విశాలాంధ్ర ధర్మవరం : పట్టణంలోని బత్తలపల్లి రోడ్డు పోలా ఫంక్షన్ హాల్ నందు శ్రీ సత్యసాయి జిల్లా రచయితల సంఘం అధ్యక్షులు జాబిలి చాంద్బాషా ఆధ్వర్యంలో అంగరంగ వైభవంగా కవితా సమ్మేళన కార్యక్రమం ఘనంగా నిర్వహించుకున్నారు. వివిధ రాష్ట్రాల నుండి కవులు, కళాకారులు హాజరయ్యారు. తదుపరి నాగులాదేవి అనేటువంటి శ్రీకృష్ణదేవరాల యొక్క ప్రేమ కథ చారిత్రక నవలను అందరూ ఆవిష్కరించారు. రాయలు మహిళల పట్ల చూపిన ఆదరణ ప్రజల పట్ల చూపిన సేవాభావము సాహిత్యం చేసిన కృషిని వారు కొనియాడారు. అనంతరం ఆంధ్రప్రభ ఎడిటర్ శర్మ మాట్లాడుతూ ఇంత పెద్ద ఎత్తున ధర్మవరంలో కవిత్వం విజయవంతం కావడం పట్ల సంతోషాన్ని వ్యక్తం చేశారు. ధర్మవరం నియోజకవర్గం అధ్యక్షులు జయసింహ కార్యదర్శి సత్య నిర్ధారణ వారి నేతలు వారి యొక్క అధ్యక్షతన రెండు సభలు జరిగి వందమంది కవులు కవిత గానాన్ని వినిపించారు. అనంతరం వారు మాట్లాడుతూ కవిత్వం అనేటువంటిది సామాజిక జాగ్రత్త, సామాజిక చైతన్యం చేయడంలో ఒక మంచి సాధనము అని తెలిపారు. మెరుగైన సమాజం కోసం పాటుపడే సాహిత్యం ఆ సాహిత్యం లోని ముఖ్యమైనటువంటిది కవిత్వము అని తెలిపారు. అనంతరం పుస్తక ఆవిష్కరణ సభ నిర్వహించారు. కవులందరినీ ఘనంగా సత్కరించారు. తదుపరి బాలాజీ లలితా కళారూత్యము యొక్క ఆధ్వర్యంలో నృత్య ప్రదర్శన అందరినీ ఆకట్టుకుంది. చేనేత, వృద్ధుల అంశంపై, కవిత గోష్టి నిర్వహణ అందరిని ఆకట్టుకుంది. రెడ్ క్రాస్ జిల్లా వైస్ చైర్మన్ పోలా ప్రభాకర్, యువర్ ఫౌండేషన్ అధ్యక్షులు షీలా నాగేంద్ర మాట్లాడుతూ భారత దేశంలో ఇటువంటి వైవిద్య కార్యక్రమాన్ని ముందుకొచ్చిన జిల్లా రచయితల సంఘం వారికి ప్రత్యేకంగా కృతజ్ఞతలు తెలిపారు. ఈ కార్యక్రమం కవులు రచయితలు జయసింహ, డాక్టర్ సత్య నిర్ధారణ వారి ఆధ్వర్యంలో నిర్వహించారు. ఈ కార్యక్రమంలో రాష్ట్ర వ్యాప్తంగా కవులు, రచయితలు తదితరులు పాల్గొన్నారు.