇంటింటికి వెళ్లి ప్రజల వద్ద గల అనారోగ్య విషయాలను తెలుసుకొని, సంబంధిత వైద్యులకు తెలిపి చక్కటి ఆరోగ్యాన్ని ప్రసాదిస్తున్న వారందరికీ కూడా పేరుపేరునా వారు కృతజ్ఞతలను తెలియజేశారు. ఆసుపత్రికి వచ్చే ప్రతి రోగిని ఆప్యాయతతో పలికి, వైద్య సేవలు అందించాలన్నారు. ఎక్కడ కూడా ఎటువంటి ఫిర్యాదులు అందరాదని వారు సూచించారు. గతంలో డయాలసిస్ రోగులు చాలా దూరం వెళ్లే వారిని, ప్రస్తుతం ఆ పరిస్థితి లేకుండా, ధర్మారంలోనే డయాలసిస్ ఉండే విధంగా చేయడం జరిగిందన్నారు. ఇందుకు సహకరించిన ముఖ్యమంత్రి చంద్రబాబు నాయుడు, ఉపముఖ్యమంత్రి పవన్ కళ్యాణ్ కు ప్రత్యేక కృతజ్ఞతలు వారు తెలియజేశారు. వైద్యులందరూ సేవాభావంతో కూడిన విధులను నిర్వర్తించినప్పుడే ప్రజల వద్ద మంచి గుర్తింపు లభిస్తుందని తెలిపారు. ఈ కార్యక్రమంలో డయాలసిస్ స్టేట్ మోడల్ ఆఫీసర్ నిర్మల గ్లోరీ, సత్య సాయి జిల్లా డీఎంహెచ్వో పైరోజు బేగం, డిసిఐహెచ్ఎస్ తిపేంద్ర నాయక్, అనంతపురం డి సి హెచ్ ఎస్ పాల్ రవి కుమార్, ఆరోగ్య ట్రస్ట్ జిల్లా కోఆర్డినేటర్ శ్రీదేవి,స్థానిక ఏరియా ఆసుపత్రి సూపర్డెంట్ మాధవి, డాక్టర్ వివేక్, ఏవో ఉదయ్ కుమార్, బిజెపి ఎస్సీ మోర్చా రాష్ట్ర అధ్యక్షులు గేయానంద్, స్థానిక బిజెపి నాయకులు డోరా రాజారెడ్డి, జింకా చంద్రశేఖర్, షాకే ఓబులేష్, శ్యామ్ రావు తదితరులు పాల్గొన్నారు
ధర్మవరంలో ప్రధానమంత్రి సూర్య ఘర్ యోజనపై అవగాహన..
మంత్రి సత్తి కుమార్ యాదవ్
విశాలాంధ్ర ధర్మవరం;; పట్టణంలోని ఆర్డీవో కార్యాలయంలో ప్రధానమంత్రి సూర్య ఘర్ యోజనపై అవగాహన కార్యక్రమం నిర్వహించబడింది. ఈ కార్యక్రమానికి ముఖ్యఅతిథిగా రాష్ట్ర వైద్యారోగ్య శాఖ మంత్రి సత్యకుమార్ యాదవ్ హాజరయ్యారు. ఈ కార్యక్రమంలో మంత్రి సత్యకుమార్ యాదవ్ మాట్లాడుతూ, “ప్రధానమంత్రి సూర్య ఘర్ యోజన ద్వారా గృహ వినియోగదారులు అతి తక్కువ విద్యుత్ బిల్లు చెల్లించాల్సి వస్తుంది అని, ఇంటి పై కప్పుపై కనీసం 10 చ.మీ/100 చ.అ స్థలంలో 1 కిలో వాట్స్ సామర్థ్యం కలిగిన సోలార్ రూఫ్ టాప్ ఏర్పాటు చేయడం ద్వారా తమ విద్యుత్ అవసరాలను స్వయంగా తీర్చుకోవచ్చు అని అన్నారు.ఈ పథకాన్ని సక్రమంగా అమలు చేసి, ప్రజలకు లబ్ది కల్పించడానికి ప్రభుత్వం చర్యలు తీసుకుంటోంది” అన్నారు. ప్రధాన మంత్రి సూర్య ఘర్ యోజన ద్వారా సౌరశక్తి వినియోగం పెరిగి, విద్యుత్ బిల్లు తగ్గించే అవకాశాలు ఉంటాయన్నారు. సోలార్ రూఫ్ టాప్ వ్యవస్థల ద్వారా అందరూ పర్యావరణ అనుకూలమైన శక్తిని ఉపయోగించి, విద్యుత్ వృథాను తగ్గించవచ్చు అని అన్నారు. ఈ పథకం ద్వారా ప్రజల ప్రయోజనాలు పెరుగుతాయని, ప్రభుత్వం అన్ని విధాలా సహకారం అందిస్తుందని తెలిపారు. ఈ కార్యక్రమంలో ఆర్డీవో మహేష్, మున్సిపల్ కమిషనర్ ప్రమోద్ కుమార్, జిల్లా అధ్యక్షులు జిఎం శేఖర్, టిడిపి నాయకులు చిగిచెర్ల ఓబిరెడ్డి, అధికారులు, కూటమి నాయకులు తదితరులు పాల్గొన్నారు.
