తెలుగు యువత అధ్యక్షుడు కావాడి ప్రవీణ్ కుమార్
విశాలాంధ్ర -తనకల్లు : వాస్తవాలను వెలికి తీస్తే దుర్భాషలాడడం హేయమైన చర్యని తెలుగు యువత అధ్యక్షుడు కావడి ప్రవీణ్ కుమార్ అధికారి తీరును ఖండించారు. నల్లచెరువు మండలంలో శుక్రవారం బీసీ హాస్టల్లో నాణ్యత గల భోజనం చేస్తున్నారా లేదా, హాస్టల్ లో ఉంటున్న పిల్లలకు భోజనం సరిగ్గా పెడుతున్నారా లేదా, విద్యార్థులందరికీ సరైన వసతులు ఉన్నాయా లేదా అని విచారణ చేయడానికి వచ్చిన విలేకరులను బిసి హాస్టల్ వార్డెన్ లక్ష్మీనారాయణ దురుసుగా మాట్లాడటం సమంజసం కాదని, హాస్టల్ వార్డెన్ లక్ష్మీనారాయణ తీరు మార్చుకోవాలన్నారు.విలేకరులకు క్షమాపణ చెప్పి వారితో సఖ్యతగా మెలగే విధంగా నడుచుకోవాలని తనకల్లు మండల తెలుగు యువత అధ్యక్షులు కావాడి ప్రవీణ్ కుమార్ కోరారు. ,సమాజ అభివృద్ధిలో విలేకరుల పాత్ర ప్రముఖమైనదని ప్రజా సమస్యల పరిష్కారానికి ఎనలేని కృషి చేస్తున్నాయని, వాస్తవాలను తెలియజేస్తూ నిష్పక్షపాతంగా పనిచేస్తున్నాయని, ప్రభుత్వానికి ప్రజలకు వారధిగా ఉంటూ ఎప్పటికప్పుడు ప్రజా సమస్యలను ప్రభుత్వానికి తెలియజేస్తూ సమాజాభివృద్ధిలో కీలకంగా ఉన్నాయని, అలాంటి విలేకరులను అధికారులు గానీ రాజకీయ నాయకులు గాని ఎవరైనా కూడా దురుసుగా మాట్లాడకూడదని విలేకరులతో సఖ్యతగా ఉంటూ వారి పనితీరుకు సహకరించే విధంగా ప్రతి ఒక్కరూ నడుచుకోవాలని అన్నారు. జాతీయ పత్రికా దినోత్సవం సందర్భంగా నియోజకవర్గంలోని పాత్రికేయులందరికీ శుభాకాంక్షలతో పాటు తమ వృత్తిలో ఉన్నత స్థానాలు సాధించాలని మనస్ఫూర్తిగా కోరుకుంటున్నానన్నారు.
వాస్తవాలను వెలికిదీస్తే దుర్భాషలా!
