విశాలాంధ్ర బ్యూరో నెల్లూరు: ముత్తుకూరు తహసిల్దార్ బాలకృష్ణారెడ్డి25 వేలు లంచం తీసుకుంటూ ఏసీబీకి చిక్కిన సంఘటన మంగళవారం మధ్యాహ్నం జరిగింది. ముత్తుకూరు మండలం పంటపాలెం గ్రామానికి చెందిన వడ్లమూడి వెంకట రమణయ్య నాయుడు తన భూమిని వన్ బి లోఎక్కించాలంటే గత కొన్ని నెలలుగాతాసిల్దార్ చుట్టూ జరిగింది.అయితే వెంకట రమణను తాసిల్దార్ బాలకృష్ణా రెడ్డి పాతికవేలు ఇస్తేనేచేస్తానం టూచెప్పడంతో చేసేదిలేక వెంకట రమణయ్య నాయుడు ఏసీబీని ఆశ్రయించడంతో ఏసీబీ అధికారుల సహకారం తో మంగళవారం మధ్యాహ్నం బాలకృష్ణారెడ్డిని పట్టుకోవడం జరిగింది.బాలకృష్ణరెడ్డికార్యాల యంలో విధులు నిర్వహిస్తుండగాఈసంఘటనచోటుచేసుకుంది. వడ్లమూడి వెంకట రమణయ్య నాయుడు గతంలో అప్పటిముత్తుకూరుపశువైద్యులుఇందిరా రెడ్డిని కూడా ఏసీబీ
కిపట్టించారు.
ఏసీబీకి చిక్కిన ముత్తుకూరు తహసిల్దార్
ప్రజలకు సేవ చేయడంలో పోలీసు ఉద్యోగానికి మించింది లేదు
— జిల్లా ఎస్పీ శ్రీ పి.జగదీష్
విశాలాంధ్ర- అనంతపురం : ప్రజలకు సేవ చేయడంలో పోలీసు ఉద్యోగానికి మించింది లేదని
జిల్లా ఎస్పీ శ్రీ పి.జగదీష్ పేర్కొన్నారు. మంగళవారం స్థానిక పోలీస్ కాన్ఫరెన్స్ హాల్లో
ఖాదర్ బాషా, ఎస్సై, ఒన్ టౌన్, అనంతపురం, ముస్తఫా, ఆర్.ఎస్.ఐ, జిల్లా ఏ.ఆర్ విభాగం, అనంతపురం,
చంద్రశేఖర్, హెడ్ కానిస్టేబుల్, ఒన్ టౌన్, పోలీస్ సిబ్బందికి పదవి విరమణ కార్యక్రమాన్ని నిర్వహించారు. ఈ సందర్భంగా జిల్లా ఎస్పీ మాట్లాడుతూ… సమాజం కోసం వీరంతా సుమారు మూడు నుంచీ నాలుగు దశాబ్దాలు పాటు సేవలందించి జీవితాలను పునీతం చేసుకున్నారన్నారు. విధి నిర్వహణలో ఎన్నో ఒడిదుడుకులు ఎదుర్కొని ఉద్యోగ బాధ్యతలను విజయవంతంగా ముగించడం ముదావహమన్నారు. పోలీసుశాఖలో చిన్న ఉద్యోగంతో జీవితం ప్రారంభించి ఎస్ ఐ ఉద్యోగం వరకు ఎదగడం హర్షణీయమన్నారు. శేష జీవితంలో కూడా ఉల్లాసంగా జీవించేలా వాకింగ్ , తదితర అలవాట్లను పాటించాలన్నారు. పిల్లల భవిష్యత్తుకు దోహదపడాలని కోరారు. అనంతరం పదవీ విరమణ పొందిన సిబ్బందికి సన్మానం చేశారు. పూలమాలలు వేసి శాలువాతో సత్కరించారు. బహుమానాలు అందజేసి శేష జీవితం సుఖంగా, ఆనందంగా గడపాలని ఎస్పీ ఆకాంక్షించారు. ఈ కార్యక్రమంలో అదనపు ఎస్పీలు డి.వి.రమణమూర్తి (పరిపాలన), ఇలియాజ్ బాషా (ఏ.ఆర్ ), డిటిసి డీఎస్పీ సూర్యనారాయణరెడ్డి, ఆర్ ఐ లు మధు, రాముడు, జిల్లా పోలీసు కార్యాలయం పరిపాలన అధికారి శంకర్, సూపరింటెండెంట్లు ప్రసాద్, సావిత్రమ్మ, ఎస్పీ సిసి ఆంజనేయ ప్రసాద్, పోలీసు అధికారుల సంఘం అడహక్ కమిటీ సభ్యులు సాకే త్రిలోక్ నాథ్, సుధాకర్ రెడ్డి, గాండ్ల హరినాథ్, లక్ష్మినారాయణ, ఆనంద్ తదితరులు పాల్గొన్నారు.
