విశాలాంధ్ర నందిగామ :- కంచల మేజర్ డిస్ట్రిబ్యూటర్ కమిటీ చైర్మన్ గా నందిగామ శివారు హనుమంతుపాలెం గ్రామానికి చెందిన రాటకొండ చంద్రశేఖర్ ను డబ్ల్యూ పి ఏ అధ్యక్షులు ఏకగ్రీవంగా మంగళవారం ఎన్నుకున్నారు ఇటీవల జిల్లా పరిషత్ కార్యాలయంలో జరిగిన నీటి సంఘం ఎన్నికల్లో ఏకపక్షంగా టిసి సభ్యులుగా ఎన్నికైన వారు డబ్ల్యు ఏ అధ్యక్షులను గత శనివారం సాయంత్రం మూడు గంటలకు ఎన్నుకున్నారు ఆ ఎన్నికల పరిశీలకులు శ్రీనివాసరావు వారికి నియామక పత్రాలను అందజేశారు మంగళవారం స్థానిక ఆర్డీవో కార్యాలయంలో ఆర్డిఓ కే.బాలకృష్ణ. ఎన్నికల పరిశీలకులు వెంకట్,స్థానిక తహసీల్దార్ సురేష్ ల ఆధ్వర్యంలో ఎన్నికల నిర్వహించగా డబ్ల్యూ ఏ అధ్యక్షులుగా ఎన్నికైన వారు రాటకొండ చంద్రశేఖర్ ను ఏకగ్రీవంగా కంచల మేజర్ 2 డి సీ చైర్మన్ గా ఎన్నుకున్నారు డీసీ చైర్మన్గా ఎన్నికైన రాటకొండ చంద్రశేఖర్ ను పలువురు పూలమాలలు వేసి దుశ్యాలవాల తో సత్కరించారు అనంతరం స్థానిక శాసనసభ్యురాలు తంగిరాల సౌమ్య కార్యాలయానికి ర్యాలీగా వెళ్లి ఆమెకు ప్రత్యేక అభినందనలు తెలియజేశారు ఈ సందర్భంగా శాసనసభ్యురాలు తంగిరాల సౌమ్య బీసీ చైర్మన్ గా ఎన్నికైన రాటకొండ చంద్రశేఖర రావు,వైస్ చైర్మన్ తుమ్మల నరసింహారావు తో పాటు డబ్ల్యూ పి ఏ అధ్యక్షులుగా ఎన్నికైన వారిని ఆమె అభినందించారు ఈ కార్యక్రమంలో చిరుమామిళ్ల సుబ్బారావు,శాఖమూరి వంశీధర్,కాసర్ల లక్ష్మీనారాయణ,కత్తురోజు శ్రీనివాసచారి,20వ వార్డ్ కౌన్సిలర్ వెంకటకృష్ణ,రాట కొండ వెంకట్రావు,మంద జాన్ పీడర్,పెద్ద ఎత్తున హనుమంతుపాలెం గ్రామ ప్రజలు మరియు పట్టణానికి చెందిన ప్రముఖులు టిడిపి నాయకులు కార్యకర్తలు అభినందనలు తెలిపారు..
స్కూల్ గేమ్స్ పోటీలో కేజీబీవీ విద్యార్థినికి తృతీయ స్థానం
విశాలాంధ్ర – నెల్లిమర్ల : నెల్లిమర్ల మండలం కస్తూర్భా గాంధీ బాలికల విద్యాలయం విద్యార్థిని స్కూల్ గేమ్స్ ఫెడరేషన్ రాష్ట్రస్థాయి పోటీల్లో తృతీయ స్థానం సాధించింది. సోమవారం గుంటూరు లో జరిగిన 68 వ స్కూల్ గేమ్స్ అంతర్ జిల్లాల బేస్ బాల్ పోటీల్లో ఈ కళాశాల విద్యార్థిని వై గురు చందన. ఇంటర్‌ 2వ సంవత్సరం రాష్ట్ర స్థాయి అండర్‌ 19 బేస్‌బాల్‌ పోటీలో తృతీయ స్థానం సాధించి బహుమతి గెలుచుకుంది. చందనను కళాశాల ప్రిన్సిపల్ ఉమ, అధ్యాపకులు, ఉపాధ్యా యులు అభినందించారు.
