106 వ ఉచిత వైద్య చికిత్స శిబిరమును సద్వినియోగం చేసుకోండి

శ్రీ చౌడేశ్వరి దేవి ఆలయ అభివృద్ధి సంఘం
విశాలాంధ్ర ధర్మవరం:: పట్టణంలోని తొగటవీధిలోగల శ్రీ శాంత కళా చౌడేశ్వరి ఆలయ ఆవరణములో ఈ నెల 22వ తేదీ ఆదివారం శ్రీ చౌడేశ్వరి దేవి ఆలయ అభివృద్ధి సంఘం ఆధ్వర్యంలో 106వ ఉచిత వైద్య చికిత్స శిబిరం నిర్వహిస్తున్నట్లు ఆలయ అభివృద్ధి సంఘం నిర్వాహకులు తెలిపారు. ఈ సందర్భంగా వారు మాట్లాడుతూ ఉదయం 10 నుండి మధ్యాహ్నం రెండు గంటల వరకు ఈ శిబిరమును నిర్వహిస్తున్నట్లు తెలిపారు. ఉచిత వైద్య పరీక్షలతో పాటు ఉచిత మందులు కూడా పంపిణీ చేయబడునని తెలిపారు. శిబిర దాతగా కీర్తిశేషులు బద్దెల బాలమ్మ, కీర్తిశేషులు బద్దెల వెంకటరామయ్య, కీర్తిశేషులు బద్దెల వరలక్ష్మి, కీర్తిశేషులు బద్దెల వెంకటరత్నయ్య జ్ఞాపకార్థం వీరి కుమారులు బివి. శ్రీనివాసులు అండ్ బ్రదర్స్ వారు నిర్వహిస్తున్నట్లు తెలిపారు. ప్రముఖ వైద్యులు వివేక్ కుళ్లాయప్ప, వెంకటేశ్వర్లు, సాయి స్వరూప్, సతీష్ కుమార్, జై దీపు నేత లచే వైద్య చికిత్సలతో పాటు ఆరోగ్యం పట్ల తీసుకోవలసిన జాగ్రత్తలను కూడా వివరించడం జరుగుతుందని తెలిపారు. కావున ఈ అవకాశాన్ని పట్టణము, గ్రామీణ ప్రాంతాలలోని పేద ప్రజలు సద్వినియోగం చేసుకొని ఆరోగ్యమును కాపాడుకోవాలని తెలిపారు.