అనంతపూర్ పట్టణంలో మైనారిటీ విద్యార్థులకు ప్రభుత్వ భవనాలు నిర్మించాలి
ఇన్సాఫ్ నగర మైనారిటీ ప్రధాన కార్యదర్శి ఖాజా హుస్సేన్
విశాలాంధ్ర- అనంతపురం : అనంతపూర్ పట్టణంలో మైనారిటీ విద్యార్థులకు ప్రభుత్వ భవనాలు నిర్మించాలని ఇన్సాఫ్ నగర మైనారిటీ ప్రధాన కార్యదర్శి ఖాజా హుస్సేన్ పేర్కొన్నారు.
మంగళవారం స్థానిక అనంతపురం సీపీఐ జిల్లా పార్టీ కార్యాలయం లో మైనారిటీ వింగ్ ఇన్సాఫ్ నగర సమితి ఆధ్వర్యంలో విలేకరుల సమావేశాన్ని నిర్వహించారు. ఈ సందర్భంగా మైనారిటీ నగర ప్రధాన కార్యదర్శి ఖాజా హుస్సేన్ మాట్లాడుతూ… గార్లదిన్నెలో ఉన్న మైనార్టీ ఆంగ్ల మాధ్యమ రెసిడెన్షియల్ పాఠశాల విద్యార్థులు సరైన వసతుల లేక నానా కష్టాలు పడుతున్నారన్నారు. చిన్నపాటి గదిలో 70 నుంచి 80 మంది విద్యార్థులు నిద్రిస్తున్నారని పేర్కొన్నారు. విద్యార్థులు ఒకరిపై ఒకరు పడుకుంటూ తీవ్ర అనారోగ్యానికి గురి అవుతున్నారు అన్నారు . ఉన్నతాధికారులు వెంటనే స్పందించి ఈ సమస్యలను పరిష్కరించాలని విద్యార్థుల తల్లితండ్రులు తమ పిల్లల ఆరోగ్యం పట్ల ఆవేదన చెందుతున్నారన్నారు .విద్యా వ్యవస్థలో ఎన్నో మార్పులు తెచ్చి,పాఠశాల భవనాలను నాడు-నేడు కింద కార్పొరేట్ భవనాలుగా గత ప్రభుత్వం మార్చడం జరిగిందన్నారు. ఎవరూ కూడా చేయనంత అభివృద్ధి చేశాంః అంటూ గత ముఖ్యమంత్రి జగన్ తరుచూ అన్ని వేదికలపై చెప్పడం జరిగిందన్నారు. క్షేత్రస్థాయికి వెళితే.. గత సీఎం జగన్ ప్రాధాన్యతగా తీసుకున్న ఆంగ్ల మాధ్యమం బడుల్లో , గార్లదిన్నెలో మైనార్టీ విద్యార్థుల ఆంగ్ల మాధ్యమ రెసిడెన్షియల్ పాఠశాలలో విద్యార్థుల పరిస్థితి చూస్తే గుండె తరుక్కుపోయేలా ఉంది . ఉదయం అయితే తరగతి గదులు.. రాత్రికి పడకగదులుగా మారడం చూస్తుంటే ఇంతకంటే ఘోరం ఎక్కడా లేదన్నారు. బడుల్లో కావలసిన మౌలిక వసతులు క్షేత్రస్థాయిలో అవన్నీ అందుబాటులో ఉన్నాయో లేదో పట్టించుకోని పరిస్థితి నెలకొందన్నారు. ఆరో తరగతి నుంచి ఇంటర్ వరకు అనంతపురంలో మైనార్టీ ఇంగ్లీష్ మీడియం రెసిడెన్షియల్ పాఠశాల మంజూరు చేశారు. ఈ స్కూల్, హాస్టల్ ఏర్పాటుకు అనంత నగరంలో ఎక్కడా భవనాలు లేక అధికారులు గార్లదిన్నెలో నిరుపయోగంగా ఉన్న ఓ భవనంలో మార్చడం జరిగిందన్నారు. జూనియర్ కళాశాల ఏర్పాటుకు భవనం నిర్మించి, అనుమతులు రాకపోవటంతో కళాశాల ఏర్పాటు చేయలేకపోయిన