రేపు టీడీపీలో చేరనున్న మాజీ డిప్యూటీ సీఎం ఆళ్ల నాని
వైసీపీకి రాజీనామా చేసిన మాజీ డిప్యూటీ సీఎం ఆళ్ల నాని రేపు టీడీపీలో చేరుతున్నారు. రేపు ఉదయం 11 గంటలకు టీడీపీలో చేరుతున్నట్టు ఎమ్మెల్యే బడేటి చంటి వెల్లడించారు. ఆళ్ల నాని టీడీపీలోకి రావడం పార్టీ శ్రేణులకు ఇష్టం లేదని… ఈ విషయాన్ని హైకమాండ్ దృష్టికి కూడా తీసుకెళ్లానని చెప్పారు. కానీ, హైకమాండ్ కీలక నిర్ణయం తీసుకుందని, అధిష్ఠానం నిర్ణయాన్ని గౌరవిస్తున్నామని తెలిపారు. వైసీపీ కుటుంబానికి సన్నిహితులు, జగన్ హయాంలో మంత్రులు, ఎమ్మెల్యేలుగా ఉన్న నేతలు ఇప్పుడు టీడీపీ వైపు చూస్తున్నారని బడేటి చంటి అన్నారు. రెండు నెలల క్రితం వైసీపీకి, పార్టీ పదవులకు ఆళ్ల నాని రాజీనామా చేశారు. పార్టీ పరంగా టీడీపీ ఎలాంటి హామీ ఇవ్వలేదని… ఆళ్ల నాని స్వచ్ఛందంగానే టీడీపీలో చేరుతున్నారని సమాచారం.
పోలవరం ప్రాజెక్టు కార్యాచరణ ప్రణాళిక ఇది: సీఎం చంద్రబాబు
పోలవరం ప్రాజెక్టు నిర్మాణానికి సంబంధించి అధికారులు ఇచ్చిన కార్యాచరణ ప్రణాళిక (యాక్షన్ ప్లాన్)ను ముఖ్యమంత్రి చంద్రబాబు నాయుడు విడుదల చేశారు. ప్రధానంగా ఇందులో పోలవరం నిర్మాణాలను పూర్తి చేయడంపై లక్ష్యాలను నిర్దేశించారు. నిన్న పోలవరం ప్రాజెక్టు పనులను పరిశీలించిన సీఎం .. అనంతరం అధికారులతో సమీక్షించారు. ఆ తర్వాత మీడియాతో మాట్లాడారు. పోలవరం కార్యాచరణను అధికారులు ప్రకటించారని, ఈ కార్యాచరణ పోలవరం ప్రాజెక్టు అథారిటీకి తెలియజేశామని తెలిపారు.
జల వనరుల శాఖ మంత్రి, ప్రత్యేక ప్రధాన కార్యదర్శి ఢిల్లీ వెళ్లి కేంద్ర జల్‌శక్తి మంత్రిత్వ శాఖకు ఈ ప్రణాళిక వివరిస్తారని తెలిపారు. విదేశీ నిపుణుల బృందం, కేంద్ర జలసంఘంతో చర్చించి వారి అభిప్రాయాలు తీసుకుంటారని తర్వాత తుది ప్రణాళిక ఖరారవుతుందని సీఎం తెలిపారు.
ప్రాజెక్టులో కీలకమైన ఎర్త్ కం రాక్ ఫిల్ డ్యాం గ్యాప్ ఉ 1 నిర్మాణాన్ని 2026 ఫిబ్రవరి నాటికి పూర్తి చేయాలని, గ్యాప్ ఉ 2 తో పాటు మిగతా పనులు 2027 డిసెంబర్ 31 నాటికి పూర్తవుతాయని అధికారులు షెడ్యూల్ పెట్టుకున్నప్పటికీ .. జులై నాటికి పూర్తి చేయాలన్న లక్ష్యంగా నిర్దేశించారు. పోలవరం లెఫ్ట్ కెనాల్ పనులు ఫిబ్రవరి 2027 నాటికి పూర్తి చేయగలమని అధికారులు షెడ్యుల్ పెట్టుకున్నప్పటికీ ..2026 జులై నాటికి పూర్తి అయ్యేలా చూస్తామన్నారు. భూసేకరణ 16 వేల ఎకరాలకు పైగా ఉండగా, 2025 ఏప్రిల్ నాటికి పూర్తి చేయాలని నిర్ణయించారు.
