పెరిగిన నువామా రేటింగ్’ క్రిసిల్ వెల్లడి

ముంబయి: క్రిసిల్ సంస్థ నువామా వెల్త ఫైనాన్స్ లిమిటెడ్ (ఎన్డబ్లుయూఎఫ్ఎల్), నువామా వెల్త మేనేజ్‌మెంట్ లిమిటెడ్ (ఎన్డబ్లుయూఎం‌ఎల్)ల దీర్ఘకాలిక రేటింగ్‌ను ఏఏ` (పాజిటివ్) నుండి ఏఏ(స్టేబుల్) స్థాయికి పెంచినట్లు ప్రకటించింది. గ్రూప్ సాధిస్తున్న నిరంతర వ్యాపార వృద్ధి, ఆదాయ వనరులలో పెరుగుతున్న వైవిధ్యం, పటిష్టమైన మూలధన స్థితి, స్థిరమైన ఆదాయ పనితీరు వంటి కీలక అంశాల ఆధారంగా ఈ రేటింగ్ పెంపు జరిగింది. నువామా ఆర్థిక సంవత్సరం 2026లో రూ. 1,040 కోట్ల ఏకీకృత నికర లాభాన్ని, సుమారు 27.2% ‘రిటర్న ఆన్ ఈక్విటీ’ని నమోదు చేసింది. అలాగే, వెల్త మేనేజ్‌మెంట్, అసెట్ మేనేజ్‌మెంట్, ఇన్వెస్ట్‌మెంట్ బ్యాంకింగ్, ఇన్‌స్టిట్యూషనల్ ఈక్విటీస్ మరియు అసెట్ సర్వీసెస్ విభాగాలలో మొత్తం రూ. 4,52,548 కోట్ల విలువైన క్లయింట్ ఆస్తులను నిర్వహిస్తూ, గత మూడేళ్లలో 25% సీఏజీఆర్ (సంయుక్త వార్షిక వృద్ధి రేటు)తో వృద్ధిని సాధించింది. సంస్థ స్వల్పకాలిక రేటింగ్‌ను కూడా అత్యున్నత స్థాయి అయిన క్రిసిల్ ఏ1 ప్లస్ గానే కొనసాగించారు. ఇది నువామా ఆర్థిక బలం, స్థిరత్వంపై క్రిసిల్కు ఉన్న నమ్మకాన్ని మరింత బలపరుస్తోంది.