ఈ భవనంలోనే మైనార్టీ రెసిడెన్షియల్ పాఠశాల పెట్టాలని నిర్ణయించారు అన్నారు. . జిల్లా కేంద్రంలో ఉండాల్సిన ఈ పాఠశాలను గార్లదిన్నెలో పెట్టిన అధికారులు కనీస సౌకర్యాలు కల్పన చేయకపోవటంతో విద్యార్థులు తీవ్ర అనారోగ్యానికి, అంటువ్యాధులకు గురై నానా ఇబ్బంది పడుతున్నారు. త్వరలో ఈ విషయం కలెక్టర్ దృష్టికి తీసుకొని వెళ్తామన్నారు. ప్రస్తుతం అధికారంలో ఉన్న కూటమి ప్రభుత్వం ఈ విషయం పై విద్యాశాఖ మంత్రి నారా లోకేష్ కు ఈ -మెయిల్ ద్వారా మౌలిక వసతులు కూడిన ప్రభుత్వ మైనారిటీ హాస్టల్ భవనాన్ని నిర్మించాలని కోరడం జరిగిందన్నారు. ఈ కార్యక్రమంలో గౌరవ అధ్యక్షులు అల్లి పిరా , అధ్యక్షులు చాంద్ బాషా, హాజీ వలి , ,సద్దాం తదితరులు పాల్గొన్నారు .
అధైర్యపడొద్దు…. అండగా ఉంటాం
సౌధీలో చిక్కుకున్న శ్రీకాకుళం వలస కార్మికులకు కేంద్ర పౌర విమానయాన శాఖ మంత్రి రామ్మోహన్ నాయుడు భరోసా
- బాధితులతో ఫోన్లో మాట్లాడిన కేంద్ర మంత్రి
విశాలాంధ్ర – శ్రీకాకుళం: పొట్ట కూటి కోసం విదేశాలకు వెళ్లి, యాజమాన్యాల చిక్కుకున్న వలస కార్మికులకు అండగా ఉంటామని కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు భరోసా కల్పించారు. బాధితులందరినీ స్వదేశానికి తీసుకు వచ్చేలా కేంద్ర విదేశాంగ శాఖపై ఒత్తిడి తీసుకు వస్తానని హామీ ఇచ్చారు. శ్రీకాకుళం జిల్లా ఇచ్ఛాపురం, కంచిలి, సోంపేట, వజ్రపుకొత్తూరు, నందిగాం, ఒడిశా లోని గంజాం జిల్లాకు చెందిన దాదాపు 30 మంది వలస కార్మికులు సౌదీ వెళ్లి, చిక్కుకున్న విషయం తెలిసిందే. 2 నెలలు పని చేసినా సంబంధిత యాజమాన్యం జీతాలు చెల్లించకపోవడం, గత 4 రోజులుగా తిండి కూడా లేకపోవడంతో వారంతా అల్లాడిపోయారు. బాధిత కుటుంబాల ద్వారా సమస్యను తెలుసుకున్న ఇచ్ఛాపురం ఎమ్మెల్యే బెందాళం అశోక్.. ఢిల్లీలో పార్లమెంటు సమావేశాల్లో ఉన్న కేంద్ర మంత్రి రామ్మోహన్ నాయుడు దృష్టికి తీసుకెళ్లారు. దీనిపై స్పందించిన ఆయన… బాధిత కార్మికులతో సోమవారం మాట్లాడారు. అందరినీ సురక్షితంగా స్వదేశానికి తీసుకు వచ్చేలా కేంద్ర విదేశాంగ శాఖ మంత్రి జైశంకర్ ను కలిసి, ఒప్పిస్తానని ప్రకటించారు. అలాగే భారత ఎంబసీ కార్యాలయానికి సమస్యను చేరవేసి.. ఆహారం, ఇతర ఏర్పాట్లు చేస్తానని తెలిపారు. దీంతో ఎంతో ఉపశమనం లభించిందని బాధితులు హర్షం వ్యక్తం చేశారు.