పోలవరం కుడి కాలువ పనులు ఏప్రిల్ 2026 నాటికి పూర్తి చేయాలని సీఎం చంద్రబాబు సూచించారు. ప్రాజెక్టు నిర్మాణంలో ప్రధానమైన డయాఫ్రం వాల్ 2025 జనవరి నుంచి ప్రారంభమై 2026 ఫిబ్రవరి నాటికి పూర్తవుతుందని అంచనాతో ఉన్నప్పటికీ 2025 డిసెంబర్ నాటికే పూర్తి చేయాలని ఆదేశించారు. 2026 ఆగస్టు నాటికి ఈసీఆర్ఎఫ్ డ్యామ్ కొంత మేర పూర్తవుతుంది కాబట్టి కాపర్ డ్యాం వద్ద నీరు నిలువ చేసి గ్రావిటీ ద్వారా కుడి, ఎడమ కాలువల ద్వారా నీరు ఇచ్చే ప్రయత్నాలు చేయాలని సీఎం సూచించారు.
లోక్ సభలో జమిలి బిల్లు
కేంద్ర క్యాబినెట్ ఆమోదించిన జమిలి ఎన్నికల రాజ్యాంగ సవరణ బిల్లును మంగళవారం లోక్ సభలో ప్రభుత్వం ప్రవేశపెట్టింది. ఒకే దేశం.. ఒకే ఎన్నిక పేరుతో తేనున్న 129వ రాజ్యాంగ సవరణ బిల్లును కేంద్ర న్యాయశాఖ మంత్రి అర్జున్ రామ్ మేఘ్వాల్ సభలో ప్రవేశపెట్టారు. ఆ వెంటనే దానిని సంయుక్త పార్లమెంటరీ స్థాయీ సంఘానికి సిఫార్సు చేయనున్నట్లు సమాచారం.
రేషన్ బియ్యం మాయం కేసు.. పేర్ని నాని కుటుంబంపై లుక్ అవుట్ నోటీసులు!
రేషన్ బియ్యం మాయం కేసులో ఆరోపణలు ఎదుర్కొంటున్న పేర్ని నాని కుటుంబంపై లుక్ అవుట్ నోటీసు జారీ అయింది. వారు దేశం విడిచి పారిపోకుండా పోలీసులు ఈ నోటీసులు జారీ చేశారు. ఈ కేసులో నిందితులు దరఖాస్తు చేసుకున్న బెయిలు పిటిషన్ నిన్న విచారణకు వచ్చినప్పటికీ తిరిగి 19వ తేదీకి వాయిదా పడింది. కాగా, మాయమైన బియ్యం విలువకు సంబంధించి జరిమానాతో కలిపి డబ్బులు కట్టాలన్న అధికారుల నోటీసుకు స్పందించిన నాని కుటుంబం తొలి విడతలో ఈ నెల 13న కోటి రూపాయల విలువైన మూడు డీడీలు సమర్పించింది. నిన్న మరో రూ. 70 లక్షల డీడీలు ఇచ్చారు. మొత్తంగా రెండు విడతల్లో కలిపి ఇప్పటి వరకు రూ. 1.7 కోట్ల డీడీలు అధికారులకు అందించారు.
