బంగ్లాదేశ్ హైకమిషనర్ రిజాజ్ హమీదుల్లాను భారత్ సమన్లు జారీ చేసింది.
బంగ్లాదేశ్లోని భారత దౌత్య కార్యాలయానికి బెదిరింపులు ఎదురవుతున్న నేపథ్యంలో ఈ నిర్ణయం తీసుకున్నట్లు వెల్లడించింది.అయితే, అవి ఎలాంటి బెదిరింపులు అనేది ప్రత్యేకంగా వెల్లడించలేదు.
ఈ సమన్ల అంశంపై భారత విదేశాంగ శాఖ అధికారికంగా ఒక ప్రకటన విడుదల చేసింది.బంగ్లాదేశ్లో భద్రతా పరిస్థితులు క్రమంగా క్షీణిస్తున్నాయన్న అంశంపై హైకమిషనర్ హమీదుల్లా దృష్టికి భారత్ తీవ్ర ఆందోళన వ్యక్తం చేసినట్లు ఆ ప్రకటనలో పేర్కొంది.ముఖ్యంగా ఢాకాలోని భారత రాయబార కార్యాలయాన్ని లక్ష్యంగా చేసుకుని కొందరు వ్యక్తులు బెదిరింపులకు దిగిన విషయాన్ని ఆయనకు వివరించినట్లు తెలిపింది.
భారత్పై వివాదాస్పద వ్యాఖ్యలు చేసిన హస్నత్ అబ్దుల్లా
అలాగే,బంగ్లాదేశ్లో ఇటీవల చోటుచేసుకున్న కొన్ని ఘటనలపై కొందరు ఉద్దేశపూర్వకంగా తప్పుడు కథనాలు ప్రచారం చేస్తున్నారని,వాటిని భారత్ కఠినంగా ఖండిస్తోందని విదేశాంగ శాఖ స్పష్టం చేసింది.
ఈ ఘటనల విషయంలో బంగ్లాదేశ్ తాత్కాలిక ప్రభుత్వం సమగ్ర దర్యాప్తు చేపట్టకపోవడం, అలాగే అవసరమైన ఆధారాలను పంచుకోకపోవడం దురదృష్టకరమని భారత్ వ్యాఖ్యానించింది.ఇదిలా ఉండగా, బంగ్లాదేశ్ నాయకుడు హస్నత్ అబ్దుల్లా ఇటీవల భారత్పై వివాదాస్పద వ్యాఖ్యలు చేశారు.
బంగ్లాదేశ్ను అస్థిరపరిస్తే సెవన్ సిస్టర్స్ ప్రాంతాన్ని ముట్టడిస్తాం
బంగ్లాదేశ్ను అస్థిరపరిస్తే సెవన్ సిస్టర్స్ ప్రాంతాన్ని ముట్టడిస్తామని ఆయన హెచ్చరించారు.
ఈ పరిణామాల నేపథ్యంలోనే తాజా సమన్లు జారీ చేసినట్లు సమాచారం.మరోవైపు, గతేడాది జరిగిన విద్యార్థుల ఉద్యమం అనంతరం షేక్ హసీనా ప్రధానమంత్రి పదవికి రాజీనామా చేసిన విషయం తెలిసిందే.అప్పటి నుంచి భారత్-బంగ్లాదేశ్ ద్వైపాక్షిక సంబంధాలు గణనీయంగా దెబ్బతిన్నాయి.
భారత్కు వ్యతిరేకంగా అక్కడి నాయకులు వరుసగా వివాదాస్పద వ్యాఖ్యలు చేస్తుండగా, వాటిని భారత్ ప్రతి సారి ఖండిస్తూ వస్తోంది.