సేవల్లో చరిత్ర లిఖించిన అడ్డూరు నాయుడు బాబు చిరస్మరణీయుడు …
– ఏ.పి. శాసనసభ స్పీకర్ అయ్యన్న పాత్రుడు
విశాలాంద్ర – చోడవరం (అనకాపల్లి జిల్లా) : సేవల్లో చరిత్ర లెక్కించిన స్వర్గీయ నాగిరెడ్డి వెంకటరమణ (అడ్డూరు నాయుడు బాబు) చిరస్మరణీయుడు అని ఏ.పీ శాసనసభ స్పీకర్ చింతకాయల అయ్యన్నపాత్రుడు అన్నారు. కీర్తిశేషులు నాయుడు బాబు నాల్గవ వర్ధంతి సందర్భంగా మంగళవారం అడ్డూరు గ్రామంలో జరిగిన కార్యక్రమంలో అయ్యన్న పాల్గొని ఆయన కుటుంబ సభ్యులు అభిమానులతో కలిసి నాయుడు బాబు విగ్రహానికి పూలమాలలు వేసి నివాళులర్పించారు. ఈ సందర్భంగా స్కూల్ విద్యార్థిని విద్యార్థులకు అయ్యన్న చేతులు మీదగా బట్టలు పంపిణీ చేశారు. ఈ సందర్భంగా స్పీకర్ అయ్యన్న మాట్లాడుతూ చోడవరం మండలం అడ్డూరు గ్రామానికి వన్నెతెచ్చిన దివంగత నాగిరెడ్డి వెంకటరమణ, అడ్డూరు నాయుడు బాబుగా ఎనలేని కీర్తి పొందారన్నారు. మండల అధ్యక్షుడి స్థాయి నుండి ప్రజా నాయకుడిగా ఎన్నో పదవులు అందిపుచ్చుకుని ప్రజలకు నిస్వార్థ సేవలందించిన వ్యక్తి అని పేర్కొన్నారు. ఈ కార్యక్రమంలో మాడుగుల శాసనసభ్యులు బండారు సత్యనారాయణమూర్తి, చోడవరం ఎమ్మెల్యే కె.ఎస్.ఎన్.ఎస్.రాజు, రాష్ట్ర వెలమ కార్పొరేషన్ చైర్మన్ పి.వి జి కుమార్, స్థానిక నాయకులు వారి కుటుంబ సభ్యులు తదితరులు పాల్గొన్నారు.
