రోటరీ క్లబ్ ద్వారా విద్యార్థులకు వక్తృత్వపు పోటీలు..

అధ్యక్షులు జయసింహ, కార్యదర్శి నాగభూషణం
విశాలాంధ్ర ధర్మవరం:: జనవరి 26 గణతంత్ర దినోత్సవాన్ని పురస్కరించుకొని రోటరీ క్లబ్ ఆధ్వర్యంలో పాఠశాల విద్యార్థులకు వ్యక్తిత్వపు పోటీలను పట్టణములోని సాంస్కృతిక మండలి లో సాయంత్రం ఐదు గంటల నుండి రాత్రి 8 గంటల వరకు నిర్వహిస్తున్నట్లు రోటరీ క్లబ్ అధ్యక్షుడు జయసింహ, కార్యదర్శి నాగభూషణం తెలిపారు. ఈ సందర్భంగా వారు మాట్లాడుతూ బాలురకు “ప్రపంచానికి భారతదేశం దిశా నిర్దేశం కావాలంటే ఏమి చేయాలి నీ సలహాలు సూచనలు”లేదా “యువశక్తి నిర్వీర్యం అవుతున్నది కారణాలు ఏవి? పరిష్కారాలను విశదీకరించండి”అదేవిధంగా బాలికలకు”ప్రతి మహిళ ఒక ఝాన్సీ రాణి కావాలంటే నేటితరం యువతలో నింపాల్సిన పెంపొందాల్సిన భావాలు ఏవి”అన్న అంశాలపై భక్తుత్వపు పోటీలు ఉంటాయని తెలిపారు. కావున పాఠశాలలోని హెడ్మాస్టర్లు తమ తమ పాఠశాలల ద్వారా విద్యార్థులను పంపాలని వారు కోరారు. మరిన్ని వివరాలకు సెల్ నెంబర్ 9440929894 గాని 9059990925 గాని సంప్రదించాలని తెలిపారు.