యాచకులకు దుప్పట్లు పంపిణీ

శ్రీ సత్య సాయి సేవ సమితి

విశాలాంధ్ర ధర్మవరం : పట్టణంలోని రైల్వే స్టేషన్, ఆర్టిసి బస్టాండ్, ఆలయాల దగ్గర గల యాచకులకు శ్రీ సత్యసాయి సేవా సమితి సుబ్బదాసు భజన మందిరం ఎన్టీఆర్ సర్కిల్ వారు 50 దుప్పట్లను పంపిణీ చేయడం జరిగిందని వారు తెలిపారు. ఈ సందర్భంగా నిర్వాహకులు మాట్లాడుతూ పుట్టపర్తి సత్యసాయిబాబా ఆశీస్సులతో తాము పలు సేవా కార్యక్రమాలను నిర్వహిస్తున్నామని తెలిపారు. ప్రభుత్వ ఆసుపత్రిలోని రోగులకు అన్నదానం, అల్పాహారం లాంటి కార్యక్రమాలను దాతల సహాయ సహకారాలతో నిర్వహిస్తున్నామని తెలిపారు. ప్రస్తుతం చలికాలం ఉన్నందున యాచకులకు దుప్పట్లు పంపిణీ కార్యక్రమం నిర్వహించడం మాకెంతో సంతోషాన్ని తృప్తిని ఇచ్చిందని తెలిపారు. మానవసేవే మాధవసేవ అన్న స్ఫూర్తితో ఈ కార్యక్రమాన్ని చేపట్టడం జరిగిందని తెలిపారు. ప్రతి వ్యక్తి తన వద్ద ఉన్న దానిలో కొంతవరకు దాన కార్యక్రమం నిర్వహించడం వల్ల మానవత విలువ పెరిగే అవకాశం ఉందని తెలిపారు.