సేవల్లో చరిత్ర లిఖించిన అడ్డూరు నాయుడు బాబు చిరస్మరణీయుడు …
– ఏ.పి. శాసనసభ స్పీకర్ అయ్యన్న పాత్రుడు
విశాలాంద్ర – చోడవరం (అనకాపల్లి జిల్లా) : సేవల్లో చరిత్ర లెక్కించిన స్వర్గీయ నాగిరెడ్డి వెంకటరమణ (అడ్డూరు నాయుడు బాబు) చిరస్మరణీయుడు అని ఏ.పీ శాసనసభ స్పీకర్ చింతకాయల అయ్యన్నపాత్రుడు అన్నారు. కీర్తిశేషులు నాయుడు బాబు నాల్గవ వర్ధంతి సందర్భంగా మంగళవారం అడ్డూరు గ్రామంలో జరిగిన కార్యక్రమంలో అయ్యన్న పాల్గొని ఆయన కుటుంబ సభ్యులు అభిమానులతో కలిసి నాయుడు బాబు విగ్రహానికి పూలమాలలు వేసి నివాళులర్పించారు. ఈ సందర్భంగా స్కూల్ విద్యార్థిని విద్యార్థులకు అయ్యన్న చేతులు మీదగా బట్టలు పంపిణీ చేశారు. ఈ సందర్భంగా స్పీకర్ అయ్యన్న మాట్లాడుతూ చోడవరం మండలం అడ్డూరు గ్రామానికి వన్నెతెచ్చిన దివంగత నాగిరెడ్డి వెంకటరమణ, అడ్డూరు నాయుడు బాబుగా ఎనలేని కీర్తి పొందారన్నారు. మండల అధ్యక్షుడి స్థాయి నుండి ప్రజా నాయకుడిగా ఎన్నో పదవులు అందిపుచ్చుకుని ప్రజలకు నిస్వార్థ సేవలందించిన వ్యక్తి అని పేర్కొన్నారు. ఈ కార్యక్రమంలో మాడుగుల శాసనసభ్యులు బండారు సత్యనారాయణమూర్తి, చోడవరం ఎమ్మెల్యే కె.ఎస్.ఎన్.ఎస్.రాజు, రాష్ట్ర వెలమ కార్పొరేషన్ చైర్మన్ పి.వి జి కుమార్, స్థానిక నాయకులు వారి కుటుంబ సభ్యులు తదితరులు పాల్గొన్నారు.
నన్ను హత్య చేసేందుకు ఎన్నో కుట్రలు జరిగాయి: షేక్ హసీనా
బంగ్లాదేశ్ లో పరిస్థితులు నానాటికీ దిగజారుతున్నాయి. హిందువులు, మైనార్టీలపై అక్కడ జరుగుతున్న దాడులపై ప్రపంచ వ్యాప్తంగా ఆందోళన వ్యక్తమవుతోంది. ఈ నేపథ్యంలో భారత్ లో ఒక రహస్య ప్రదేశంలో ఆశ్రయం పొందుతున్న బంగ్లాదేశ్ మాజీ ప్రధాని షేక్ హసీనా కీలక వ్యాఖ్యలు చేశారు. దేశంలో నెలకొన్న అనిశ్చితికి తాత్కాలిక ప్రధాని మహమ్మద్ యూనస్ కారణమని ఆమె అన్నారు. మూక హత్యలకు కారణమయ్యానంటూ తనపై కేసులు పెడుతున్నారని… వాస్తవానికి విద్యార్థి సంఘాల నాయకులతో కలిసి ఆందోళనలకు కుట్ర పన్నింది యూనస్ అని చెప్పారు. ఇప్పుడు బంగ్లాదేశ్ లో ఉపాధ్యాయులు, పోలీసులు ఇలా అందరిపై దాడులు జరుగుతున్నాయని అన్నారు. మైనార్టీలను లక్ష్యంగా చేసుకుని ఆలయాలపై దాడులు చేస్తున్నారని మండిపడ్డారు. అల్లర్ల వెనకున్న మాస్టర్ మైండ్ యూనసేనని చెప్పారు.
తన తండ్రి మాదిరే తనను కూడా హత్య చేసేందుకు ఎన్నో కుట్రలు జరిగాయని హసీనా తెలిపారు. వాటిని ఎదుర్కోవడానికి తనకు అరగంట సమయం కూడా పట్టదని… తన భద్రతా సిబ్బంది కాల్పులు జరిపి ఉంటే ఎంతో మంది ప్రాణాలు కోల్పోయేవారని చెప్పారు. అధికారం కోసం తాను అక్కడే ఉంటే మారణహోమం జరిగేదని అన్నారు. ప్రజలను విచక్షణారహితంగా చంపేస్తుండటంతోనే తాను దేశం విడిచి వెళ్లాలనే నిర్ణయం తీసుకున్నానని చెప్పారు. ఆందోళనకారులపై కాల్పులు జరపవద్దని తన భద్రతా సిబ్బందికి చెప్పానని తెలిపారు.
