బంగాళాఖాతంలో ఏర్పడిన అల్పపీడనం ప్రభావంతో తెలుగు రాష్ట్రాల్లో భారీ వర్షాలు కురిసే అవకాశం ఉంది. వాతావరణ శాఖ అందించిన సమాచారం ప్రకారం రానున్న వారంలో ఆంధ్రప్రదేశ్, తెలంగాణ వ్యాప్తంగా విస్తారంగా వర్షాలు పడనున్నాయి. ముఖ్యంగా ఉరుములు మెరుపులతో పాటు బలమైన ఈదురు గాలులు వీచే ఛాన్స్ ఉంది. ప్రజలు ప్రయాణ సమయాలలో తగిన జాగ్రత్తలు తీసుకోవాలని అధికారులు సూచించారు.ఆంధ్రప్రదేశ్ మరియు యానాం ప్రాంతాలలో ఆగస్టు 15 వరకు వర్షాలు కొనసాగుతాయని వాతావరణ శాఖ స్పష్టం చేసింది. ఉత్తర కోస్తాలో అక్కడక్కడ మోస్తరు నుంచి భారీ వర్షాలు పడవచ్చు. అలాగే తెలంగాణలో ఆగస్టు 16 వరకు వివిధ జిల్లాలలో వర్షాలు పడే సూచనలు ఉన్నాయి. హైదరాబాద్ తో పాటు పలు జిల్లాలలో ఆకాశం మేఘావృతంగా ఉండి తేలికపాటి నుంచి భారీ జల్లులు కురిసే అవకాశం ఉంది.
ప్రజలకు ముందస్తు సూచనలు
వర్షాల తీవ్రత ఎక్కువగా ఉండే అవకాశం ఉన్నందున లోతట్టు ప్రాంతాల ప్రజలు అప్రమత్తంగా ఉండాలి. ప్రయాణాలు చేసే వారు వాతావరణ పరిస్థితులను ముందుగా గమనించడం చాలా ముఖ్యం. అనవసర ప్రయాణాలను తగ్గించుకుని సురక్షిత ప్రాంతాలలో ఉండాలని అధికారులు కోరుతున్నారు. రైతులు మరియు సాధారణ ప్రజలు వాతావరణ శాఖ హెచ్చరికలను ఎప్పటికప్పుడు పరిశీలిస్తూ తగు జాగ్రత్తలు పాటించాలి