జరిమానా చెల్లించే అవకాశం ఇవ్వడం ద్వారా పేర్ని నాని కుటుంబానికి అధికారులు ఈ కేసు నుంచి బయటపడే అవకాశం కల్పించారన్న విమర్శలు వినిపిస్తున్నాయి. కాగా, మొత్తం 3,708 బస్తాల రేషన్ బియ్యం మాయమైనట్టు చెబుతున్నా, ఆ సంఖ్య అంతకుమించే ఉంటుందని అంటున్నారు. వాస్తవంగా ఎన్ని బస్తాలు మాయమై ఉంటాయన్న విషయంలో నేడు ఓ స్పష్టత వచ్చే అవకాశం ఉందని అధికారులు చెబుతున్నారు. రేషన్ బియ్యం మాయమైన కేసులో ఈ నెల 10న గోదాము యజమాని జయసుధ, మేనేజర్ మానస్ తేజపై పోలీసులు కేసు నమోదు చేశారు. జయసుధ ఈ నెల 13న బెయిలు కోసం దరఖాస్తు చేయగా, విచారణ గురువారానికి వాయిదా పడింది. ఈ నేపథ్యంలో ఈ కేసులో ప్రధాన నిందితురాలిగా ఉన్న జయసుధ విదేశాలకు పారిపోకుండా పోలీసులు తాజాగా లుక్ అవుట్ నోటీసులు జారీచేశారు. కాగా, మాయమైన బియ్యం విలువకు సంబంధించి పేర్ని నాని కుటుంబం రూ. 1.7 కోట్లు చెల్లించిన నేపథ్యంలో నాని నిన్న అజ్ఞాతం వీడి బయటకు వచ్చారు. తన నివాసంలో మాజీ మంత్రులు మేరుగు నాగార్జున, జోగి రమేశ్, మాజీ ఎమ్మెల్యే కైలే అనిల్ కుమార్ తదితరులతో సమావేశమయ్యారు.
డొనాల్డ్ ట్రంప్ కు కోర్టులో చుక్కెదురు
అమెరికా తదుపరి అధ్యక్షుడు డొనాల్డ్ ట్రంప్ కు న్యూయార్క్ కోర్టు భారీ షాకిచ్చింది. హష్ మనీ కేసులో ఇప్పటికే ట్రంప్ ను దోషిగా తేల్చగా.. ఈ కేసు నుంచి రక్షణ కోరుతూ ట్రంప్ దాఖలు చేసిన పిటిషన్ ను కొట్టేసింది. అధ్యక్షులకు కేవలం అధికారిక చర్యలకు సంబంధించిన కేసుల్లోనే రక్షణ ఉంటుంది తప్ప ఇలాంటి కేసుల్లో కాదని స్పష్టం చేసింది. హష్ మనీ కేసును కొట్టేయలేమని జడ్జి జువాన్‌ మర్చన్‌ తేల్చిచెప్పారు. హష్ మనీ కేసులో ట్రంప్ పై విచారణ జరిపిన మన్ హట్టన్ కోర్టు నవంబర్ లో ఆయనను దోషిగా తేల్చింది. పోర్న్ స్టార్ కు డబ్బులు ఇచ్చిన విషయం నిజమేనని నిర్ధారించింది. అయితే, ఈ లోగా ఎన్నికలు జరగడం, ట్రంప్ గెలవడంతో కేసు విచారణలో కీలక పరిణామాలు చోటుచేసుకున్నాయి. ట్రంప్ కు శిక్షను నిరవధికంగా వాయిదా వేసింది. ఈ క్రమంలోనే క్రిమినల్‌ విచారణ ఎదుర్కోకుండా అధ్యక్షుడికి రక్షణ ఉంటుందని సుప్రీంకోర్టు గతంలో ఇచ్చిన తీర్పును ప్రస్తావిస్తూ ట్రంప్ కోర్టును ఆశ్రయించారు. ఈ పిటిషన్ విచారించిన కోర్టు తాజాగా ఆయనకు రక్షణ కల్పించే అవకాశం లేదని స్పష్టం చేసింది. ఒకవేళ కోర్టు ఈ కేసును కొట్టివేయకుంటే శిక్ష అభియోగాలు ఎదుర్కొంటూ వైట్ హౌస్ లోకి అడుగుపెట్టే తొలి అధ్యక్షుడిగా ట్రంప్ నిలవనున్నారు.
హష్ మనీ కేసు..