షేక్ హసీనాకు చెందిన అవామీ లీగ్ పార్టీ కార్యక్రమం న్యూయార్క్ లో జరిగింది. ఈ కార్యక్రమానికి ఆమె వర్చువల్ గా హాజరయ్యారు. ఈ సందర్భంగా ఆమె మాట్లాడుతూ పై వ్యాఖ్యలు చేశారు.
సీసీ కెమెరాల నిర్వహణ నిర్లక్ష్యంపై ఏపీ ప్రభుత్వానికి హైకోర్టు సూటి ప్రశ్న
ఏపీ రాష్ట్రవ్యాప్తంగా పోలీస్ స్టేషన్లు, కారాగారాల్లో పెద్ద సంఖ్యలో సీసీ కెమెరాలను ఏర్పాటు చేసినప్పటికీ నిర్వహణ, సాంకేతిక లోపాల కారణంగా చాలా వరకు సీసీ కెమెరాలు పని చేయడం లేదు. పోలీస్ స్టేషన్లు, జైళ్లలో సీసీ కెమెరాలు తప్పనిసరి అంటూ గతంలో సుప్రీంకోర్టు ఇచ్చిన ఆదేశాల్లో పురోగతి లేకపోవడంతో న్యాయవాది తాండవ యోగేశ్ హైకోర్టులో కోర్టు ధిక్కరణ పిటిషన్ దాఖలు చేశారు.
ఈ పిటిషన్‌పై న్యాయమూర్తులు జస్టిస్ ఆర్. రఘునందన్ రావు, జస్టిస్ కె. మహేశ్వరరావుతో కూడిన ద్విసభ్య ధర్మాసనం నిన్న విచారణ నిర్వహించింది. ఈ క్రమంలో ప్రభుత్వ ప్రత్యేక న్యాయవాది విష్ణుతేజ వాదనలు వినిపించారు. రాష్ట్రవ్యాప్తంగా 1,001 పోలీస్ స్టేషన్‌ల్లో పది వేలు, 81 జైళ్లలో 1,752 సీసీ కెమెరాలను ఏర్పాటు చేశామని వివరించారు.
దీనిపై ధర్మాసనం స్పందిస్తూ .. ఏర్పాటు చేసిన వాటిలో ఎన్ని పని చేస్తున్నాయి? పని చేయని వాటిని సరిచేసేందుకు ఎలాంటి చర్యలు తీసుకున్నారో చెప్పాలని డీజీపీ, జైళ్ల శాఖ డీజీలను ఆదేశించింది. తదుపరి విచారణను ఈ నెల 23వ తేదీకి వాయిదా వేసింది.
తడిచిన ధాన్యం కొనుగోలు చేయండి : సీఎం చంద్రబాబు
బంగాళాఖాతంలో ఏర్పడిన ఫెంజల్ తుపాను ప్రభావం ఇంకా తొలగిపోలేదని, మరో రెండు రోజులు అప్రమత్తంగా ఉండాలని చంద్రబాబు స్పష్టం చేశారు. ఫెంజల్ తుపాను నేపథ్యంలో చేపట్టిన సహాయక చర్యలపై ముఖ్యమంత్రి చంద్రబాబు బాబు సమీక్ష నిర్వహించారు. వర్షాల ప్రభావం తగ్గే వరకూ అప్రమత్తంగా ఉండాలని అధికారులకు సూచించారు. భారీ వర్షాలు కురిసిన జిల్లాల్లో దెబ్బతిన్న పంటలను గుర్తించి నష్టపరిహారం చెల్లించాలని ఆదేశించారు. దీనికి సంబంధించిన అంచనాల ప్రక్రియ పూర్తి చేయాలని అన్నారు. తడిచిన ధాన్యం కూడా కొనుగోలు చేయాలని, రైతులకు ఇబ్బంది లేకుండా చూడాలని సీఎం చంద్రబాబు పేర్కొన్నారు. 53 మండలాల పరిధిలో తుఫాన్ ప్రభావం ఉందని, భారీ వర్షాలు కురుస్తున్న ప్రాంతాల్లో సహాయ శిబిరాలు ఏర్పాటు చేసి, ప్రజలను తరలించినట్లు వెల్లడించారు.ఈ సమీక్షలో ఏపీ చీఫ్ సెక్రటరీ నీరబ్ కుమార్ ప్రసాద్, పలువురు ఉన్నతాధికారులు పాల్గొన్నారు.
