అమిత్ షా తో చంద్రబాబు భేటీ

అమరావతి: కేంద్ర హోం మంత్రి అమిత్ షాను సీఎం చంద్రబాబు మంగళవారం ఢిల్లీలో కలిశారు. ఆయన రాజధాని అమరావతికి చట్టబద్ధత వ్యవహారంపై చర్చించినట్లు సమాచారం. పార్లమెంట్లో ఈ బిల్లును పెట్టాలని ఇప్పటికే నిర్ణయించిన నేపథ్యంలో రాజధాని అంశంపై చర్చలు జరిపినట్లు తెలిసింది. బడ్జెట్ రెండోదశ సమావేశాల్లో బిల్లు పెట్టాలని అమిత్ షాను చంద్రబాబు కోరినట్లు సమాచారం. రాష్ట్రానికి చెందిన మరికొన్ని అంశాలపైన కేంద్ర మంత్రితో చంద్రబాబు చర్చించినట్లు తెలుస్తోంది.