ధర్మవరం ఎన్డీఏ కార్యాలయంలో సిఎంఆర్ఎఫ్ చెక్కుల పంపిణీ…

మంత్రి నియోజకవర్గ ఇన్చార్జ్ హరీష్ బాబు
విశాలాంధ్ర ధర్మవరం : ఆరోగ్య మంత్రి సత్య కుమార్ యాదవ్ సహకారంతో ముఖ్యమంత్రి సహాయ నిధి చెక్కులు నియోజకవర్గ పరిధిలోని 26 మందికి రూ.14.32 లక్షల సిఎంఆర్ఎఫ్ చెక్కులను మంత్రి నియోజకవర్గ ఇన్చార్జ్ హరీష్ బాబు స్థానిక ఎన్డీఏ కార్యాలయంలోపంపిణీ చేశారు. ఈ సందర్భంగా వారు మాట్లాడుతూ
ముఖ్యమంత్రి సహాయ నిధి పేద, మధ్యతరగతి కుటుంబాలకు అత్యవసర సమయాల్లో ప్రభుత్వ అండగా నిలుస్తోందని అన్నారు. ముఖ్యంగా తీవ్రమైన అనారోగ్య పరిస్థితుల్లో చికిత్స ఖర్చులు భరించలేని కుటుంబాలకు ఈ సహాయం ఎంతో ఊరట కలిగిస్తుందని పేర్కొన్నారు. ప్రజల ఆరోగ్యం ప్రభుత్వానికి అత్యున్నత ప్రాధాన్యత అని, అందుకే ముఖ్యమంత్రి నారా చంద్రబాబు నాయుడు ఈ నిధిని మరింత పారదర్శకంగా, వేగంగా లబ్ధిదారులకు అందేలా చర్యలు తీసుకుంటున్నారని సంతోషాన్ని వ్యక్తం చేశారు. ధర్మవరం ఎమ్మెల్యే, రాష్ట్ర వైద్య & ఆరోగ్య శాఖ మంత్రి సత్య కుమార్ యాదవ్ ప్రత్యేక చొరవతో ధర్మవరం నియోజకవర్గంలోని అర్హులైన ప్రతి ఒక్కరికీ ఈ సహాయం అందేలా కృషి చేస్తున్నారని తెలిపారు. ఈ కార్యక్రమంలో బీజేపీ నాయకులు ఆకులేటి వీరనారప్ప, పోతులనాగేపల్లి లక్ష్మీనారాయణ, వడ్డే శినా, బోయ నరసింహులు, ఏలుకుంట్ల లక్ష్మీనారాయణ, మైనార్టీ నాయకులు నబి రసూల్, సొమ్లా నాయక్, రవి, భాస్కర్ రెడ్డి, సుబ్రహ్మణ్యం, లబ్ధిదారులు, వారి కుటుంబ సభ్యులు తదితరులు పాల్గొన్నారు.