ప్రారంభమైన ఏపీ కేబినెట్ సమావేశం..
ఆంధ్రప్రదేశ్ మంత్రివర్గ సమావేశం మంగళవారం ఉదయం ప్రారంభమైంది. ముఖ్యమంత్రి చంద్రబాబు నాయుడు అధ్యక్షతన జరుగుతున్న ఈ సమావేశంలో పలు ప్రధాన అంశాలపై చర్చ జరిగే అవకాశం ఉంది. ఏపీ కేబినెట్‌లో10 అంశాలపై చర్చ జరుగనుంది. ముఖ్యంగా కాకినాడ పోర్టు ద్వారా రేషన్ బియ్యం అక్రమంగా తరలిపోవడంపై కేబినెట్‌లో డిప్యూటీ సీఎం పవన్ కళ్యాణ్ ప్రస్తావించే అవకాశం ఉంది. ఈ అంశంపై ఇప్పటికే మంత్రివర్గ ఉప సంఘంలో చర్చించడంతో పాటు, ఆ నిర్ణయాలను కేబినెట్‌లో చర్చ రానున్నట్లు తెలుస్తోంది. ఇప్పటికే ఈ అంశంపై సీఎం చంద్రబాబుతో పవన్ కళ్యాణ్ భేటీ అయి చర్చించిన విషయం తెలిసిందే. దీంతో సామాజిక మాధ్యమాల్లో పెడుతున్న పోస్టింగ్ల అంశం కూడా చర్చకు వచ్చే అవకాశం ఉంది. అలాగే పలు పాలసీలకు కూడా మంత్రివర్గం ఆమోద ముద్ర వేయనుంది. ఐటీ అండ్ గ్లోబల్ కేపాసిటీ సెంటర్స్ పాలసీ 4.0 అంటే ఆర్‌టీజీని పునర్వ్యవస్థీకరించే అంశంపై వెర్షన్ 4.0 అమలుపై మంత్రి వర్గం నిర్ణయం తీసుకోనుంది. దాంతో పాటు ఏపీ టెక్స్‌టైల్స్ అండ్ గార్మెంట్స్ పాలసీ, ఏపీ మారిటైమ్ పాలసీ 4.0, ఏపీ టూరిజం పాలసీ, స్పోర్ట్స్ పాలసీలకు ఈరోజు కేబినెట్‌లో ఆమోద ముద్ర పడనుంది. ఇప్పటికే ఒలంపిక్స్, అంతర్జాతీయ స్థాయిలో పతకాలు సాధించిన వారికి ఇచ్చే ప్రోత్సకాలను పెంచుతూ ప్రభుత్వం ఇటీవల నిర్ణయం తీసుకున్న విషయం తెలిసిందే. ఈ క్రమంలో స్పోర్ట్స్ పాలసీపై కేబినెట్‌లో చర్చించనున్నారు. అలాగే పొట్టి శ్రీరాములు వర్ధంతి డిసెంబర్ 15 ను ఆత్మార్పణ దినంగా రాష్ట్ర ఉత్సవంగా జరిపేందుకు కేబినెట్ ఆమోదం తెలుపనుంది. ఆయుర్వేద, హోమియోపతి మెడికల్ ప్రాక్టిషనర్స్ రిజిస్ట్రేషన్ ఆక్ట్‌లో సవరణల బిల్లుకు కేబినెట్ ఓకే చెప్పనుంది. దీంతో పాటు 41 వ సీఆర్‌డీఏ అథారిటీ సమావేశంలో తీసుకున్న నిర్ణయాలకు కూడా ఏపీ కేబినెట్ సమావేశంలో ఆమోదం తెలిపే అవకాశం ఉన్నట్లు సమాచారం. అయితే కాకినాడ పోర్టులో రేషన్ బియ్యం అక్రమ తరలింపుపైనే కేబినెట్‌లో సీరియస్‌గా చర్చించే అవకాశం ఉన్నట్లు తెలుస్తోంది.