డొనాల్డ్ ట్రంప్ గతంలో స్టార్మీ డానియల్స్ అనే పోర్న్ స్టార్ తో సన్నిహితంగా గడిపారనే ఆరోపణలు ఉన్నాయి. 2016 లో జరిగిన అధ్యక్ష ఎన్నికల్లో ట్రంప్ పోటీ చేసి గెలిచిన సంగతి తెలిసిందే. ఈ ఎన్నికల సమయంలో స్టార్మీ డానియల్స్ నోరు విప్పకుండా ఉండేందుకు 1.30 లక్షల డాలర్లను ట్రంప్ ముట్టుజెప్పారని ఆయన ప్రత్యర్థులు ఆరోపిస్తున్నారు. దీనినే హష్ మనీ అంటున్నారు. ఎన్నికల ప్రచారం కోసం సేకరించిన విరాళాల సొమ్మును ఇలా దుర్వినియోగం చేశారని, దీనికోసం తప్పుడు రికార్డులు సృష్టించారని ట్రంప్ ఆరోపణలు ఎదుర్కొంటున్నారు. దీంతో పాటు మొత్తం 34 అంశాల్లో ట్రంప్ పై నేరారోపణలు నమోదయ్యాయి.
మాలలు మహాగర్జన విజయవంతం చేసిన ప్రతి ఒక్కరికి కృతజ్ఞతలు
విశాలాంధ్ర – కొయ్యలగూడెం : (ఏలూరు జిల్లా) : గుంటూరులో జరిగిన మాలల మహా గర్జన సభను విజయవంతం చేసినందుకు మాల సోదరులందరికీ కృతజ్ఞతలు తెలుపుతున్నట్లు మాల మహానాడు రాష్ట్ర అధ్యక్షుడు బొగ్గవరపు బాబురావు ఒక ప్రకటనలో తెలిపారు. ఉప్పులేటి దేవి ప్రసాద్ నాయకత్వంలో జరిగిన మహాగర్జన సభకు రాష్ట్రంలో ఉన్న అనేక గ్రామాల నుండి స్వచ్ఛందంగా కదలి వచ్చిన సోదరులందరికీ జై భీమ్ తెలుపుతున్నట్లు బాబురావు పేర్కొన్నారు.
డాక్టర్ మల్లిపూడి కి జీవన సాఫల్య పురస్కారం
విశాలాంధ్ర- ఉంగుటూరు ( ఏలూరు జిల్లా): ఆ గ్రామీణ పశు వైద్య నిపుణునికి మూగజీవుల పట్ల వల్లమాలిన ప్రేమ. వాటి బాధల్ని తొలగించే కృషిలో ఎంతో నేర్పుని చూపే పశు వైద్య నిపుణుని ప్రసిద్ధిని పొందిన ఆయన ఇప్పటివరకు 35 పైగా పురస్కారాలు పొందారు. తాజాగా పురస్కారాల ఖాతాలో మరో అరుదైన మరో ఉత్తమ పురస్కారం వచ్చి చేరింది. ఆయన మరెవరో కాదు మండల కేంద్రం ఉంగుటూరుకి చెందిన పశు వైద్య నిపుణుడు, లైవ్ స్టాక్ అధికారి డాక్టర్ మల్లిపూడి చిన బాబు రావు. ఈ నెల 15న హైదరాబాద్ కి చెందిన బెస్ట్ ఆర్ట్స్ ఆకాడమీ జీవన సాఫల్య పురస్కారాన్ని ఈ నెల 15న పుచ్చలపల్లి సుందరయ్య కళానికేతన్ లో మల్లిపూడి ప్రముఖుల చేతుల మీదుగా ఆయన అందుకున్నారు. ఈ అరుదైన పురస్కారాన్ని అందుకున్న మల్లిపూడిని స్థానిక ప్రజలు, ప్రజా ప్రతినిధులు అభినందించారు. ఈ సందర్భంగా పురస్కార గ్రహీత డాక్టర్ బాబురావు మాట్లాడుతూ.. ఈ పురస్కారం రావడం ఎంతో సంతోషంగా ఉందన్నారు.
జైలును సంస్కృతి మార్పుకు కేంద్రంగా మార్చండి.. భగవాన్ భాయ్
విశాలాంధ్ర ధర్మవరం:: జైలును సంస్కృతి మార్పుకు కేంద్రంగా మార్చాలని ప్రజాపిత బ్రహ్మకుమారి ఈశ్వరీయ విశ్వవిద్యాలయం బ్రహ్మకుమార్ భగవాన్ భాయ్ తెలిపారు. ఈ సందర్భంగా పట్టణంలోని సబ్ జైల్లో రాజస్థాన్లోని మౌంట్ అబూ నుండి ప్రజాపిత బ్రహ్మకుమారి ఈశ్వరయ్య విశ్వవిద్యాలయం నుండి బ్రహ్మకుమారు భగవాన్ భాయి ఆధ్యాత్మిక పై అవగాహన నిర్వహించారు. ఈ సందర్భంగా వారు మాట్లాడుతూ ఇది జైలు కాదు అని సంస్కరణోద్యమము అని,మిమ్మల్ని మీరు మెరుగుపరుచుకోవడానికి ఇందులో మీరు ఉండడం జరిగిందని తెలిపారు. పగ తీర్చుకునే బదులు మనల్ని మనం మార్చుకోవాలని తెలిపారు. జీవితములో ఎప్పుడూ కూడా మంచి, దృఢమైన సంకల్పం, ఇతరులకు సేవ చేయడం లాంటి కార్యక్రమాలే శాశ్వతం అని తెలిపారు. మీ ప్రవర్తనలో మార్పు వచ్చినప్పుడే సమాజంలో మంచి జీవితాన్ని గడుపుతారని తెలిపారు. ప్రతి ఒక్కరూ శాంతి, దయ, క్షమాపణ, ఇతరులకు సేవ చేయడం, ఇతరులను ఆదుకోవడం లాంటి కు అలవాటు పడాలని తెలిపారు. మనం మంచి వాటికే అలవాటు పడాలని చెడును పూర్తిగా తొలగించాలని తెలిపారు. మనిషిలోని దుర్గుణాలు దుర్మార్గాలు మనల్ని పేదలుగా మార్చుతాయని తెలిపారు. జీవితంలో సద్గుణాలు లేకపోవడం వల్ల సమస్యలు తలెత్తుతున్నాయని తెలిపారు. మానవ జీవితం ఎంతో విలువైనదని తెలిపారు. జీవితములో పనికిరాని పనులు చేసి తమ జీవితాన్ని వృధా చేయకూడదని తెలిపారు. ప్రతి ఒక్కరూ జీవితములో మంచి మార్పు తీసుకుని రావడానికి మాత్రమే ప్రయత్నం చేయాలని తెలిపారు. ప్రతి మనిషిలో కామం, క్రోదం,లోపం,అనుబంధం, అహంకారం, అసూయ, ద్వేషం మొదలైన చెడులను మన జీవితము నుండి తరిమి కొట్టాలని తెలిపారు. ఖైదీలుగా మీరందరూ కూడా గతాన్ని మరిచిపోయి భవిష్యత్తు గురించి ఆలోచించాలని తెలిపారు. మీ కుటుంబం కోసం బ్రతకాల్సిన అవసరం ఇప్పుడు ఉందని తెలిపారు. మానవజన్మ మంచి పనులు చేయడానికి మాత్రమే మనము ఉన్నామని చెడు పనులు ఎటువంటి పరిస్థితుల్లో చేయరాదని తెలిపారు. అనంతరం సబ్ జైలు సూపర్డెంట్ బ్రహ్మారెడ్డి ఇటువంటి కార్యక్రమాలకు మా సభ్యులకు నిర్వహించడం అదృష్టంగా భావిస్తున్నామని తెలుపుతూ, మా ఖైదీలలో మంచి మార్పు తీసుకునేందుకు ఈ కార్యక్రమం ఎంతో ఉపయోగపడిందని తెలుపుతూ ప్రత్యేకంగా ప్రజాపిత బ్రహ్మకుమారి సంఘమునకు కృతజ్ఞతలు తెలియజేశారు. ఈ కార్యక్రమంలో బ్రహ్మకుమారి రాజయోగ సేవ కేంద్రం కోఆర్డినేటర్ రాధా మెహందీ, జైలు సిబ్బంది శివరామకృష్ణ, శివ నాగేశ్వర్, శ్రీనివాసులు బాయి, సుధాకర్ బాయ్, బి కే క్రాంతి భాయ్, బి కే రాజు భాయ్, అశోక్ భాయ్ తదితరులు పాల్గొన్నారు.
